ໂຮງຮຽນ ເຄເອັນຊີ ມອບເຄື່ອງກີລາຫ້ອງການສຶກສາເມືອງຫາດຊາຍຟອງ

 ວັນທີ 30 ກັນຍາ ຜ່ານມາທີ່ໂຮງຮຽນເຄເອັນຊີໄດ້ມອບເຄື່ອງກີລາປະເພດເສືອຈໍານວນ 35ຊຸດ ໃຫ້ແກ່ພະນັກງານຫ້ອງການສຶກສາທິການ ແລະກີລາເມືອງຫາດຊາຍຟອງເພື່ອເປັນການສ້າງຂະບວນການຕ້ອນຮັບວັນຄູແຫ່ງຊາດ ທີ 7ຕຸລາ ທີ່ຈະມາເຖິງໂດຍໃຫ້ກຽດມອບທ່ານ ນາງ ທິບພາພອນ ແກ້ວໜູຈັນ ອຳນວຍການໂຮງຮຽນ ເຄເອັນຊີ ແລະຮັບທ່ານ ນາງ ບຸນຍົມ ລັ່ງສຸມີ ຮອງຫົວໜ້າຫ້ອງການສຶກສາທິການ ແລະ ກີລາເມືອງຫາດຊາຍຟອງພ້ອມດ້ວຍພະນັກງານເຂົ້າຮ່ວມ.

  ສຳລັບການມອບເຄື່ອງອຸປະກອນດັ່ງກວ່າແລ້ວທັງສອງພາກສ່ວນແມ່ນໄດ້ຮ່ວມສ້າງກິດຈະກຳແຂ່ງຂັນບານເຕະມິດຕະພາບສ້າງຄວາມຮັກແພງເພື່ອໃຫ້ວຽກງານການປະຕິບັດໜ້າທີ່ມີຄວາມສະດວກຂຶ້ນ ແລະທັງເປັນການຊ້ອມອຸ່ນເຄື່ອງເພື່ອຈະໄປແຂ່ງຂັນງານແຂ່ງຂັນກິລາບານເຕະຕ້ອນຮັບວັນຄູແຫ່ງຊາດ 9 ຕົວເມືອງທີ່ຈະຈັດຂຶ້ນ ໃນວັນທີ 5 ຕຸລາ 2020 ອີກດ້ວຍ.

  ໂຮງຮຽນເຄເອັນຊີອະນຸບານປະຖົມມັດຖະຍົມເປັນໂຮງຮຽນເອກກະຊົນເປີດສົກຮຽນມາເປັນປີທີ 2 ສະຖານທີ່ຕັ້ງຢູ່ບ້ານຖິ່ນຕົມ ເມືອງຫາດຊາຍຟອງ ນະຄອນຫຼວງວຽງຈັນ.

แชร์