ກຸ່ມຕົວແບບລ້ຽງສັດ-ປູກຫຍ້າ ບ້ານທ່າຂາມລຽນ

  ກຸ່ມປູກຫຍ້າ-ລ້ຽງສັດ ບ້ານທ່າຂາມລຽນແມ່ນກຸ່ມຕົວແບບໜຶ່ງທີ່ໂດດເດັ່ນຂອງເມືອງສອງຄອນ ແຂວງສະຫວັນນະເຂດ ໂດຍແມ່ນພະແນກສົ່ງເສີມກະສິກຳ ແຂວງ, ເມືອງສົມທົບກັບກຸ່ມນຳພາປະຊາຊົນຫັນມາລ້ຽງສັດເປັນຂະບວນບໍ່ລ້ຽງແບບກະແຈກກະຈາຍຊຶ່ງໄດ້ລະດົມປະຊາຊົນຮ່ວມຮຸ້ນກັນໂດຍຮຸ້ນໜຶ່ງລາຄາ 35 ພັນກີບ ຜູ້ໜຶ່ງສາມາດຖືຮຸ້ນໄດ້ບໍ່ເກີນ 20 ຮຸ້ນ ມີທຶນໃນເບື້ອງຕົ້ນປະມານ 3 ລ້ານກວ່າກີບ,ມາຮອດປະຈຸບັນມີເງິນກອງທຶນຂອງກຸ່ມປະມານ 11 ລ້ານກວ່າກີບ.

 ກຸ່ມລ້ຽງສັດບ້ານທ່າຂາມລຽນ ສ້າງຕັ້ງຂຶ້ນໃນວັນທີ 16 ມີນາ 2016 ມີສະມາຊິກພາຍໃນກຸ່ມທັງ ໝົດ 23 ຄອບຄົວ ແບ່ງເປັນອົງ ການຈັດຕັ້ງຢ່າງລະອຽດຄື: ມີຫົວ ໜ້າກຸ່ມຄືທ່ານ ສີບຸນເຮືອງ ໂພທິ ຈັກ ແລະມີຮອງຫົວໜ້າກຸ່ມ 2 ຄົນ ຄື ທ່ານ ວິໄລສັກ ໄຊຍະວົງ ແລະ ທ່ານ ສູນທອນ ອໍລະອາດ; ມີ 3 ໜ່ວຍງານຄືໜ່ວຍງານບໍລິຫານ, ໜ່ວຍງານກວດກາ ແລະໜ່ວຍງານ ສັດຕະວະແພດ, ໃນນີ້ ແຕ່ລະໜ່ວຍ ງານແມ່ນໄດ້ຜ່ານມາການຝຶກອົບ ຮົມວຽກງານວິຊາສະເພາະມາ ແລ້ວ ແລະໄດ້ຝຶກອົບຮົມວິທີການ ລ້ຽງ, ບົວລະບັດຮັກສາສັດໃຫ້ແກ່ ສະມາຊິກກຸ່ມ. ເນື້ອທີ່ລ້ຽງສັດຂອງ ກຸ່ມມີທັງໝົດ 18 ເຮັກຕາ ແຕ່ເປັນ ດິນຟາມພັດທະນາກະສິກຳຕົວ ແບບ 10 ເຮັກຕາ ແລະມີ 10 ຄອບ ຄົວແມ່ນໄດ້ນຳໃຊ້ເນື້ອທີ່ດິນຂອງ ຕົນເອງໃນການປູກຝັງ-ລ້ຽງສັດ ລວມ 8 ເຮັກຕາ ໃນການລ້ຽງສັດ ຂອງກຸ່ມແມ່ນລ້ຽງພໍໃຜພໍລາວ ແຕ່ ໂຄງການຈະເປັນຜູ້ຄຸ້ມຄອງ ເກັບ ກຳສະຖິຕິການເກີດ-ການຕາຍ ແລະການຊື້ຂາຍລ້ຽງສັດຂອງສະ ມາຊິກພາຍໃນກຸ່ມ ພ້ອມທັງສະຫຼຸບ ລາຍງານໃຫ້ສະມາຊິກຮັບຮູ້ທົ່ວ ເຖິງກັນ; ເວລາສັດມີບັນຫາ ຫຼື ເປັນພະຍາດຕ່າງໆກໍຈະມີໜ່ວຍ ງານສັດຕະວະແພດມາແກ້ໄຂພາຍ ໃນກຸ່ມກ່ອນ ຖ້າແກ້ໄຂບໍ່ໄດ້ຈິ່ງສະ ເໜີຂໍຄວາມຊ່ວຍເຫຼືອຈາກພະແນກ ກະສິກຳແຂວງ ແລະປີໜຶ່ງພາຍໃນ ກຸ່ມຈະມີການສັກຢາກັນພະຍາດ 2 ຄັ້ງ ໂດຍແມ່ນພະແນກກະສິກຳ ແຂວງສະໜອງຢາໃຫ້ລ້າ ສ່ວນ ແນວພັນຫຍ້າທີ່ປູກເປັນອາຫານ ສັດມີຫຍ້າທຳມະຊາດ, ຫຍ້າພັນເນ ເປຍ ແລະຫຍ້າພັນລູຊີ ຊຶ່ງຫາກໍເລີ່ມ ກັນປູກປີ 2017 ໂດຍໄດ້ຮັບແນວ ພັນຊ່ວຍເຫຼືອຈາກໂຄງການເຊມາ ອຸນດົງປູກໃນພື້ນທີ່ໂຄງການ ແລະ ນຳໃຊ້ຫຍ້າຮ່ວມກັນ; ສັດທີ່ລ້ຽງ ມີ ງົວ 205 ໂຕ, ຄວາຍ 8 ໂຕ, ແບ້ 80 ກວ່າໂຕ ສັດລ້ຽງສ່ວນໃຫຍ່ ແມ່ນຂະຫຍາຍມຈາກສັດລ້ຽງ ຂອງປະຊາຊົນ ແລະເກັບຊື້ງົວຈາກ ບ້ານອື່ນມາຂຸນຂາຍ ໃນການຂາຍ ແມ່ນຖ້າມີສະມາຊິກຕ້ອງການຂາຍ ກໍຈະໂທໃຫ້ແມ່ຄ້າມາເບິ່ງຕົວຈິງ ແລະຕົກລົງລາຄາກັນເອງ ສະເລ່ຍ ລາຄາຂາຍປະມານ 2-8 ລ້ານກີບ ຕໍ່ໂຕ ອີງຕາມຂະໜາດສັດສະເລ່ຍ ລວມຄອບຄົວໜຶ່ງຂາຍໄດ້ 10 ລ້ານກວ່າກີບຕໍ່ປີ.

