ມອບ-ຮັບໜ້າທີ່ຄະນະບໍລິຫານສະຫະພັນນັກຮົບເກົ່າແຂວງບໍ່ແກ້ວ

  ພິທີເຊັນບົດບັນທຶກມອບ-ຮັບໜ້າທີ່ຄະນະບໍລິຫານງານສະຫະພັນນັກຮົບເກົ່າແຂວງບໍ່ແກ້ວ ຊຸດທີ III ແລະຊຸດທີ IV ມີຂຶ້ນໃນວັນທີ21 ກັນຍາ 2020 ລະຫວ່າງສະຫາຍ ພັນໂທ ສົມຈິດ ສອນພິທັກ ປະທານຄະນະບໍລິຫານສະຫະພັນນັກຮົບເກົ່າຊຸດເກົ່າ ແລະສະຫາຍ ພັນໂທຄຳປິງ ອີນທອງສາ ປະທານຄະນະບໍລິຫານສະຫະ ພັນນັກຮົບເກົ່າຊຸດໃໝ່ໂດຍການເຂົ້າຮ່ວມເປັນສັກຂີພິຍານຂອງສະຫາຍ ພັນເອກ ວິດອນພຸດດາວົງ ຄະນະປະຈຳພັກແຂວງ, ຫົວໜ້າກອງບັນຊາການທະຫານແຂວງບໍ່ແກ້ວ, ມີການນຳ ປກຊ-ປກສ ແລະຄະນະບໍລິຫານງານສະຫະພັນນັກຮົບເກົ່າແຂວງ ແລະພາກສ່ວນກ່ຽວຂ້ອງເຂົ້າຮ່ວມ.

  ສະຫາຍ ແກ້ວລາ ນໍລະສິງ ຮອງຄະນະຈັດຕັ້ງແຂວງບໍ່ແກ້ວຂຶ້ນຜ່ານຂໍ້ຕົກລົງວ່າດ້ວຍຮັບຮອງເອົາຄະນະບໍລິຫານຊຸດໃໝ່ຊຸດທີ IV ມີ 4 ສະຫາຍ ຄື: ສະຫາຍ ພັນໂທ ຄຳປິງ ອິນທອງສາ ເປັນປະທານສະຫະພັນນັກຮົບເກົ່າແຂວງ, ສະຫາຍ ສົມພອນ ຕະລຸມພອນ, ສະຫາຍ ພັນໂທພົມມາ ໄຊຍະແສງ ແລະສະຫາຍ ພັນໂທ ຄຳໄຕ ທົງອາສາ ເປັນຮອງປະທານສະຫະພັນນັກຮົບເກົ່າແຂວງ ແລະຮັບຮອງເອົາສະຫາຍ ພັນໂທສົມພອນ ຕະລຸມພອນ ເປັນປະທານກວດການ ແລະສະຫາຍ ຮ້ອຍໂທ ສົມຊາຍ ເປັນຮອງປະທານກວດກາ.

  ໃນພິທີສະຫາຍ ພັນໂທ ສົມຈິດ ສອນພິທັກ ຍັງໄດ້ລາຍງານການຈັດຕັ້ງໃນໄລຍະຜ່ານມາຊຶ່ງສາມາຍາດໄດ້ຜົນງານອັນເດັ່ນ ແລະຈຸດອ່ອນ ແລະຂໍ້ຄົງຄ້າງເພື່ອຈະສືບຕໍ່ໄປແກ້ໄຂ ແລະປັບປຸງໃນຕໍ່ໜ້າເປັນຕົ້ນແມ່ນວຽກງານການຈັດຕັ້ງ ແລະວຽກງານຈຳນວນພົນປະຈຳການຂອງສະຫະພັນນັກຮົບເກົ່າແຂວງມີທັງໝົດ 23 ສະຫາຍ, ຍິງ 6 ສະຫາຍ, ວຽກງານການຈັດຕັ້ງມະຫາຊົນ, ຊຶ່ງມາຮອດປະຈຸບັນມີສະມາຊິກພັກທັງໝົດ 18 ສະຫາຍ, ຍິງ 4 ສະຫາຍ, ໃນນີ້ ມີສຳຮອງ 4 ສະຫາຍ, ຍິງ 2 ສະຫາຍ, ວຽກງານກອງທຶນຊ່ວຍເຫຼືອເຊິ່ງກັນແລະກັນມີ 1 ກອງທຶນມີສະມາຊິກທັງໝົດ 1.229 ສະຫາຍ ນອກຈາກນີ້ຍັງຈະໄດ້ສືບຕໍ່ວຽກງານນະໂຍບາຍເງິນອຸດ ໜູນບຳນານໃຫ້ແກ່ພະນັກງານເສຍອົງຄະ,ພະນັກງານບຳນານ ຫຼືຄອບຄົວຜູ້ທີ່ເສຍຊີວິດໃນປາງສົງຄາມ, ວຽກງານເຕົ້າໂຮມຄວາມສາມັກຄີສະຫະພັນນັກຮົບເກົ່າ ແລະວຽກງານອື່ນໆອີກ.

---------------

ຂ່າວ: ບຸນເພັດ ໄຊຍະວົງ, 

ຮູບພາບ: #ຫນັງສືພິມເສດຖະກິດສັງຄົມ

แชร์