ຜູ້ນຳອິນໂດເນເຊຍສັ່ງຫຼຸດລາຄາປີ້ຍົນລົງ 20 ເປິເຊັນ

  ສາຍການບິນຈະຫຼຸດລາຄາ ປີ້ຍົນໂດຍສານລົງ 20% ໃນທຸກ ເສັ້ນທາງ ລວມທັງສາຍການບິນ ໃນເຄືອ ຊິຕີ້ລິງ ອິນໂດເນເຊຍ, ສະ ຣີວິໄຊແອ ແລະເອັນເອເອັມແອ.

ຕາມຂ່າວຕ່າງປະເທດລາຍ ງານວ່າ ທ່ານ ອາຣີ ອັສຄາຣາ ປະທານສາຍການບິນກາຣູດ້າ ຖະແຫຼງໃນທ້າຍອາທິດທີ່ຜ່ານມາ ວ່າ ສາຍການບິນຈະຫຼຸດລາຄາ ປີ້ຍົນໂດຍສານລົງ 20% ໃນທຸກ ເສັ້ນທາງ ເພື່ອຕອບສະໜອງ ຄວາມຕ້ອງການຂອງຄົນອິນໂດ ເນເຊຍ, ສະມາຄົມທຸລະກິດໃນ ປະເທດ ແລະ ທ່ານ ໂຈໂກ ວິໂດໂກ ປະທານາ ທິບໍດີຂອງອິນໂດເນເຊຍ ທີ່ຕ້ອງການໃຫ້ຫຼຸດຄ່າໂດຍສານ ສົ່ງເສີມການເຕີບໂຕທາງເສດຖະ ກິດ ໂດຍສະເພາະໃນຂະແໜງການ ທ່ອງທ່ຽວ, ກ່ອນໜ້ານີ້ກາຣູດ້າ ລາຍງານວ່າ 6 ເດືອນຕົ້ນປີຂອງ ປີ 2018 ຂາດທຶນຢູ່ທີ່ 116 ລ້ານໂດລາສະຫະລັດ ກ່ອນຈະໝົດ ປີດ້ວຍການມີກຳໄລເລັກໜ້ອຍ, ສາຍການບິນແຫ່ງຊາດແຫ່ງນີ້ ຕ້ອງຕໍ່ສູ້ຍາດຊີງສ່ວນແບ່ງຕະ ຫຼາດຢ່າງໜັກກັບໄລອອນແອຜູ້ ນໍາຕະຫຼາດທ້ອງຖິ່ນ.

  ໃນໄລຍະ 10 ປີທີ່ຜ່ານມາ ການເດີນທາງທາງອາກາດພາຍ ໃນອິນໂດເນເຊຍເພີ່ມຂຶ້ນຫຼາຍກວ່າ 3 ເທົ່າ ເນື່ອງຈາກປະຊາຊົນຮັ່ງ ມີຂຶ້ນ ປະກອບກັບຄ່າໂດຍສານລາ ຄາຖືກລົງ ຜູ້ຄົນຈິ່ງເດີນທາງໂດຍ ເຮືອບິນໄດ້ງ່າຍກວ່າເກົ່າ ປີ 2017 ຍອດຜູ້ໂດຍສານຢູ່ທີ່ 129 ລ້ານຄົນ ຕະຫຼາດການບິນອິນ ໂດເນເຊຍໃຫຍ່ເປັນອັນດັບ 10 ຂອງໂລກຄາດວ່າຈະເຕີບໂຕຕໍ່ ເນື່ອງ.

• 19/02/2019