ເກີດເຫດຟ້າຜ່າຢູ່ກຳປູເຈຍເສຍຊີວິດ 6 ຄົນ

   ວັນທີ 20 ກັນຍາທີ່ຜ່ານມາເກີດເຫດຟ້າຜ່າຢູ່ກຳປູເຈຍເຮັດໃຫ້ມີຜູ້ເສຍຊີວິດ 6 ຄົນ ແລະໄດ້ຮັບບາດເຈັບ 4 ຄົນ ຫຼັງຈາກຫາກໍເຮັດບຸນສຳເລັດ ແລະພາກັນມານັ່ງໂຕະຫີນອ່ອນກ່ອນເກີດຟ້າຜ່າ.

   ຕາມຂ່າວຕ່າງປະເທດລາຍງານວ່າຈາກອິດທິພົບຂອງພາຍຸໂນອຶນທີ່ພັດເຂົ້າຫຼາຍປະເທດໂດຍຢູ່ເມືອງສີຣີ ແຂວງພະຕະບອງຂອງກຳປູເຈຍມີລາຍງານວ່າມີຜູ້ເສຍຊີວິດຈາກເຫດຟ້າຜ່າໂດຍເຫດການສະຫຼົດເກີດຂຶ້ນຫຼັງຈາກທີ່ຊາວບ້ານທີ່ເມືອງຣຸກຂະຄີຣີ ເຮັດບຸນສຳເລັດຈາກນັ້ນພີ່ນ້ອງກໍພາກັນສ້າງສັນທີ່ໂຕະຫີນອ່ອນກ້ອງຕົ້ນໝາກມ່ວງ ກ່ອນທີ່ຈະມີລົມພັດແຮງຈົນເຮັດໃຫ້ໄຟຟ້າມອດແຕ່ທັນໃດນັ້ນກໍເກີດເຫດຟ້າຜ່າລົງມາກາງໂຕະຫີນອ່ອນຊຶ່ງມີຄົນນັ່ງຢູ່ 10 ຄົນ ເຮັດໃຫ້ມີຜູ້ເສຍຊີວິດທັນທີ 6 ຄົນ ແລະໄດ້ຮັບບາດເຈັບ 4 ຄົນ

   ຢ່າງໃດກໍຕາມ ທັງ 6 ຄົນທີ່ເສຍຊີວິດຍ້ອນເຫດການຟ້າຜ່າໃນຄັ້ງນີ້ທາງຍາດພີ່ນ້ອງກໍນໍາໄປປະກອບພິທີທາງສາດສະໜາຕໍ່ໄປ.

 

แชร์