ແມັກບຸກຕົວທຳອິດທີ່ໃຊ້ຊິບແອັບເປິ້ນຊິລິຄອນອາດມີລາຄາ 799 ໂດລາ

  ຫຼັງຈາກມີຂ່າວລືວ່າ Apple ອາດວາງຈຳໜ່າຍ MacBook ທີ່ໃຊ້ຊິບ Apple Silicon ປະມານໃນທ້າຍປີນີ້ກໍມີນັກຄາດການ ແລະນັກເຜີຍຂໍ້ມູນອອກມາໃຫ້ຂໍ້ມູນກ່ຽວກັບ MacBook ຕົວໃໝ່ຢູ່ເລື້ອຍໆ ຫຼ້າສຸດເບິ່ງຄືວ່າເຮົາຈະເລີ່ມຊາບລາຍລະອຽດລາຄາທຳອິດກັນ ແລ້ວ.

  @Komiya_Kj ນັກເຜີຍຂໍ້ມູນອອກມາບອກວ່າ MacBook ຕົວທຳອິດທີ່ມາພ້ອມກັບຊິບ Apple Silicon ມີລາຄາເລີ່ມຕົ້ນພຽງແຕ່ 799 ໂດລາສະຫະລັດ(ອາດຈະເປັນລຸ້ນ 12” ຫຼື ເປັນຕົວໃໝ່ 13”) ຊຶ່ງຫາກທຽບກັບລາຄາ MacBook Air ຕົວປະຈຸບັນທີ່ເລີ່ມທີ່ 1.096 ໂດລາແລ້ວຖືວ່າ ຖືກກວ່າກັນຫຼາຍ ແລະຄາດວ່າປະສິດທິພາບໃນ MacBook Apple Silicon ຈະສູງກວ່າຕົວເລີ່ມຕົ້ນ ຂອງ MacBook Air Intel Core i3 ດ້ວຍສ່ວນ MacBook Pro 13” ທີ່ໃຊ້ຊິປ Apple Silicon ຈະເລີ່ມຕົ້ນທີ່ລາຄາ 1.099 ໂດລາທີ່ເຮົາຍັງບໍ່ຮູ້ແທ້ໆກໍຄືສ່ວນທີ່ຊິບປະມວນຜົນເປັນໄປໄດ້ວ່າໃນ MacBook ລຸ້ນໃໝ່ອາດຈະມີການປັບແຕ່ງສະເປັກຂອງຊິປປະມວນຜົນແລ້ວແຕ່ຈະມີການປັບແຕ່ງແຣມ ແລະຄວາມຈຸແທນແຕ່ເຮົາກໍເລີ່ມທີ່ຈະໄດ້ຍິນວ່າ Apple ກຳລັງພັດທະນາຊິບ ARM ຕົວໃໝ່ສຳລັບເຄື່ອງ Mac ໂດຍສະເພາະ ດ້ວຍກໍເປັນໄປໄດ້ວ່າ Apple ອາດນຳຊິປ A12Z ຕົວທຳອິດທີ່ໃຊ້ບົນ Mac ໃສ່ໃຫ້ກັບລຸ້ນເລີ່ມຕົ້ນແທນ.

  ງານ Keynote ຂອງ Apple ແລະງານປິດສະໜາອີກ 1 ງານຈະຈັດຂຶ້ນອີກໃນມໍ່ໆນີ້ເຮົາອາດໄດ້ຍິນອັນໃດອັນໜຶ່ງທີ່ສຳຄັນຈາກປາກຂອງ Apple ເອງກໍເປັນໄດ້.

----

ໜັງສືພິມ ເສດຖະກິດ-ສັງຄົມ

แชร์