ຈີນເລັ່ງລົງທຶນ 15 ຕື້ເອີໂຣຊຸກຍູ້ລະບົບຂັບເຄື່ອນໄຟຟ້າ

  ຜູ້ຜະລິດລົດໂຟກສະວາເກນ ກຣຸບ ໄຊນ່າປະກາດວ່າ ມີແຜນທີ່ຈະລົງທຶນປະມານ 15 ຕື້ເອີໂຣ ຮ່ວມກັບບໍລິສັດການຄ້າຫຼາຍແຫ່ງໃນການຂັບເຄື່ອນດ້ວຍລະບົບໄຟຟ້າລະຫວ່າງປີ 2020-2024.

  ຕາມຂ່າວຕ່າງປະເທດລາຍງານວ່າ ໂຟລກສະວາເກນ ກຣຸບໄຊນ່າ ກ່າວວ່າ ແຜນການລົງທຶນດັ່ງກ່າວເປັນການລົງທຶນເພີ່ມຈາກທີ່ກ່ອນໜ້ານີ້ ໂຟລກສະວາເກນ ກຣຸບ ເຄີຍປະກາດແຜນການລົງທຶນ33 ຕື້ເອີໂຣ ສຳລັບການພັດທະນາການຂັບເຄື່ອນດ້ວຍລະບົບໄຟຟ້າໃນທົ່ວ ໂລກ, ນອກຈາກນີ້ຍັງວາງແຜນທີ່ຈະຜະລິດລົດພະລັງງານໃໝ່ທັງໝົດ 15 ລຸ້ນ ສຳລັບໃຊ້ໃນຈີນພາຍໃນປີ 2025 ດ້ວຍກົນລະຍຸດການພັດ ທະນາໄຟຟ້າ ແລະການແປງເປັນດິຈິຕອລ ໂດຍຕັ້ງເປົ້າໃຫ້ອັດຕາສ່ວນຂອງລົດໄຟຟ້າເຕັມຮູບແບບໃນກຸ່ມຜະລິດພັນຂອງຕົນໃນຈີນຢູ່ທີ່ 35%.

  ຈີນຫາກໍປະກາດເປົ້າໝາຍດ້ານພູມອາກາດວ່າ ຈະບັນລຸການເປັນກາງທາງກາກບອນຫຼືການປ່ອຍກາກບອນໃຫ້ເປັນສູນພາຍໃນປີ 2060 ຊຶ່ງເປັນຄວາມຕັ້ງໃຈທີ່ຈະເລັ່ງຄວາມໄວໃນການປ່ຽນແປງໂລກໄປສູ່ການພັດທະນາສີຂຽວ ແລະກາກບອນຕໍ່າ.

 

แชร์