ສໍາຜັດອາກາດບໍລິສຸດທີ່ຍອດຊວງ

  ຍາມນີ້ພໍດີອາກາດດີ, ຝົນແດ່ແດດແດ່ທຳມະຊາດປ່າໄມ້ໃບຫຍ້າຂຽວສົດງົດງາມຖ້າຈະຖືໂອກາດໄປຮັບເອົາອາກາດບໍລິສຸດຈັກຄັ້ງຄົງເປັນເລື່ອງທີ່ດີແບບວ່ານອນເຕັ້ນປີ້ງ ຊີ້ນປີ້ງມັນກິນສູດດົມອາກາດໄປນຳມີສຸກຈາກໃສເດຈະມາປຽບປານ.

  ສຳລັບຜູ້ທີ່ຢາກທ່ຽວຂໍແນະນໍາໜຶ່ງສະຖານທີ່ຕັ້ງເຕັ້ນແບບຄັກສຸດໆເປັນສະຖານທີ່ໆເໝາະກັບການພັກຜ່ອນແບບເປັນໝູ່ເປັນຄອບຄົວ ຫຼືຄົນຮັກກໍດີນັ້ນກໍຄືສະຖານທີ່ທ່ອງຍອດຊວງທ່ຽວຕັ້ງຢູ່ທີ່ບ້ານໃໝ່ ເມືອງໂພນໂຮງ ແຂວງວຽງຈັນ ຂັບລົດອອກຈາກຕົວເມືອງວຽງຈັນໄປປະມານ 50 ນາທີ ກໍເຖິງສະຖານທີ່ແລ້ວທີ່ນັ້ນມີອາຫານ ແລະເຄື່ອງດື່ມໄວ້ໃຫ້ບໍລິການຄົບຊຸດເລີຍເດີ້, ຍອດຊວງເປັນສະຖານທີ່ພັກຜ່ອນແບບຄອບຄົວ ແລະໝູຄູ່ກາງເຕັ້ນນອນຫຼິ້ນເດີນທ່ານຈະໄດ້ສໍາຜັດກັບບັນຍາກາດບໍລິສຸດມີກິດຈະກຳເຮັດກິນຊຸມແຊວແບບສະບາຍ.

ທີ່ຜູ້ຂຽນບອກໄປນັ້ນເປັນໜຶ່ງສະຖານທີ່ຊົມທິວທັດທໍາມະຊາດຟ້າຫຼັງຝົນແດດອ່ອນໆຕ້ອງໃບໄມ້ອັນຂຽວກະຈີບອກໄດ້ເລີຍວ່າບັນຍາກາດດີວິວງາມເໝາະແກ່ການໄປພັກ ຜ່ອນຖ່າຍຮູບກັບມຸມໃໝ່ໆ ຊຶ່ງກໍຢູ່ບໍ່ໃກ້ບໍ່ໄກເລີຍວັນພັກຜ່ອນທ້າຍອາທິດນີ້ລອງໄປພັກຜ່ອນໄດ້ເລີຍ.

------------

ຂຽນໂດຍ: ມະນີວັນ

ຮູບພາບ: #ຫນັງສືພິມເສດຖະກິດສັງຄົມ

• 01/10/2020