ສໍາຜັດທໍາມະຊາດທີ່ສວຍງາມຕາດນໍ້າແກ້ວ

  ອາກາດແບບນີ້ກັບມະນຸດຫ້ອງແອຫຼາຍໆຄົນຄົງຈະຄິດເຖິງບ່ອນທີ່ມີນໍ້າໃສເຢັນໆເພື່ອພັກຜ່ອນຢ່າງສະບາຍໃຈມື້ນີ້ຜູ້ຂຽນຂໍແນະນຳສະ ຖານທີ່ທ່ອງທ່ຽວນີ້ນໍ້າຕົກຕາດນໍ້າແກ້ວ ເມືອງສິງ ແຂວງຫຼວງນໍ້າທາ.

  ນໍ້າຕົກຕາດນໍ້າແກ້ວຕັ້ງຢູ່ຂອບເຂດຂອງບ້ານນໍ້າແກ້ວຫ່າງຈາກເທສະບານ ເມືອງສິງ 10 ກິໂລ ແມັດ ແລະແຫຼ່ງທ່ອງທ່ຽວນໍ້າຕົກຕາດນໍ້າແກ້ວຫ່າງຈາກບ້ານນໍ້າແກ້ວ 10 ກິໂລແມັດ, ຫົນທາງເຂົ້າຫາແມ່ນເສັ້ນທາງຍ່າງໄປໄຮ່ຂອງຊາວບ້ານບໍລິເວນນໍ້າຕົກຕາດມີໝູ່ບ້ານຊົນ ເຜົ່າເປັນຕົ້ນແມ່ນເຜົ່າອາຄາສາມາດຮັກສາໄດ້ວັດທະນະທໍາຮີດຄອງປະເພນີອັນດີງາມທີ່ເປັນເອກະລັກສະເພາະຂອງເຜົ່າທຸກໆປີມີຈັດງານບຸນກິນຈຽງເຜົ່າ ອາຄາ, ບຸນທານທໍາເຜົ່າລື້, ບຸນລ້ຽງຜີມອນ, ປະເພນີບຸນບັ້ງໄຟ ແລະງານບຸນປາງເມືອງ ຊຶ່ງເປັນທີ່ໜ້າສົນໃຈຂອງນັກທ່ອງ ທ່ຽວພາຍໃນ ແລະຕ່າງປະເທດໄດ້ເປັນ ຢ່າງດີ.

  ນອກນັ້ນ ນໍ້າຕົກຕາດນໍ້າແກ້ວຍັງມີຄວາມອຸດົມສົມບູນໄປດ້ວຍຊັບພະຍາກອນທໍາມະຊາດ ແລະພື້ນທີ່ທໍາການຜະລິດກະສິກໍາຂອງປະຊາ ຊົນໃນທ້ອງຖິ່ນເຊັ່ນ: ສວນຢາງພາລາ, ສວນອ້ອຍ ແລະທົ່ງນາທີ່ມີບັນຍາກາດເຢັນສະບາຍ.

--------------

ຂຽນໂດຍ: ມະນີວັນ

• 30/09/2020