ເປີດສູນຄວາມງາມເມເບວ ແລະ ສະປາ

  ເພື່ອສ້າງຄວາມສະດວກສະບາຍ ແລະຕອບສະໜອງຄວາມຕ້ອງການຂອງ ລູກຄ້າທີ່ມັກຮັກດ້ານຄວາມສວຍງາມ ແບບຄົບຊຸດ, ໃນວັນທີ 17 ກຸມພາຜ່ານມາ, ສູນຄວາມງາມ ເມເບວ ແລະສະປາຈຶ່ງໄດ້ພິທີເປີດສູນຄວາມງາມ ເມເບວ ແລະ  ສະປາ ຢ່າງເປັນທາງການຂຶ້ນ, ທີ່ບ້ານ ດອນປ່າໃໝ່, ເມືອງສີສັດຕະນາກນະຄອນ ຫຼວງວຽງຈັນ, ຊຶ່ງເຂົ້າຮ່ວມໃນພິທີມີ ທ່ານ ນາງ ວຽງວິໄລ ຣັດຕະນະ ເຈົ້າຂອງ ສູນຄວາມງາມ ແລະທ່ານນາງ ນັດຕະຍາ ວິລະຍຸດສິນ ເຈົ້າຂອງສູນຄວາມງາມ, ພ້ອມດ້ວຍແຂກຖືກເຊີນເຂົ້າຮ່ວມ.

 ທ່ານ ນາງ ວຽງວິໄລ ຣັດຕະນະ ກ່າວ ວ່າ: ເມເບວ ບີ້ວຕີ້ ເຊັນເຕີ້ ແອນ ສະປາ (Mabal Beauty center and spa) ແມ່ນສູນຄວາມງາມໃໝ່ທີ່ຫາກໍເລີ່ມໃຫ້ບໍລິການດ້ານຄວາມສວຍງາມແບບຄົບ ວົງຈອນ ໂດຍຈະເນັ້ນຄຸນນະພາບເປັນຫຼັກ ແລະການບໍລິການແບບຄົບຊຸດໄວ້ໃນ ບ່ອນດຽວ, ເນື່ອງຈາກສູນຄວາມງາມ ໄດ້ນຳໃຊ້ເຄື່ອງນະວັດຕະກຳໃໝ່, ມີ ຄວາມທັນສະໄໝ ແລະປອດໄພສູງນຳ ເຂົ້າໂດຍກົງຈາກສາຫະລັດອາເມລິກາ ແລະຈາກປະເທດເກົາຫຼີທັງໝົດ, ພ້ອມກັບ ທີມແພດທີ່ມີຄວາມຊ່ຽວຊານສະ ເພາະ ດ້ານໄວ້ໃຫ້ຄຳປຶກສາ, ດັ່ງນັ້ນ ຈຶ່ງຫວັງ ວ່າເມເບວ ແລະສະປາ ຈະເປັນທາງເລືອກ ໜຶ່ງໃຫ້ກັບກຸ່ມລູກຄ້າທີ່ມັກຮັກດ້ານຄວາມສວຍຄວາມງາມ, ພ້ອມທັງຕ້ອງການຢາກ ເບິ່ງແຍງສຸຂະພາບຜີວແທ້ເລືອກໃຊ້.

  ທ່ານ ນາງ ນັດຕະຍາ ວິລະຍຸດສິນ ກ່າວວ່າ: ສຳລັບການບໍລິການພາຍໃນສູນ ຄວາມງາມ ເມເບວ ແລະສະປາ ແມ່ນມີຫຼາກຫຼາຍລາຍການໃຫ້ລູກຄ້າໄດ້ເລືອກ ໄດຕາມໃຈ ເປັນຕົ້ນແມ່ນໂບທອກ (Botox), ຟີວເລີ (Filler), ຮາຍຟູ (Hifu), ສະລີມ ອັບ (Slim Up), ເລເຊີ (Laser), ວິຕາມິນ (Vitamin), ຕໍ່ຂົນ ຕາ (eyelash) ແລະເຟັ້ນເລັບ (Nail Salon), ຊຶ່ງໃນການບໍລິການຂອງສູນ ຍັງເນັ້ນທາງດ້ານການໃຊ້ເຂັມ ແລະບໍ່ ໃຊ້ເຂັມ ໂດຍສະເພາະ Slim Up ທີ່ມີ ທັງການສິດແຟັກ, ການດູດໄຂມັນ ໂດຍ ຜ່ານເຄື່ອງພາເວີສະລີມທີ່ເປັນນະວັດ ຕະກຳຂອງອາເມລິກາ, ມີໄລຍະການປະຕິບັດງານທັງໝົດ 4 ຂັ້ນຕອນທີ່ລະອຽດ ແລະປອດໄພ, ພ້ອມທັງບໍ່ເຈັບ, ບໍ່ເປັນ ຮອຍຊ້ຳ, ບໍ່ມີຜົນຂ້າງຄຽງແຕ່ຈະຈ່ອຍລົງເລີ່ມແຕ່ຄັ້ງທຳອິດທີ່ໃຊ້, ຊຶ່ງກ່ອນການໃຊ້ຈະຕ້ອງມີການວັດສັດສ່ວນຂອງລູກ ຄ້າກ່ອນ, ດັ່ງນັ້ນ ຈຶ່ງເວົ້າໄດ້ວ່າ ອຸປະກອນ ທີ່ນຳມາໃຊ້ໃນສູນຄວາມງາມລ້ວນເປັນນະວັດຕະກຳໃໝ່ທີ່ໄດ້ມາດຕະຖານ ເພື່ອ ຕອບສະໜອງກຸ່ມລູກຄ້າທີ່ຕ້ອງການ ເບິ່ງແຍງຮູບຮ່າງໂດຍສະເພາະ, ໂດຍສູນ ຄວາມາງາມ ເມເບວ ແລະສະປາ ຈະເປີດ ໃຫ້ບໍລິການທຸກວັນແຕ່ເວລາ 10 ໂມງ ເຊົ້າຫາ 20 ໂມງແລງ, ພິເສດໄລຍະເປີດ ສູນໃໝ່ຍັງມີໂປຼໂມຊັນຫຼຸດໃຫ້ກັບລູກຄ້າທີ່ມາໃຊ້ບໍລິການໃນທຸກລາຍການອີກດ້ວຍ ສະເພາະໃນເດືອນນີ້ເທົ່ານັ້ນ. 

ຂ່າວ: ພິມພອນ       

แชร์