ອີລອນ ມັສ ຄິດຄົ້ນແບັດເຕີຣີທີ່ມີພະລັງ 500%

  ທ່ານ ອີລອນ ມັສ ປະທານເຈົ້າໜ້າທີ່ບໍລິຫານ ເທສລາ ເປີດໂຕ ນະວັດຕະກຳເຕັກໂນໂລຊີແບັດເຕີຣີລົດໄຟຟ້າຮູບແບບໃໝ່ໃນງານແບັດເຕີຣີ ໂດຍອ້າງວ່າ ຈະເປັນການປະຕິວັດລົດໄຟຟ້າທີ່ສາມາດເພີ່ມປະສິດທິພາບຂອງລາຄາລົດໄຟຟ້າ ໃນລາຄາຖືກລົງ.

  ຕາມຂ່າວຕ່າງປະເທດລາຍງານວ່າທ່ານ ອີລອນ ກ່າວວ່າການຜະລິດແບັດເຕີຣີຮູບແບບໃໝ່ຈະເຮັດໃຫ້ສາມາດເກັບກະແສໄຟຟ້າໄດ້ຫຼາຍຂຶ້ນລົດສາມາດແລ່ນໄດ້ ໄລຍະທາງເພີ່ມຂຶ້ນ 16% ແລະພະລັງງານເພີ່ມຂຶ້ນ 500%, ຊຶ່ງ ຄວາມກ້າວໜ້າດັ່ງກ່າວຈະເຮັດໃຫ້ແບັດເຕີຣີລົດມີລາຄາຖືກລົງເຖິງ 56% ແລະຈະຊ່ວຍໃຫ້ເທສລາ ສາມາດຜະລິດລົດລາຄາປະຢັດໄດ້ ເປັນເທື່ອທຳອິດ, ຊຶ່ງ ອີລອນມັສ ໝັ້ນໃຈວ່າ ຈະສາມາດເປີ ໂຕລົດ ມູນຄ່າ 25 ພັນໂດລາສະຫະລັດພາຍໃນໄລຍະເວລາ 3 ປີ, ໃນຄວາມພະຍາຍາມເລັ່ງຜະລິດເທສ ລາຈະເລີ່ມລວບລວມວັດຖຸດິບທີ່ຈຳເປັນສຳລັບແບັດເຕີຣີລຸ້ນໃໝ່ເຫຼົ່ານີ້ ເຊັ່ນລິທຽມ, ລິລອນມັສ ກ່າວວ່າ ລິທຽມມີຢູ່ຫຼວງຫຼາຍໃນໂລກນີ້ ຢູ່ອາເມລິກາມີລິທຽມພຽງພໍທີ່ຈະປ່ຽນລົດທຸກຄັນໃນປະເທດ ໃຫ້ເປັນລົດໄຟຟ້າໄດ້.

  ສຳລັບດ້ານການຜະລິດເທສ ລາໄດ້ພັດທະນາເຄື່ອງຫຼໍ່ທີ່ໃຫຍ່ທີ່ສຸດເທົ່າທີ່ເຄີຍມີມາ ແລະແບັດເຕີຣີຂອງລົດຈະລວມເປັນສ່ວນໜຶ່ງ ຂອງໂຄງການສ້າງລົດ.

----

ໜັງສືພິມ ເສດຖະກິດ-ສັງຄົມ

แชร์