ຂ່າວລືໄອໂຟນ 12 5ຈີອາດຕ້ອງເລື່ອນໄປເປີດໂຕເດືອນຕຸລາ ພ້ອມໄອແພດລຸ້ນໃໝ່

  ວັນນີ້ Qualcomm ຜູ້ຜະລິດຊິບໃຫ້ກັບ iPhone ເຜີຍແຜ່ລາຍງານໃນໄຕມາດທີ 3 ພ້ອມທັງແນະນຳວ່າສະມາດໂຟນເຮືອທຸງ 5 ຈີຈະຖືກເລື່ອນການເປີດໂຕລ້າຊ້າກວ່າກຳນົດເດີມຊຶ່ງນັ້ນອາດລວມທັງ iPhone 12 5ຈີດ້ວຍ.

  ໂດຍປົກກະຕິແລ້ວ Apple ຈະເປີດໂຕ iPhone ໃນເດືອນກັນຍາ ແຕ່ດ້ວຍວິກິດໂຄວິດ-19 ຈຶ່ສົ່ງຜົນໃຫ້ຜະລິດຕະພັນຫຼາຍໆຕົວເປີດໂຕໄດ້ຊ້າລົງປະກອບດ້ວຍ Akash Palkhiwala ປະທານຝ່າຍການເງິນຂອງ Qualcomm ໄດ້ໃຫ້ສຳພາດວ່າ “ຊິບ 5ຈີທີ່ປົກກະຕິຈະຖືກເປີດໂຕໃນເດືອນກັນຍາອາດເລື່ອນໄປເປີດໂຕໃນພາຍຫຼັງປີນີ້”.

  ເຖິງແມ່ນວ່າ Qualcomm ຈະບໍ່ໄດ້ເປີດເຜີຍຊື່ບໍລິສັດ ຫຼື ຕົວຜະລິດຕະພັນແຕ່ໃນເດືອນກັນຍາກໍມັກຈະມີແຕ່ iPhone ທີ່ເປີດໂຕເປັນປະຈຳ.

----

ໜັງສືພິມ ເສດຖະກິດ-ສັງຄົມ

แชร์