ທ່ານ ອຸດົມໄຊ ດອມສະຫວັນ ເປັນວ່າການຫົວໜ້າຫ້ອງການສຶກສາເມືອງທ່າແຕງ

  ວັນທີ 22 ກັນຍາ 2020 ທີ່ສະໂມສອນຂອງເມືອງໄດ້ມີພິທີມອບ-ຮັບໜ້າທີ່ຫົວໜ້າຫ້ອງສຶກສາທິການ ແລະກີລາເມືອງທ່າແຕງແຂວງເຊກອງລະຫ່ວາງທ່ານ ນາງ ດວງຈັນ ເທບບົວລະບັດ ແລະທ່ານ ອຸດົມໄຊ ດອມສະຫັວນ ໂດຍມີທ່ານ ບຸນສວນ ບຸດບຸນມາ ຫົວໜ້າຄະນະຈັດຕັ້ງເມືອງທ່າແຕງ, ທ່ານນາງ ວັນເພັງ ທອງສີ ຮອງຫົວໜ້າພະແນກສຶກສາທິການ ແລະກີລາແຂວງເຊກອງ, ມີຫົວໜ້າຫ້ອງການ-ຮອງຫ້ອງການ, ພະນັກງານລັດຖະກອນພາຍໃນຫ້ອງການສຶກສາທິການແລະ ກີລາເຂົ້າຮ່ວມ.

 ຂໍ້ຕົກລົງສະບັບເລກທີ 197 ຂອງທ່ານເຈົ້າເມືອງໆທ່າແຕງ, ລົງວັນ ທີ 3 ກັນຍາ 2020 ໄດ້ອະນຸມັດໃຫ້ ທ່ານນາງ ດວງຈັນ ເທບບົວ ລະບັດ ອາຍຸ 54 ປີ ຫົວໜ້າຫ້ອງການສຶກສາທິການ ແລະກີລາເມືອງທ່າແຕງ (ຜູ້ເກົ່າ) ອອກພັກການລໍຖ້າເຂົ້າຮັບອຸດໜູນບຳນານ ແລະຕົກລົງແຕ່ງຕັ້ງ ທ່ານ ອຸດົມໄຊ ດອມສະຫວັນ ຮອງຫົວ ໜ້າຫ້ອງການສຶກສາທິການ ແລະກີລາເມືອງທ່າແຕງເປັນຜູ້ວ່າການຫົວໜ້າຫ້ອງການສຶກສາທິການ ແລະກີລາເມືອງທ່າແຕງ (ຜູ້ໃໝ່).

  ທ່ານນາງ ວັນເພັງ ທອງສີ ຮອງຫົວໜ້າພະແນກສຶກສາທິການ ແລະກີລາແຂວງເຊກອງ ກ່າວວ່າ: ການມອບຮັບໜ້າທີ່ລະຫ່ວາງຜູ້ເກົ່າ ແລະຜູ້ໃໝ່ກໍເພື່ອຕອບສະ ໜອງກັບຄວາມຮຽກຮ້ອງຕ້ອງການຂອງໜ້າທີ່ການເມືອງທັງແມ່ນກົດເກນ ແລະພາວະວິໃສເພື່ອສືບຕໍ່ຊີ້ນຳ-ນຳພາວຽກງານໃຫ້ໄດ້ຮັບໝາກ-ຮັບຜົນ ຊຶ່ງຕ້ອງໄດ້ມີຄວາມພະຍາຍາມປະຕິບັດໜ້າທີ່ການເມືອງໃຫ້ສອດຄ່ອງຕາມລະບຽບກົດໝາຍ.

___________

ຂຽນໂດຍ: ລັດຕະນາ ຄຳສົມພູ

แชร์