ນັກເຕະທີມໂຣມຊັບ+ລະບຽງພູ ໂຊຟອມໂຫດເອົາຊະລາວໂຕໂຢຕ້າພາກໃຕ້ 5-3 ປະຕູ

   ຂຸນພົນນັກເຕະທີມໂຮມຊັບ+ລະບຽງພູ ນຳທີມໂດຍທ່ານ ສົມໃຈ ຫຼ່ຽມໄຊຍະຈັກ ຫົວໜ້າຄູຝືກສາມາດປະເດີມສະໜາມໄດ້ຢ່າງສວຍງາມໂຊຟອມໂຫດໄລ່ເອົາຊະນະ ລາວໂຕໂຢຕ້າພາກໃຕ້ 5-3 ປະຕູ ໃນຮຸ່ນທົ່ວໄປ.

   ສ່ວນຜົນອີກຄູ່ໃນຮຸ່ນ 17 ປີ ທີມປາກເຊຢູໄນເຕັດ ສະເໝີ PADONG ອາຄາເດມີ້ 1-1 ປະຕູ ການແຂ່ງຂັນເຕະບານຊີງຂັນສະຫລອງວັນຊາດທີ 2 ທັນວາ ທີ່ແຂວງຈຳປາສັກ ເມື່ອວັນທີ 24 ກັນຍາ 2020 ທີ່ສະໜາມກິລາແຂວງຈຳປາສັກລາຍການດັ່ງກ່າວມີການຊີງໄຊ 2 ຮຸ່ນ ກໍຄື ຮຸ່ນທົ່ວໄປ ແລະຮຸ່ນອາຍຸ 17 ປີ ຊື່ງມີທີມຈາກແຂວງສາລະວັນ ແລະແຂວງອັດຕະປື ເຂົ້າຮ່ວມແຂ່ງຂັນ.

  +  ສຳລັບອາຍຸ 17 ປີ ມີ 10 ທີມເຂົ້າຮ່ວມແບ່ງອອກເປັນ 2 ສາຍ.

   - ສາຍ ກ ປະກອບມີ: ກັນຍານັງ ເມືອງໂພນທອງ, ມິ່ງເມືອງ, ສາລະວັນ ອາຄາເດມີ້, ສີລາເພັດ, ບໍລິສັດ 3S

   - ສ່ວນ ກຸ່ມ ຂ ໂຮມຊັບ ໄອດີຊີ, ເມືອງປາກຊ່ອງ, ປາກເຊ ຢູໄນເຕັດ, ເມືອງປະທຸມພອນ ແລະ PADONG ອາຄາເດມີ້

   + ຮຸ່ນທົ່ວໄປ ກໍມີ 10 ທີມເຂົ້າຮ່ວມແບ່ງອອກເປັນ 2 ສາຍເຊັ່ນກັນ
   - ສາຍ ກ ມີວິທະຍາໄລເຕັກນິກ, ເມືອງປາກຊ່ອງ, ໄວກິ້ງ, ທະຫານແຂວງ ແລະສະມາຄົມຫວຽດ

   - ສ່ວນ ກຸ່ມ ຂ ມະຫາວິທະຍາໄລຈຳປາສັກ, ປກສ ແຂວງ, ໂຮມຊັບ+ລະບຽງພູ, ລາວໂຕໂຢຕ້າພາກໄຕ້ ແລະໄອດີຊີ ປິ່ນແກ້ວ ທັງສອງຮຸ່ນແມ່ນແຂ່ງຂັນທີ່ສະໜາມກິລາແຂວງ (ຫຼັກ2).

แชร์