ສາວງາມລີບັງ ສະມາຊິກຄົນຫຼ້າສຸດຂອງວົງນາວ ຢູໄນເຕັດ

  ນໍ ອາດາຄານີ ສາວລີບັງ ອາຍຸ 18 ປີ ຄືສະມາຊິກຄົນຫຼ້າສຸດຂອງວົງນາວ ຢູໄນເຕັດກໍ່ຕັ້ງ ໂດຍໄຊມອນ ຟລູເລີິ ຜູ້ຢູ່ເບື້ອງຫຼັງຄວາມສຳເລັດຂອງວົງສະໄປເກິລ ແລະລາຍການອາເມລິກາໄອດອລທີ່ກໍ່ຕັ້ງວົງນາວ ຢູໄນເຕັດທີ່ມີສະມາຊິກເປັນເດັກໄວໜຸ່ມຈາກທົ່ວໂລກຫຼາຍກວ່າ 10 ຄົນ ດ້ວຍການຊຸກຍູ້ສ້າງໂອກາດໃຫ້ເດັກແຕ່ມີຄວາມສາມາດເຫຼົ່ານັ້ນເປັນຊຸບເປີສະຕາໃນໂລກອິນເຕີເນັດ.

  ອາດາຄານີ ເດີນທາງໄປຮ່ວມຖ່າຍທຳມີວສິກວີດີໂອເພງໃໝ່ຂອງວົງນາວ ຢູໄນເຕັດທີ່ນະຄອນຫຼວງດູໄບ ຂອງສະຫະລັດອາຣັບອາມິເຣດ ທ້າຍເດືອນກັນຍາພ້ອມທັງໃຫ້ສໍາພາດວ່າຮູ້ສຶກເປັນກຽດຢ່າງຍິ່ງທີ່ໄດ້ເປັນຕົວແທນຂອງລີບັງເຂົ້າຮ່ວມວົງນາວຢູໄນເຕັດ ແລະລະບຸວ່າສີລະປະ ແລະດົນຕີມີຄວາມສຳຄັນຫຼາຍໃນໄລຍະເວລາແບບນີ້ລີບັງກຳລັງປະເຊີນບັນຫາຫຼວງຫຼາຍ, ທັງນີ້ອາດາຄານີເປັນສະມາຊິກຄົນທີ 16 ໃນວົງຫຼັງຈາກຜ່ານການຄັດເລືອກຫຼາຍຮອບໃນໄລຍະກັກຕົວ ໂດຍສະມາຊິກວົງນີ້ກໍ່ຕັ້ງໃນປີ 2017 ປະກອບມີເດັກໜຸ່ມສາວທີ່ຝັນຢາກເປັນນັກຮ້ອງ ແລະນັກເຕັ້ນຈາກທົ່ວໂລກລວມທັງຈາກຣັດເຊຍ, ອິນເດຍ, ສປ ຈີນ, ເມັກຊິກ ແລະແຟງລັງ ແລະເປັນວົງທີ່ໄດ້ຮັບຄວາມສົນໃຈຈາກແຟນໆຫຼາຍກວ່າ 100 ລ້ານຄົນ ເທີງໂລກອອນລາຍພ້ອມທັງປີນີ້ ຍັງມີຊື່ຕິດເຂົ້າຊີງລາງວັນເອັມທີວີວີດີໂອມີວສິກອະວອດ.

_________

ຮຽບຮຽງໂດຍ: ແກ້ວ

แชร์