ພະນັກງານໂຮງແຮມລາວເທວຮ່ວມບໍລິຈາກເລືອດ

  ວັນທີ 22 ກັນຍາ ຜ່ານມາ ທີ່ໂຮງແຮມ ລາວເທວ ວຽງຈັນ ນະຄອນຫຼວງວຽງຈັນ ພະນັກງານຂອງໂຮງແຮມດັ່ງກ່າວໄດ້ປະກອບສ່ວນບໍລິຈາກເລືອດເພື່ອສັງຄົມໂດຍເຂົ້າຮ່ວມມີທ່ານ ນາງ ວົງຈັນ ບົວແພງ ທີ່ປຶກສາໂຮງແຮມ ລາວເທວ ວຽງຈັນ, ທ່ານນາງ ກົງແກ້ວ ຫຼວງລາດ ຮອງຫົວໜ້າພະແນກປຸກລະດົນ ແລະຮັບບໍລິຈາກເລືອດອົງການກາແດງລາວພ້ອມພະນັກງານເຂົ້າຮ່ວມ.

  ທ່ານ ນາງ ມະໂນລັກ ເນລາຄົມ ຫົວໜ້າພະແນກ ບຸກຄະລາການໂຮງແຮມໃຫ້ສຳພາດນັກຂ່າວວ່າ: ການບໍລິຈາກເລືອດຄັ້ງນີ້ເພື່ອສືບຕໍ່ການຊ່ວຍເຫຼືອບັນເທົ່າທຸກປະ ຊາຊົນຜູ້ກຳລັງເຈັບປ່ວຍທີ່ຕ້ອງການເລືອດໃນທົ່ວປະເທດຈຶ່ງໄດ້ປຸກລະດົມເຊີນຊວນພະນັກງານຮ່ວມບໍລິຈາກເລືອດຢ່າງເປັນຂະບວນແນວໃດກໍ່ຕາມເມື່ອອີງໃສ່ຄວາມຕ້ອງການແລ້ວຍັງເຫັນວ່າມີຄວາມຈຳເປັນຕ້ອງໄດ້ເພີ່ມທະວີການເອົາໃຈໃສ່ການປຸກລະດົມເຊີນຊວນການບໍລິຈາກເລືອດຫຼາຍຂຶ້ນ.

  ສຳລັບໂຮງແຮມ ລາວເທວ ໂຣເທວ ແອນຣີສອດ ໜຶ່ງໂຮງແຮມກິດຈະການຂອງຄົນລາວທີ່ມີອຸດົມການຮັກສາເອກະລັກແບບລາວໆ ຊຶ່ງກຽມປັບປຸງລະບົບທຸກຢ່າງເພື່ອໃຫ້ລູກຄ້າເປັນຄົນລາວເຂົ້າເຖິງໃຊ້ບໍລິການປະຈຸບັນຫຼັງມີວິກິດໂຄວິດທາງໂຮມແຮມກໍ່ບໍ່ນິ່ງນອນໃຈໂດຍຈັດທຸກວິທີຂ້າເຊື້ອ ແລະ ອຸປະກອນທຸກຢ່າງເພື່ອໃຫ້ຄວາມປອດໄພຂອງແຂກມາພັກ ແລະພະນັກງານມີຄວາມປອດໄພ 100% ໂດຍໂຮງແຮມດັ່ງກ່າວນີ້ໄດ້ຮັບການສ້າງຂຶ້ນໃນປີ 1957.

แชร์