ດີພີແອວ ເດີນໜ້າສືບຕໍ່ຂະຫຍາຍຄູ່ຮ່ວມທຸລະກິດ

  ໃນຕອນເຊົ້າຂອງວັນທີ 25 ກັນຍາ 2020 ທີ່ບໍລິສັດພົງສະຫວັນປະກັນໄພ (ເອພີເອ) ໄດ້ມີພິທີລົງນາມເຊັນສັນຍາຄູ່ຮ່ວມທຸລະກິດລະຫວ່າງບໍລິສັດ ດີພີແອວ ໂບຼກເກີ ລາວຈຳກັດຜູ້ດຽວ ແລະບໍລິສັດ ພົງສະຫວັນປະກັນໄພ (ເອພີເອ) ຕາງໜ້າໂດຍທ່ານ ນາງ ພິດສະໄໝ ຫຼວງລາດ ຜູ້ອຳນວຍການບໍລິສັດດີພີ ແອວໂບຼກເກີ ລາວຈຳ ກັດຜູ້ດຽວ ແລະທ່ານ ພົງສຸທິ ອິນຄຳເຮື່ອງ ຜູ້ບໍລິຫານລະດັບສູງຝ່າຍຂາຍ ບໍລິສັດເອພີເອ ພ້ອມດ້ວຍທີມງານທັງສອງຝ່າຍເຂົ້າຮ່ວມ.

   ຈຸດປະສົງເປົ້າໝາຍການຮ່ວມມືໃນຄັ້ງນີ້ກໍເພື່ອສົ່ງເສີມເຜີຍແຜ່ຂໍ້ມູນດ້ານການປະກັນໄພໃຫ້ກັບສັງຄົມລາວສົ່ງເສີມຊຸກຍູ້ການຕະຫຼາດ ແລະການຂາຍເພື່ອເປົ້າໝາຍທຸລະກິດເສດຖະກິດ-ສັງຄົມໄປ ພ້ອມໆກັນເພື່ອໃຫ້ຄົນລາວສັງຄົມລາວມີການວາງແຜນການເງິນໃຫ້ແກ່ຄອບຄົວໃຫ້ຄວາມຄຸ້ມຄອງບໍ່ວ່າຈະເປັນການປະກັນໄພດ້ານຊັບ ສິນສຸຂະພາບ ແລະຊີວິດແມ່ນມີຄວາມສຳຄັນ ແລະຈຳເປັນຫຼາຍດັ່ງນັ້ນທັງສອງຝ່າຍຈຶ່ງໄດ້ຕົກລົງເປັນພັນທະມິດທາງທຸລະກິດເສີມຂະຫຍາຍການບໍລິການ.

  ທັງສອງບໍລິສັດເປັນອັນໜຶ່ງອັນດຽວກັນໃນການທີ່ຈະພັດທະນາສົ່ງເສີມການຕະຫຼາດເຜີຍແຜ່ຂໍ້ມູນປະກັນໄພ ແລະການຂາຍຮ່ວມກັນຊຶ່ງບໍລິສັດດີພີແອວໂບຼກເກີ ລາວຈຳກັດຜູ້ດຽວກໍມີຄວາມພ້ອມໃນການບໍລິການດ້ານການປະກັນໄພທຸກປະເພດໃຫ້ຄຳປຶກສາ ແລະຄັດສັນຄວາມຄຸ້ມຄອງທີ່ດີທີ່ສຸດໃຫ້ແກ່ປະຊາຊົນ ແລະອົງກອນທຸລະກິດຕ່າງໆໃນ ສປປ ລາວ.

---------------

ຮູບພາບ: #ຫນັງສືພິມເສດຖະກິດສັງຄົມ

• 28/09/2020