ໄຊຍະບູລີ ປະຊຸມຜູ້ບໍລິຫານການສຶກສາ

ວັນທີ 17-18 ກັນຍາຜ່ານມາພະແນກສຶກສາທິການ ແລະກີລາແຂວງໄຊຍະບູລີ ໄດ້ຈັດກອງປະຊຸມຜູ້ບໍລິຫານການສຶກສາ ແລະກີລາທົ່ວແຂວງປະຈຳສົກຮຽນ2019-2020 ພາຍໃຕ້ການເປັນປະທານຂອງທ່ານ ອ່ອນຕາ ພົມມະຈິດ ຫົວໜ້າພະແນກສຶກສາທິການ ແລະກີລາແຂວງໄຊຍະບູລີ ມີບັນດາທ່ານຮອງຫົວໜ້າພະແນກສຶກ ສາທິການ ແລະກີລາແຂວງ, ຫົວໜ້າຫ້ອງການສຶກສາທິການ ແລະກີລາເມືອງ 11 ເມືອງ, ຫົວໜ້າຫ້ອງການກໍາມາທິການສຶກສາສົງແຂວງ, ຜູ້ອໍານວຍການ-ຮອງຜູ້ອຳນວຍການໂຮງຮຽນອ້ອມຂ້າງແຂວງ, ຫົວໜ້າ-ຮອງຫົວໜ້າຂະແໜງການ-ສູນ ແລະວິຊາການຂະແໜງທີ່ກ່ຽວຂ້ອງຈໍານວນໜຶ່ງເຂົ້າຮ່ວມ.

  ກອງປະຊຸມໄດ້ຮັບຟັງມະຕິກອງປະຊຸມຜູ້ບໍລິຫານການສຶກສາ ແລະກີລາທົ່ວປະເທດປະຈໍາສົກຮຽນ 2019-2020, ຄໍາແນະນໍາການປະ ເມີນຜົນມາດຕະຖານ 3 ສ້າງຂອງຂະແໜງການສຶກສາ ແລະກີລາ, ຜົນການປະເມີນນັກຮຽນຊັ້ນ ມ4 (ASLO 2019), ຮ່າງແຜນພັດທະນາການສຶກສາ ແລະກີລາ 5 ປີ ຄັ້ງທີ IX (2021- 2025), ຮ່າງແຜນພັດທະນາການສຶກສາ ແລະກີລາສົກຮຽນ 2020- 2021, ບົດວິ ເຄາະການຈັດຕັ້ງປະຕິບັດ 15 ຄາດໝາຍຂອງສະພາປະຊາຊົນແຂວງ ແລະການລາຍງານສະພາບບັນຫາ, ດ້ານດີ, ດ້ານອ່ອນ, ຂໍ້ຫຍຸ້ງ ຍາກໃນການຄຸ້ມຄອງ ບໍລິຫານວຽກງານການສຶກສາ ແລະກີລາຈາກບັນດາເມືອງ, ຂະແໜງການ-ສູນ ແລະໂຮງຮຽນອ້ອມຂ້າງແຂວງຜ່ານການຄົ້ນຄວ້າປະກອບຄໍາເຫັນຕໍ່ເນື້ອໃນຂອງເອກະສານຕ່າງໆທີ່ໄດ້ສະເໜີກອງປະຊຸມໄດ້ເຫັນດີເປັນເອກະ ພາບຮັບຮອງເອົາບັນຫາສຳຄັນເຫັນດີເປັນເອກະພາບຕໍ່ຜົນສໍາເລັດການຈັດຕັ້ງປະຕິບັດແຜນພັດທະນາການສຶກສາ ແລະກີລາປະຈໍາສົກຮຽນ 2019-2020, ການຈັດຕັ້ງປະຕິບັດບັນດາ 15 ຄາດໝາຍຂອງມະຕິສະພາປະຊາຊົນແຂວງບັນລຸແລ້ວ 5 ຄາດໝາຍໃກ້ຈະບັນລຸ ແລະມີທ່ວງທ່າກ້າວໜ້າມີ 5 ຄາດ ໝາຍ, ບໍ່ທັນບັນລຸ ແລະມີລັກສະນະທົດຖອຍມີ 5 ຄາດ, ເຫັນດີຮັບຮອງເອົາແຜນພັດທະນາຂະແໜງການສຶກສາ ແລະກີລາ 5 ປີ ຄັ້ງທີ IX(2021-2025), ເປັນ ຕົ້ນແມ່ນຂະແໜງສຶກສາກ່ອນໄວຮຽນໃຫ້ສົມທົບກັບຫ້ອງການສຶກສາທິການ ແລະກີລາເມືອງ ແລະອົງການປົກຄອງທ້ອງຖິ່ນຂະຫຍາຍຫ້ອງກຽມປະຖົມຢູ່ເຂດຊົນນະບົດຫ່າງໄກສອກຫຼີກທີ່ຂາດຄູສອນອະນຸບານ ແລະສ້າງເງື່ອນໄຂສະໜອງກຸ່ມຫຼິ້ນໃນຊຸມຊົນ ແລະການສອນຄວບອາຍຸເພື່ອກຽມຄວາມພ້ອມໃຫ້ເດັກກ່ອນເຂົ້າຮຽນຊັ້ນປະຖົມສຶກສາ ແລະສືບຕໍ່ຈັດຕັ້ງປະຕິ ບັດໂຮງຮຽນອະນຸບານຕົວແບບຢູ່ບັນດາເມືອງທີ່ມີເງື່ອນໄຂ, ຊຸກຍູ້ຄູສອນໃຫ້ໄດ້ຮັບຕໍາແໜ່ງວິຊາການຄູ, ຝຶກອົບຮົມຄູສຶກສານິເທດສຶກສາກ່ອນໄວຮຽນ ແລະການນໍາໃຊ້ຫຼັກສູດແຜນປະສົບການຫ້ອງການສຶກສາທິການ ແລະກີລາເມືອງເອົາໃຈໃສ່ສົມທົບຢ່າງໃກ້ສິດກັບຜູ້ອໍານວຍການໂຮງຮຽນ ແລະຄະນະພັດທະນາການສຶກສາຂັ້ນບ້ານ,

