ອີຢູ-ອັງກິດເຈລະຈາແບັກຊິດຮອບສຸດທ້າຍ

  ວັນທີ 29 ກັນຍາ, ສະຫະພາບເອີຣົບ (ອີຢູ) ແລະອັງກິດຈະເລີ່ມຕົ້ນຮອບເຈລະຈາເທື່ອທີ 9 ແລະກໍ່ແມ່ນຮອບສຸດທ້າຍ, ຄາດວ່າຈະເຫັນດີເປັນເອກະພາບກ່ຽວກັບການພົວພັນ 2 ຝ່າຍ ພາຍຫຼັງອັງກິດຖອນຕົວອອກຈາກ ອີຢູ (Brexit).

  ຕາມຂ່າວຕ່າງປະເທດລາຍງານວ່າ ກອງປະຊຸມເຈລະຈາຈະດຳເນີນໃນເວລາ 4 ວັນ ຊຶ່ງສຸມໃສ່ເຂົ້າໃນບັນດາສິ່ງຕິດຂັດຕົ້ນຕໍທີ່ຍັງຄົງຄ້າງຄື ການແກ່ງແຍ້ງຍຸຕິທຳ ຊຶ່ງທັງ2 ຝ່າຍກໍ່ປຶກສາຫາລືກ່ຽວກັບບັນດາບັນຫາອື່ນໆ ຄືດ້ານການຄ້າສິນຄ້າ ແລະການບໍລິການ, ກຳລັງຄວາມສາ ມາດ ແລະການຮ່ວມມືດ້ານຕຸລາການ ທັງ 2 ຝ່າຍກໍ່ຖະແຫຼງວ່າ ພວມມຸ່ງໄປເຖິງເປົ້າໝາຍໜຶ່ງດຽວ, ນັ້ນແມ່ນບັນລຸໄດ້ຂໍ້ຕົກລົງໃນທ້າຍເດືອນ ຕຸລາ ເພື່ອອະນຸຍາດວິວັດທະນາການໃຫ້ສັດຕະຍາບັນຂອງສະພາແຫ່ງຊາດໄດ້ດຳເນີນ, ທັງຢູ່ ອີຢູ ກໍ່ຄືຢູ່ອັງກິດ.

  ເປົ້າໝາຍຂອງການເຈລະຈາ ແມ່ນບັນລຸໄດ້ຂໍ້ຕົກລົງເຊິ່ງມີຜົນສັກສິດໃນວັນທີ 01 ມັງກອນ 2021, ເມື່ອໄລຍະປ່ຽນຜ່ານສິ້ນສຸດລົງ. ຫລັງຈາກນັ້ນ, ລາຊະອານາຈັກອັງກິດຈະຖອນຕົວອອກຈາກລະບອບລະບຽບການຂອງອີຢູຕະຫຼອດການ.

----

ໜັງສືພິມ ເສດຖະກິດ-ສັງຄົມ

แชร์