ປກສ ແຂວງວຽງຈັນ ປະກາດເລື່ອນຊັ້ນນາຍຕໍາຫຼວດ

  ກອງບັນຊາການ ປກສ ແຂວງວຽງຈັນ ໄດ້ປະກາດການເລື່ອນຊັ້ນໃຫ້ນາຍຕໍາຫຼວດທົ່ວກອງບັນຊາການ ປກສ ແຂວງໃນວັນທີ 22 ກັນຍາ 2020 ທີ່ສະໂມສອນກອງບັນຊາການຂອງຕົນໂດຍການເປັນປະທານຂອງທ່ານ ພົຈວ ທອງເຄນ ບຸນໝັ້ນ ຫົວໜ້າກອງບັນຊາການປກສ ແຂວງວຽງຈັນ ມີຫົວໜ້າຫ້ອງ, ກອງພັນ, ຄ້າຍຄຸມຂັງດັດສ້າງ, ກອງບັນຊາການ ປກສ ເມືອງພ້ອມດ້ວຍພະນັກງານຫຼັກແຫຼ່ງທີ່ໄດ້ຮັບການເລື່ອນຊັ້ນເຂົ້າຮ່ວມ.

   ທ່ານ ພັທ ຄໍາແຝງ ສີມູນ ຫົວໜ້າຫ້ອງການເມືອງໄດ້ຂຶ້ນຜ່ານຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບສະບັບເລກທີ1469/ປກສ, ລົງວັນທີ 30 ກໍລະກົດ 2020 ວ່າດ້ວຍການປະຕິບັດນະໂຍບາຍຍົກຂັ້ນເງິນເດືອນໃຫ້ນາຍຕໍາຫຼວດກອງບັນຊາການ ປກສ ແຂວງວຽງຈັນ ໃນນີ້ຍົກຂັ້ນເງິນເດືອນຊັ້ນພັນໂທຂຶ້ນກິນ ເງິນຊັ້ນພັນເອກຈໍານວນ 4 ທ່ານ ຄື: ທ່ານ ພັທ ຈະເລີນ ເລີດມຸງຄຸນ ຮອງຫົວໜ້າກອງບັນຊາການ ປກສ ແຂວງ, ທ່ານ ພັທ ແຫວນເພັດ ໂພມະຫາລາດ ຫົວໜ້າຫ້ອງພະລາທິການ ປກສ ແຂວງ, ທ່ານ ພັທ ຄໍາແຝງ ສີມູນ ຫົວໜ້າຫ້ອງການເມືອງ ປກສ ແຂວງ ແລະ ທ່ານ ພັທ ແສງເພັດ ພັນທະນິດ ຫົວໜ້າກອງບັນຊາການ ປກສ ເມືອງແມດ ແລະຜ່ານຂໍ້ຕົກລົງສະບັບເລກທີ 1613, 1614, 1716 / ປກສ 14 ສິງຫາ ແລະ 01ກັນຍາ 2020 ວ່າດ້ວຍການເລື່ອນຊັ້ນໃຫ້ນາຍຕຳຫຼວດກອງບັນຊາການ ປກສ ແຂວງວຽງຈັນ ການປະກາດການເລື່ອນຊັ້ນໃຫ້ນາຍຕຳຫຼວດໃນຄັ້ງນີ້ກໍ່ເພື່ອປະຕິບັດຕາມນະໂຍບາຍຂອງພັກ-ລັດທີ່ມີຕໍ່ນາຍຕໍາຫຼວດຜູ້ທີ່ມີຜົນ ສໍາເລັດໃນການປະຕິບັດໜ້າທີ່ວຽກງານ ແລະຄົບມາດຖານເງື່ອນໄຂຂອງການເລື່ອນຊັ້ນທີ່ໄດ້ກໍານົດໄວ້ໃນກົດໝາຍວ່າດ້ວຍກໍາລັງປ້ອງກັນຄວາມສະຫງົບປະຊາຊົນທັງນີ້ກໍ່ເພື່ອເປັນການປັບປຸງກຳລັງປ້ອງກັນຄວາມສະຫງົບໃຫ້ໜັກແໜ້ນເຂັ້ມແຂງຂຶ້ນເລື້ອຍໆ ຜູ້ທີ່ໄດ້ຮັບການເລື່ອນຊັ້ນໃນຄັ້ງນີ້ມີທັງໝົດ 75 ທ່ານ, ຍິງ 13 ທ່ານ ໃນນີ້ເລື່ອນຊັ້ນ ພັຕ ຂຶ້ນ ພັທ ຈຳນວນ 46 ທ່ານ, ຍິງ 7 ທ່ານ, ຮອ ຂຶ້ນ ພັນຕີ ຈຳນວນ 29 ທ່ານ, ຍິງ 6 ທ່ານ ເປັນກຽດຂຶ້ນປະດັບຊັ້ນໃຫ້ນາຍຕໍາຫຼວດໂດຍແມ່ນທ່ານ ພົຈວ ປອ ທອງເຄນ ບຸນໝັ້ນ ຫົວໜ້າກອງບັນຊາການ ປກສ ແຂວງ.

