ນວ ຕ້ອງການທຶນພັດທະນາ 15 ພັນຕື້ກວ່າກີບ

  ປີນີ້ນະຄອນຫຼວງວຽງຈັນ (ນວ) ມີຄວາມຕ້ອງການລົງທຶນເຂົ້າໃນການພັດທະນາເສດຖະກິດ-ສັງຄົມທັງໝົດ 15.100 ຕື້ກີບ ໃນນັ້ນການລົງທຶນຈາກພາກເອກະຊົນພາຍໃນ ແລະຕ່າງປະເທດໃຫ້ ໄດ້ປະມານ 10.800 ຕື້ກີບ ກວມເອົາ 71,52% ຂອງຍອດການລົງທຶນທັງໝົດ, ທັງນີ້ກໍເພື່ອແນໃສ່ຮັບ ປະກັນໃຫ້ເສດຖະກິດຂະຫຍາຍຕົວຕໍ່ເນື່ອງສະເລ່ຍໃນລະດັບ 9,5%.

 ອີງຕາມຂໍ້ມູນຈາກພະແນກແຜນການ ແລະການລົງທຶນນະຄອນຫຼວງວຽງຈັນ ໃຫ້ຮູ້ວ່າ: ແຜນພັດທະນາເສດຖະກິດ-ສັງຄົມປະຈໍາປີ 2019 ແມ່ນຈະສູ້ຊົນເຮັດເສດຖະກິດສືບຕໍ່ຂະຫຍາຍຕົວຕໍ່ເນື່ອງໃນລະດັບສູງລວມຍອດຜະລິດຕະພັນພາຍໃນເພີ່ມຂຶ້ນບໍ່ຫຼຸດ 9,5% ຄາດຄະເນມູນຄ່າຈີດີພີໃຫ້ໄດ້ໃນລະດັບ 48.860 ຕື້ກີບ ສະເລ່ຍຕໍ່ຫົວຄົນ 5.650 ໂດລາສະຫະລັດ, ໃນນັ້ນກະສິກໍາ-ປ່າໄມ້ເພີ່ມຂຶ້ນ 4,2% ກວມເອົາ 14,5%, ອຸດສາຫະກໍາເພີ່ມຂຶ້ນ 12,5% ກວມເອົາ 48% ແລະການບໍລິການ ເພີ່ມຂຶ້ນ 9,5% ກວມເອົາ 37,5%. ສູ້ຊົນຈັດເກັບລາຍຮັບເຂົ້າງົບປະມານ ໃຫ້ໄດ້ 1.357 ຕື້ກີບ ທຽບໃສ່ປີ 2018 ເພີ່ມຂຶ້ນ 11,04% ເປັນ ເງິນ 134,96 ຕື້ກີບ ແລະລາຍຈ່າຍ ໃຫ້ຢູ່ໃນລະດັບ 533,77 ຕື້ກີບ ບໍ່ ລວມລາຍຈ່າຍການລົງທຶນ, ສູ້ຊົນ ຜະລິດເຂົ້າໃຫ້ໄດ້ 3,19 ແສນ ໂຕນ, ສູ້ຊົນມູນຄ່າສິນຄ້າສົ່ງອອກ ບໍ່ໃຫ້ຫຼຸດ 18% ແລະມູນຄ່າສິນຄ້າ ນໍາເຂົ້າບໍ່ໃຫ້ເກີນ 8%, ສູ້ຊົນພັດ ທະນາພື້ນຖານໂຄງລ່າງໃຫ້ມີຄຸນ ນະພາບ ແລະໝັ້ນຄົງທົນທານ ໂດຍສືບຕໍ່ກໍ່ສ້າງ ແລະສ້ອມແປງ ເສັ້ນທາງໃນຕົວເມືອງທີ່ມີການຕົກ ລົງແລ້ວ ຈໍານວນ 15 ໂຄງການ ໃຫ້ໄດ້ 75% ແລະສູ້ຊົນດຶງດູດນັກ ທ່ອງທ່ຽວເຂົ້າມາທ່ຽວບໍ່ໃຫ້ຫຼຸດ 2 ລ້ານຄົນ.

