ຫວຽດນາມ ດຶງດູດເງິນລົງທຶນຈາກຕ່າງປະເທດ 21 ຕື້ໂດລາ

  9 ເດືອນຜ່ານມາ, ໄດ້ມີ 111 ປະເທດ ແລະເຂດແຄ້ວນມາລົງທຶນຢູ່ ສສ ຫວຽດນາມ ຊຶ່ງສາມາດດຶງດູດເງິນລົງທຶນຈາກຕ່າງປະເທດຫຼາຍກວ່າ 21 ຕື້ໂດລາສະຫະລັດ.

   ຕາມຂ່າວສານຫວຽດນາມລາຍງານວ່າ ຕາມກົມລົງທຶນຕ່າງປະເທດ (ກະຊວງແຜນການ ແລະການລົງທຶນຫວຽດນາມ)ລະບຸວ່າ ໄລ່ຮອດວັນທີ 20 ກັນຍາ, ຍອດຈຳນວນທຶນຈົດທະບຽນໃໝ່, ດັດປັບ ແລະ ປະກອບທຶນຊື້ຫຸ້ນຂອງນັກລົງທຶນຕ່າງປະເທດ (FDI) ເຂົ້າຫວຽດນາມບັນລຸ 21,2 ຕື້ໂດລາ, ເທົ່າກັບ 81,1% ເມື່ອທຽບໃສ່ໄລຍະດຽວກັນປີ 2019, ໃນນັ້ນ, ມີໂຄງການໃໝ່ກ່ວາ 1.900 ໂຄງການໄດ້ຮັບໃບຢັ້ງ ຢືນຈົດທະບຽນລົງທຶນ ດ້ວຍຍອດຈຳນວນທຶນຈົດທະບຽນກ່ວາ 10 ຕື້ໂດລາຕາມກົມລົງທຶນຕ່າງປະເທດລະບຸວ່າ ເຖິງວ່າກະແສເງິນລົງທຶນ FDI ເຂົ້າຫວຽດນາມ ຫຼຸດລົງເມື່ອທຽບໃສ່ໄລຍະດຽວກັນຂອງປີກາຍກໍ່ຕາມ, ແຕ່ເບິ່ງລວມແລ້ວສະພາບການລົງທຶນທົ່ວໂລກກໍ່ຊຸດໂຊມຢ່າງແຮງຍ້ອນຜົນສະທ້ອນຈາກໂລກລະບາດໂຄວິດ-19 ນັ້ນ ໝາກຜົນດຶງດູດການລົງທຶນ FDI ຂອງ ຫວຽດນາມ ກໍ່ຍັງດີກ່ວາຫຼາຍປະເທດອື່ນ.

   ໂດຍປະເທດທີ່ລົງທຶນໂດຍກົງຢູ່ຫວຽດນາມຫຼາຍທີ່ສຸດຄື: ສິງກະໂປ ຖັດມາແມ່ນ ສ.ເກົາຫຼີ, ອັນດັບທີ 3 ແມ່ນສປ ຈີນ ແລະຕໍ່ຈາກນັ້ນແມ່ນແມ່ນ ຍີ່ປຸ່ນ, ໄທ, ໄຕ້ຫວັນ (ຈີນ) ແລະອື່ນໆ.

----

ໜັງສືພິມ ເສດຖະກິດ-ສັງຄົມ

แชร์