ນັກສຶກສາລາວ 18 ຄົນໄດ້ຮັບທຶນການສຶກສາຈາກຍີ່ປຸ່ນ

  ນັກສຶກສາລາວ 18 ຄົນ ໄດ້ເດີນທາງໄປສຶກສາຕໍ່ຢູ່ຍີ່ປຸ່ນ ໃນສົກປີ 2020 ພາຍໃຕ້ທຶນລັດຖະບານຍີ່ປຸ່ນ (MEXT:Ministry of Education, Culture, Sports Science and Tech nology), ພາຍຫຼັງການເລື່ອນເວລາມາ 6 ເດືອນ ເນື່ອງຈາກມາດຕະການສະກັດກັ້ນການລະບາດຂອງພະຍາດ Covid-19.

  ບັນດານັກສຶກສາຜູ້ທີ່ຜ່ານການສອບເສັງ ແລະສໍາພາດທີ່ມີການແຂ່ງຂັນສູງ ຊຶ່ງຈັດໂດຍສະຖານທູດຍີ່ປຸ່ນ ແລະMEXT. ພວກເຂົາຈະຖືກຕ້ອນຮັບຢ່າງອົບອຸ່ນເຂົ້າສູ່ການສຶກສາໃນແຕ່ລະສະຖາບັນການສຶກສາທົ່ວທຸກຂົງເຂດຂອງຍີ່ປຸ່ນ.

  ນັກສຶກສາທັງ 18 ຄົນ ຈະໄດ້ເຂົ້າຮ່ວມເປັນສະມາຊິກກັບບັນດານັກສຶກສາລາວຫຼາຍກວ່າ 1.000 ຄົນລວມທັງຜູ້ທີ່ກໍາລັງສຶກສາ ແລະຜູ້ທີ່ໄດ້ມີໂອກາດໄປສຶກສາຢູ່ທີ່ຍີ່ປຸ່ນພາຍໃຕ້ທຶນລັດຖະບານຍີ່ປຸ່ນເຊັ່ນ: ໂຄງການ MEXT, JDS (Japanese Grant Aid for Human Resource Development Scholarship) ແລະYLP (Young Leader’s Program) ທີ່ໄດ້ຮັບການສະໜັບສະໜູນ ໂດຍລັດຖະບານຍີ່ປຸ່ນມາເປັນເວລາຫຼາຍກວ່າ 30 ປີ.

----

ໜັງສືພິມ ເສດຖະກິດ-ສັງຄົມ

แชร์