  ສຳລັບຕອນທ້າຍຍັງໄດ້ຮັບຟັງການໂອ້ລົມຈາກທ່ານ ພົຈວ ທອງເຄນ ບຸນໝັ້ນ ຫົວໜ້າກອງບັນຊາການ ປກສ ແຂວງ ຢ່າງມີເນື້ອຄວາມໝາຍເລິກເຊິ່ງເພື່ອເປັນເຂັມຊີ້ທິດເຍືອງທາງໃຫ້ແກ່ພະນັກງານຫຼັກແຫຼ່ງຊຶ່ງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນງານ ແລະ ໄຊຊະນະຂອງບັນດາທ່ານບັນດາສະຫາຍຍາດມາໄດ້ໃນໄລຍະຜ່ານມາພ້ອມນັ້ນທ່ານຍັງໄດ້ຮຽກຮ້ອງໃຫ້ນາຍຕໍາຫຼວດທີ່ໄດ້ຮັບການເລື່ອນຊັ້ນໃໝ່ຈົ່ງພ້ອມກັນຍົກສູງຄວາມຮັບຜິດຊອບຕໍ່ໜ້າທີ່ວຽກງານຂອງຕົນໃຫ້ຫຼາຍຂຶ້ນ ກວ່າເກົ່າເພື່ອພ້ອມກັນເຮັດສຳເລັດໜ້າທີ່ຕາມທີ່ພັກ–ລັດການຈັດຕັ້ງ ແລະປະຊາຊົນມອບໜາຍໃຫ້ໂອກາດດຽວກັນທ່ານຍັງໄດ້ຮຽກຮອ້ງໃຫ້ຄະນະພັກຄະນະບັນຊາແຕ່ ລະຂັ້ນຈົ່ງເອົາໃຈໃສ່ຕໍ່ວຽກງານສຶກສາອົບຮົມການເມືອງແນວຄິດໃຫ້ແກ່ພະນັກງານ-ນັກຮົບ ຢູ່ພາຍໃນກົມກອງຂອງຕົນຢ່າງເປັນປົກກະຕິ, ສ້າງແບບແຜນວິທີນໍາພາ, ແບບແຜນວິທີເຮັດວຽກໃຫ້ທັນສະໄໝແນໃສ່ເຮັດໃຫ້ວຽກງານປ້ອງກັນຄວາມສະຫງົບມີຄວາມໜັກແໜ້ນ, ເຂັ້ມແຂງຂຶ້ນເລື້ອຍໆ.

---------------

ຂ່າວ: ທອງສີ, ຮູບພາບ: #ຫນັງສືພິມເສດຖະກິດສັງຄົມ

แชร์