ແລນໂລເວີ ເປີດໂຕລົດໃໝ່

  ວັນທີ 24 ກັນຍາຜ່ານມາທີ່ ນະຄອນຫຼວງວຽງຈັນ ບໍລິສັດລາວແລນໂລເວີໄດ້ນຳສະເໜີລົດລຸ້ນໃໝ່ແລ່ນໂລເວີນິວດີເຟັນເດີ (Land Rover New defender) ທີ່ມາພ້ອມກັບຄວາມທັນສະໄໝທາງດ້ານເຕັກໂນໂລຊີໂດຍເຂົ້າຮ່ວມມີ ທ່ານ ເວນ ແມັກອິນທອສ ຜູ້ບໍລິຫານບໍລິສັດລາວແລ່ນໂລເວີ, ມີບັນດາລູກຄ້າຂອງແລນໂລເວີພ້ອມດ້ວຍພະນັກງານ ແລະພາກສ່ວນທີ່ກ່ຽວຂ້ອງເຂົ້າຮ່ວມ.
 ແລນໂລເວີນິວດີເຟັນເດີຖືວ່າເປັນລົດອາເນກປະສົງໃນຕຳນານຂອງແລນໂລເວີມາຕະຫຼອດໄລຍະເວລາ 71 ປີທີ່ຜ່ານມາຊຶ່ງໄດ້ມີການປ່ຽນແປງໂສມຄັ້ງໃຫຍ່ເພື່ອໃຫ້ລົດລຸ້ນນີ້ມີຮູບຮ່າງລັກສະນະທີ່ເຂົ້າກັບຍຸກສະໄໝສັດຕະວັດທີ 21 ແຕ່ລົດລຸ້ນນີ້ກໍ່ຍັງຮັກສາສະພາບ ແລະຈິດວິນຍານຄວາມເປັນອອບໂລດທີ່ມາພ້ອມເຕັກໂນໂລຊີອອບໂລດແບບອັດລິຍະຄຽງຄູ່ກັບຮູບໂສມໃໝ່ທີ່ມີການອອກແບບໃຫ້ຄົງຄວາມເປັນເອກະລັກແຂ່ງແກ່ນ,ຕື່ນເຕັ້ນ ແລະທັນສະໄໝຫຼາຍຂຶ້ນໂດຍການຄິດຄົ້ນອອກແບບທົດສອບຂອງຜູ້ຊ່ຽວຊານດ້ານລົດລະດັບໂລກວັດສະດຸທີ່ໃຊ້ຄຸນນະພາບຊັ້ນດີເພື່ອຮັບປະກັນໃຫ້ສາມາດຕ້ານທານກັບທຸກສະພາບແວດລ້ອມ ແລະສາມາດເດີນທາງໄປໄດ້ທຸກສະພາບຖະ ໜົນ.
   ແລນໂລເວີນິວດີເຟັນເດີເປັນຈັກ ແອັດຊັງ 3000 ຊີຊີ, ມີຄວາມແຮງ 400 ແຮງມ້າ, 6 ສູບ, ແຮງບິດ 550 ນິວເຕິນ ແມັດ, ຄວາມໄວສູງສຸດ 191 ກິໂລ ແມັດ ຕໍ່ຊົ່ວໂມງ, ອັດການກິນນໍ້າມັນໂດຍສະເລ່ຍ 1 ລິດຕໍ່ 10 ກິໂລແມັດ ຊຶ່ງສາມາດປັບການຂັບຂີ່ໄດ້ເຖິງ 7 ແບບ, ສຳລັບຄວາມພິເສດ new defender ຄືຕັ້ງໃຈອອກແບບໃຫ້ເໝາະສົມກັບລູກຄ້າທຸກກຸ່ມໂດຍໃນເບື້ອງຕົ້ນບໍລິສັດ ລາວແລນໂລເວີໄດ້ນຳລົດລຸ້ນນີ້ເຂົ້າມາຈຳໜ່າຍໃນລາວມີພຽງ 3 ຄັນ ແລະໄດ້ຖືກຈັບຈອງໃນມື້ເປີດໂຕແລ້ວ 1 ຄັນ.

--------------

 #ຫນັງສືພິມເສດຖະກິດສັງຄົມ

แชร์