ຫວຽດນາມ-ເວເນຊູເອລາ ຮ່ວມມືດ້ານການຄ້າ-ການລົງທຶນ

  ລັດຖະບານ ສສ ຫວຽດນາມ ແລະ ເວເນຊູເອລາ ຊຸກຍູ້ການພົວພັນ ຮ່ວມມືດ້ານການຄ້າ, ການລົງທຶນ ແລະການທ່ອງທ່ຽວ 2 ຝ່າຍ.

  ຕາມຂ່າວສານຫວຽດນາມລາຍງານວ່າ ສະຖານທູດຫວຽດນາມ ປະຈຳເວເນຊູເອລາ ໄດ້ຈັດຕັ້ງກອງປະຊຸມສຳມະນາຕາມຮູບການທາງ ອອນລາຍດ້ວຍຫົວຂໍ້ວ່າ “ສົ່ງເສີມການຄ້າ, ການລົງທຶນ, ໂຄສະນາວັດທະນະທຳ-ການທ່ອງທ່ຽວຫວຽດນາມ-ເວເນຊູເອລາ” ດ້ວຍການເຂົ້າ ຮ່ວມຂອງແຂກຖືກເຊີນແລະບັນດາວິສາຫະກິດ, ນັກທຸລະກິດຫວຽດນາມ ແລະເວເນຊູເອລາ ກວ່າ 50 ຄົນ, ກອງປະຊຸມສຳມະນາແນໃສ່ຊຸກ ຍູ້ການພົວພັນຮ່ວມມືດ້ານການຄ້າ, ການລົງທຶນ ແລະການທ່ອງທ່ຽວ 2 ຝ່າຍ, ແນະນຳກ່ຽວກັບຄວາມສາມາດບົ່ມຊ້ອນດ້ານການຄ້າ, ການ ລົງທຶນ ແລະການທ່ອງທ່ຽວຂອງຫວຽດນາມ; ແນະນຳກ່ຽວກັບສະພາບການເສດຖະກິດ, ສັງຄົມຂອງເວເນຊູເອລາ, ບັນດານະໂຍບາຍການລົງທຶນ, ນິຕິກຳ ແລະບູລິມະສິດຂອງເວເນຊູເອລາ, ບັນດາກາລະໂອກາດາສຳລັບວິສາຫະກິດຫວຽດນາມ ເມື່ອເຂົ້າຮ່ວມຕະຫຼາດເວເນ ຊູເອລາ.

  ກ່າວຄຳເຫັນທີ່ກອງປະຊຸມສຳມະນາ, ຜູ້ຕາງໜ້າສະຖານທູດຫວຽດນາມປະຈຳເວເນຊູເອລາໄດ້ຢືນຢັນວ່າ ລັດຖະບານ ແລະປະຊາຊົນ ຫວຽດນາມຍາມໃດກໍ່ຖືເປັນສຳຄັນເລື່ອງຊຸກຍູ້ການພົວພັນມິດຕະພາບ, ການຮ່ວມມື 2 ຝ່າຍ, ພ້ອມແລ້ວທີ່ຈະແບ່ງປັນກັບເວເນຊູເອລາ ບັນດາ ບົດຮຽນກ່ຽວກັບການກໍ່ສ້າງ ແລະພັດທະນາປະເທດຊາດ.

 

แชร์