ຫຼາຍພາກສ່ວນໃຫ້ຄວາມສົນໃຈງານກຸສົນຜູ້ບົກຜ່ອງທາງການໄດ້ຍິນ

 ໃນວັນທີ 28 ກັນຍາຜ່ານມາທີ່ ນະຄອນຫຼວງວຽງຈັນ “ສູນການສຶກສາຜູ້ບົກຜ່ອງທາງການໄດ້ຍິນມືແຫ່ງຄວາມຫວັງ” ສ້າງກິດຈະກຳກີລາສີຈັດຮ່ວມຫຼາຍພາກສ່ວນໂດຍໃຫ້ກຽດຮ່ວມທ່ານ ນາງ ໂສພາພອນ ເຮືອງລິດ ຜູ້ອຳນວຍການສູນການສຶກສາຜູ້ບົກຜ່ອງທາງການໄດ້ຍິນສູນແຫ່ງຄວາມຫວັງພ້ອມດ້ວຍພາກສ່ວນກ່ຽວຂ້ອງຜູ້ສະ ໜັບສະໜູນນັກກີລາເຂົ້າຮ່ວມ.

 ທ່ານ ນາງ ໂສພາພອນ ເຮືອງລິດ ກວ່າວ່າ: ຊຶ່ງຈຸດປະສົ່ງການຈັດງານຄັ້ງນີ້ເພື່ອເປັນການປຸກລະດົມໃຫ້ໃນສັງຄົມເລັ່ງເຫັນເຖິງຄວາມສຳຄັນຂອງຜູ້ບົກຜ່ອງທາງການໄດ້ຍິນ ຫຼືຜູ້ພິການຫູ-ປາກເພື່ອສົ່ງເສີມຊ່ວຍເຫຼືອ ແລະເປີດໂອກາດໃຫ້ເຂົາເຈົ້າໄດ້ພັດທະນາຕົນເອງທາງດ້ານການຮຽນການສຶກສາດ້ານກີລາສ້າງໂອກາດໃຫ້ເຂົາມີໂອ ກາດສະແດງສະກະຍາພາບຄວາມຮູ້ຄວາມສາມາດຂອງຕົນເທົ່າທີ່ຈະເຮັດໄດ້ພວກເຮົາຈຶ່ງຫວັງວ່າງານນີ້ຈະສາມາດອົງພາກສ່ວນໃດໜຶ່ງໃນສັງຄົມເຫັນຄວາມສຳຄັນໃຫ້ການສະໜັບສະໜູນ.

  ສຳລັບຄວາມເປັນມາຂອງງານນີ້ເກີດຈາກການລວມຕົວຂອງໄວໜຸ່ມຈາກຫຼາກໂຮງຮຽນ ແລະວິທະຍາໄລຕ່າງໆມາລວມຕົວກັນພວກເຮົາມີຄວາມແຕກຕ່າງກັນບໍ່ວ່າຈະເປັນຄວາມເຊື່ອ, ເອກະລັກ, ຊົນເຜົ່າ,ສາດສາໜາແຕ່ພວກເຮົາມີເປົ້າໝາຍອັນດຽວກັນຄືພວກເຮົາຢາກເປັນຈຸດເລີ່ມຕົ້ນໃນການຊ່ວຍນ້ອງໆທີ່ຂາດໂອກາດໃນດ້ານຕ່າງໆ ເພາະເຂົາເລົ່ານັ້ນຂາດໂອກາດ ແລະ ການຮັບຮູ້ຂ່າວສານຕ່າງໆໂອກາດທີ່ຈະໄດ້ຮັບແມ່ນເປັນໄປໄດ້ຍາກຫຼາຍພວກເຮົາຈຶ່ງລວມຕົວກັນຈັດງານນີ້ຂຶ້ນມາເພື່ອເປັນການເຮັດກິດຈະກຳເພື່ອເປັນການບຳບັດຮ່າງກາຍ ແລະຈິດໃຈໂດຍຜ່ານງານກີລາສີເພື່ອການກຸສົນເພື່ອເປັນລະດົມນໍ້າໃຈຈາກທຸກພາກສ່ວນເພື່ອຊ່ວຍເຫຼືອ ” ສູນການສຶກສາຜູ້ບົກ ຜ່ອງທາງການໄດ້ຍິນມືແຫ່ງຄວາມຫວັງ” ນອກຈາກຈະໄດ້ຊ່ວຍເຫຼືອສັງຄົມພ້ອມເຮົາໄວໜຸ່ມຍັງໄດ້ໃຊ້ເວລາວ່າງໃຫ້ເປັນປະໂຫຍດ ແລະ ຍັງຫ່າງໄກຈາກສິ່ງເສບຕິດ.

ເພື່ອເປັນການສົ່ງໃຫ້ໄວໜຸ່ມໃຊ້ຄວາມຮູ້ຄວາມສາມາດໃນທາງທີ່ເປັນປະໂຫຍດເພື່ອເປັນການສົ່ງຕໍ່ຄວາມຫວັງໃຫ້ແກ່ຜູ້ທີ່ຂາດໂອກາດ ແລະ ຍັງເປັນການພັດທະນາຕົນ ເອງອີກດ້ວຍອົງກອນ ຫຼືໜ່ວຍງານໃດໜຶ່ງທີ່ມີຄວາມສົນໃຈຢາກຊ່ວຍເລືອນ້ອງໆ ໃນການໃຫ້ໂອກາດຜັກດັນ ແລະ ສົ່ງເສີມໃນດ້ານຕ່າງໆໃຫ້ເທົ່າທຽມກັນທຸກໆດ້ານ. ເພື່ອໃຫ້ສັງຄົມຍອມຮັບ ແລະໃຫ້ໂອກາດເຂົາເຈົ້າໄດ້ມີພື້ນທີ່ໃນການພັດທະນາຕົນເອງທັງຄວາມຮູ້ຄວາມສາມາດ ແລະໃນອະນາຄົດ.

• 29/09/2020