  ສະນັ້ນ ເພື່ອຮັບປະກັນໄດ້ການ ຂະຫຍາຍຕົວຂອງເສດຖະກິດມະ ຫາພາກໃນປີ 2019 ນີ້, ນະຄອນຫຼວງວຽງຈັນ ຈຶ່ງມີຄວາມຕ້ອງ ການທຶນເຂົ້າໃນການພັດທະນາ ເສດຖະກິດ-ສັງຄົມ ທັງໝົດປະ ມານ 15.100 ຕື້ກີບ ໃນນັ້ນ: ການ ລົງທຶນຈາກພາກເອກະຊົນພາຍໃນ ແລະຕ່າງປະເທດ ໃຫ້ໄດ້ 10.800 ຕື້ກີບ ກວມເອົາ 71,52% ຂອງ ຍອດການລົງທຶນທັງໝົດ, ຍາດ ແຍ່ງເອົາການຊ່ວຍເຫຼືອລ້າ ແລະ ກູ້ຢືມດ້ວຍດອກເບ້ຍຕໍ່າຈາກບັນ ດາປະເທດເພື່ອນມິດ ໃຫ້ໄດ້ປະມານ 800 ຕື້ກີບ ກວມເອົາ 5,3%, ການລົງທຶນຈາກທະນາຄານໃຫ້ ໄດ້ 3.400 ຕື້ກີບ ກວມເອົາ 22,5% ແລະການລົງທຶນຈາກງົບ ປະມານຂອງລັດ ຄາດວ່າຈະໄດ້ ຮັບອະນຸມັດປະມານ 65-110 ຕື້ ກີບ ກວມເອົາ 0,66%.

  ສໍາລັບການລົງທຶນຈາກພາກ ເອກະຊົນພາຍໃນ ແລະຕ່າງປະເທດ ໃນຈໍານວນ 10.800 ຕື້ກີບ ແມ່ນຈະສຸມໃສ່ໂຄງການຜະລິດ ສິນຄ້າປາຍແຫຼມເຊັ່ນ: ໂຄງການ ຜະລິດຊີ້ນງົວຍີ່ຫໍ້ວຽງຈັນ ຫຼື ຊີ້ນ ງົວວຽງຈັນ, ໂຄງການຜະລິດເຂົ້າ ເປັນສິນຄ້າ, ໂຄງການຊຸກຍູ້ການ ລ້ຽງປາພື້ນເມືອງເປັນສິນຄ້າ ແລະ ໂຄງການປູກໝາກພ້າວຫອມເປັນ ສິນຄ້າ, ໂຄງການກໍ່ສ້າງເສັ້ນທາງຄູ່ຂະໜານ (ໂຄງການກໍ່ສ້າງທາງ ດ່ວນໄລຍະທີ 1 ແຕ່ສູນການຄ້າ ລາວ-ໄອເຕັກ-ເສັ້ນທາງຫົວຂົວ-ໜອງໜ່ຽງ ຖະໜົນ 450 ປີ ແລະເຊື່ອມຕໍ່ເສັ້ນທາງເລກທີ 13 ໃຕ້-ເຊື່ອມຕໍ່ສະຖານີລົດໄຟ-ເຊື່ອມຕໍ່ ບ້ານດົງໝາກຄາຍ), ໂຄງການ ກໍ່ສ້າງເສັ້ນທາງ ແລະກໍ່ສ້າງຂົວຂ້າມນໍ້າງື່ມ ທີ່ບ້ານທ່າດອກຄໍາ-ບ້ານດວງບຸດດີ ເມືອງໄຊທານີເປັນຕົ້ນ.

ໂດຍ: ກິ່ງລັດຕະນາ   

แชร์