ການລ້າງ ມື, ໃສ່ໜ້າກາກອະນາໄມ ແລະປະຕິບັດໄລຍະຫ່າງຕາມມາດຕະການປ້ອງກັນພະຍາດອັກ ເສບປອດເຊື້ອຈຸລະໂລກສາຍພັນໃໝ່ (Covid- 19), ສົມທົບກັບອໍານາດການປົກ ຄອງທຸກຂັ້ນປຸກລະດົມສັງຄົມປະ ກອບສ່ວນວຽກງານການສຶກສາ ແລະກີລາ, ປັບປຸງສະພາບແວດ ລ້ອມໂຮງຮຽນສາມັນ, ຄະນະພັດທະນາການສຶກສາຂັ້ນບ້ານປຸກລະດົມນັກຮຽນຜູ້ພິການ, ຜູ້ທຸກຈົນຜູ້ດ້ອຍໂອກາດເຂົ້າຮຽນໃຫ້ທົ່ວເຖິງ, ຂະແໜງຈັດຕັ້ງ ແລະພະນັກງານສົມທົບກັບບັນດາເມືອງຂຶ້ນແຜນກຳນົດເປົ້າໝາຍພະນັກງານຄຸ້ມຄອງ-ນຳພາສຶບຖອດປ່ຽນແທ່ນຂັ້ນເມືອງ, ຕິດຕາມ, ກວດກາກົງຈັກການຈັດຕັ້ງບໍລິຫານທຸກຂັ້ນ, ສັບຊ້ອນ ແລະຈັດສັນຄູ, ຂະແໜງພັດທະ ນາຄູສົມທົບກັບຂະແໜງການທີ່ກ່ຽວຂ້ອງຝຶກອົບຮົມການສອນຫ້ອງຄວບ,ການນໍາໃຊ້ຫຼັກສູດໃໝ່,ວິທີສິດສອນພາສາລາວຊັ້ນປະຖົມ, ການສອນພາສາລາວ-ວັນນະຄະດີຊັ້ນມັດທະຍົມ, ການສອນພາສາອັງກິດຂັ້ນ ປ3, ການນິເທດຊັ້ນປະຖົມ, ຝຶກອົບຮົມແນະນໍາການນໍາໃຊ້ແບບຮຽນ ແລະຄູ່ມືຄູຫຼັກສູດໃໝ່, ຂະແໜງອາຊີວະສຶກສາສືບຕໍ່ສົມທົບກັບໂຮງຮຽນ ເຕັກນິກ-ວິຊາຊີບໃນການປັບປຸງຄຸນນະ ພາບການສຶກາສາໃຫ້ຫຼາກຫຼາຍ ແລະສອດຄ່ອງກັບຄວາມຕ້ອງການຂອງຜູ້ໃຊ້ແຮງງານ ແລະຜູ້ປະກອບການຂອງທ້ອງຖິ່ນ; ສອບເສັງຄັດເລືອກນັກຮຽນທີ່ຈົບ ມ7 ໄປຮຽນຕໍ່ຢູ່ ສສ ຫວຽດນາມ ແລະ ສປ ຈີນພ້ອມທັງສືບຕໍ່ໃຫ້ທຶນການສຶກສາແກ່ນັກສຶກສາຫວຽດນາມ,ຈີນ ທີ່ມາຮຽນຢູ່ລາວ, ໂຄສະນາປະຊາສຳພັນແນະແນວວິຊາຊີບ-ການປະກອບອາຊີບ, ສ້າງຄວາມເຂັ້ມແຂງໃຫ້ສະພາທີ່ປຶກສາ ແລະພັດທະນາສີມືແຮງງານ-ໜ່ວຍງານກຸ່ມອາຊີບ, ສ້າງຕາໜ່າງຮ່ວມມືພາຍໃນ-ລະດັບພາກພື້ນ ແລະສາກົນ, ຂະແໜງກີລາລະດັບສູງສົມທົບກັບບັນດາສະຫະພັນກີລາພາຍໃນແຂວງເພື່ອກະກຽມຄວາມພ້ອມລາຍງານຕໍ່ຄະນະພັກອົງການປົກຄອງແຂວງເພື່ອຂໍທິດຊີ້ນໍາໃນການເຂົ້າຮ່ວມການແຂ່ງຂັນມະຫາກໍາກີລາແຫ່ງຊາດຄັ້ງທີ XI ທີ່ແຂວງຊຽງຂວາງ.

___________

ຂຽນໂດຍ: ນາລີ ແພງວິໄລ, ຮູບພາບ: #ຫນັງສືພິມເສດຖະກິດສັງຄົມ

แชร์