 ທິດທາງໃນຕໍ່ໜ້າແມ່ນມີແຜນ ຈະຂະຫຍາຍເນື້ອທີ່ປູກຫຍ້າຕື່ມ ອີກ ເພື່ອໃຫ້ມີອາຫານສັດບໍ່ໃຫ້ຂາດ ແລະມີແຜນຈະຕໍ່ທໍ່ນໍ້າສະປິງເກີ ເພື່ອສະດວກໃນການທົດນໍ້າບຳລຸງ ຮັກສາຫຍ້າ ມີແຜນຈະຂະຫຍາຍ ເຮືອນຮົ່ມເພີ່ມ ຊຶ່ງທາງໂຄງການ ໄດ້ເຮັດທາງເຂົ້າຟາມໃຫ້ລວມມູນ ຄ່າ 21 ລ້ານກີບ; ພ້ອມທັງຈະມອບ ຕາໜ່າງມຸງເຮືອນຮົ່ມຊ່ວຍເຫຼືອ ແລະປະຊາຊົນເປັນເຫື່ອແຮງໃນ ການເຮັດຕົວຈິງ.

 ທ່ານ ສີບຸນເຮືອງ ໂພທິຈັກ ຫົວໜ້າກຸ່ມໄດ້ໃຫ້ຢັ້ງຢືນວ່າ: ຕັ້ງແຕ່ມີການສ້າງຕັ້ງກຸ່ມຂຶ້ນມາເຫັນວ່າ ປະຊາຊົນ ແລະສະມາຊິກພາຍໃນກຸ່ມມີຄວາມສະດວກຫຼາຍຢ່າງ, ມີຄວາມເປັນລະບຽບຮຽບຮ້ອຍ ແລະມີຄວາມສາມັກຄີກັນຢ່າງ ແໜ້ນແຟ້ນໃນກຸ່ມບ້ານປະຊາຊົນມີລາຍຮັບເຂົ້າຄອບຄົວສາມາດແກ້ໄຂຄວາມທຸກຍາກຂອງປະຊາຊົນໄດ້ເປັນກ້າວໆ.

 ໂດຍ: ພອນຕາ ມຸກມະນີ

แชร์