ການກະກຽມດຳເນີນກອງປະຊຸມໃຫຍ່ຜູ້ແທນອົງຄະນະພັກແຂວງຫຼວງພະບາງຄັ້ງທີ VIII ມາຮອດປະຈຸບັນແມ່ນມີຄວາມພ້ອມໂດຍພື້ນຖານໂດຍໄດ້ສຳເລັດການກະ ກຽມເນື້ອໃນເອກະສານຂອງກອງປະຊຸມ ແລະ ດຳເນີນການທາບທາມບຸກຄະລາກອນຕາມກົດລະບຽບຂອງພັກ, ໃນນັ້ນໄດ້ດຳເນີນການທາບທາມບຸກຄະລາກອນຄວບຄູ່ກັບການທາບທາມ ແລະ ປະກອບຄຳເຫັນຕໍ່ເນື້ອໃນເອກະສານແຕ່ລະສະບັບ, ພ້ອມທັງໄດ້ຈັດຂະບວນການຮອບດ້ານແຕ່ຂັ້ນຮາກຖານບ້ານຂຶ້ນມາຮອດສຳນັກງານ-ອົງ ການຂອງເມືອງ-ນະຄອນ ແລະ ແຂວງ. ທ່ານ ຄຳຂັນ ຈັນທະວີສຸກ ກຳມະການສູນກາງພັກເລຂາພັກແຂວງໄດ້ໃຫ້ສຳພາດວ່າ: ການກະກຽມດຳເນີນກອງປະຊຸມໃຫຍ່ ຜູ້ແທນອົງຄນະພັກ ແຂວງຫຼວງພະບາງ ຄັ້ງທີ VIII ແມ່ນມີຄວາມພ້ອມແລ້ວທຸກດ້ານ, ມາຮອດປະຈຸບັນທຸກອະນຸກຳມະການທີ່ຮັບຜິດຊອບໄດ້ສັງລວມຄືນບັນດາໜ້າວຽກຂອງຕົນຢ່າງຮອບດ້ານເພື່ອເຮັດໃຫ້ການດຳເນີນກອງປະຊຸມໃຫຍ່ຜູ້ແທນອົງຄະນະພັກ ແຂວງຫຼວງພະບາງຄັ້ງທີ 8 ບັນລຸຜົນສຳເລັດຕາມລະດັບຄາດໝາຍທີ່ວາງໄວ້. ເລຂາພັກແຂວງເຈົ້າແຂວງຫຼວງພະບາງກ່າວຕື່ມວ່າ: ສຳລັບຜົນສຳເລັດໃນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VII ຂອງອົງຄະນະພັກແຂວງໃນ 5 ປີຜ່ານມາ ແຂວງຫຼວງພະບາງ ຍັງສືບຕໍ່ມີສະຖຽນລະພາບທາງດ້ານການເມືອງສັງຄົມມີຄວາມສະຫງົບ ແລະຄວາມເປັນລະບຽບຮຽບຮ້ອຍໂດຍພື້ນຖານສ້າງເງື່ອນໄຂອຳ ນວຍຄວາມສະດວກໃຫ້ແກ່ ເສດຖະກິດມີການຂະຫຍາຍຕົວຕໍ່ເນື່ອງ ແລະຖືກທິດພື້ນຖານໂໂຄງລ່າງ ແລະວຽກງານແຕ່ລະຂົງເຂດໄດ້ຮັບການພັດທະນາດີຂຶ້ນຊີວິດການເປັນຢູ່ຂອງປະຊາຊົນໄດ້ຮັບການຍົກສູງ ແລະພັດທະນາຫຼາຍກວ່າເກົ່າ.
ໂອກາດການກະກຽມດຳເນີນກອງປະຊຸມໃຫຍ່ຜູ້ແທນອົງຄະນະພັກແຂວງຫຼວງພະບາງຄັ້ງທີ VIII ທ່ານ ຄໍາຂັນ ຈັນທະວີສຸກ ກຳມະການສູນກາງພັກເລຂາພັກແຂວງເຈົ້າແຂວງຫຼວງພະບາງໄດ້ຮຽກຮ້ອງໃຫ້ທຸກພາກສ່ວນໃນທົ່ວແຂວງຈົ່ງພ້ອມກັນປະກອບສ່ວນວຽກງານຮອບດ້ານຢ່າງຕັ້ງໜ້າເພື່ອເຮັດໃຫ້ການດຳເນີນກອງປະຊຸມໃຫຍ່ຄັ້ງນີ້ບັນລຸຜົນສຳເລັດຕາມຄາດໝາຍທີ່ວາງໄວ້ທຸກປະການ.

----------------

ໜັງສືພິມເສດຖະກິດ-ສັງຄົມ

แชร์