ແອັບເປິລວາງແຜນຫຼຸດພະນັກງານຫຼັງຍອດຂາຍຫຼຸດລົງ

  ສຳນັກຂ່າວ Bloomberg ລາຍງານເຖິງຜົນກະທົບຈາກຍອດ ຂາຍທີ່ຕໍ່າລົງຫຼາຍກວ່າທີ່ຄາດການໄວ້ຂອງ Apple ເຮັດໃຫ້ CEO ຄື Timm Cook ປະກາດຫຼຸດອັດ ຕາຈ້າງພະນັກງານບາງພະແນກລົງໃນການປະຊຸມເມື່ອຕົ້ນເດືອນທີ່ຜ່ານມາ.

  ການຫຼຸດອັດຕາການຈ້າງງານນີ້ກຳລັງບອກກັບເຮົາວ່າພາຍໃນ 6 ເດືອນທີ່ຜ່ານມາບໍລິສັດທີ່ເຄີຍມີ ມູນຄ່າກວ່າພັນຕື້ໂດລາສະຫະລັດ ກຳລັງເຂົ້າສູ່ພາວະບໍ່ໝັ້ນຄົງທາງ ການເງິນເນື່ອງຈາກຍອດຂາຍ  ຂອງ iPhone ຫຼຸດລົງຢ່າງຈະແຈ້ງ ໃນກອງປະຊຸມຄັ້ງນີ້ Tim Cook ບໍ່ໄດ້ບອກລາຍລະອຽດວ່າພະແນກ ໃດທີ່ຈະມີການຫຼຸດອັດຕາຈ້າງງານ ລົງແດ່ແຕ່ສຳລັບທີມ AI ຂອງ Apple ກໍຈະຍັງຄົງເພີ່ມຈຳນວນ ພະນັກງານຢ່າງຕໍ່ເນື່ອງໃນຂະນະ ທີ່ Cook ບໍ່ໄດ້ເອີ້ນທີມການຕະຫຼາດເຂົ້າປະຊຸມດ້ວຍທັງໆທີ່ໄລ ຍະເດືອນທັນວາທີ່ຜ່ານມາ Apple ມຸ່ງເຮັດການຕະຫຼາດໄປທີ່  iPhone  ຫຼາຍກວ່າສິນຄ້າແນວອື່ນໆ.

  ເມື່ອສອງອາທິດທີ່ຜ່ານມາCook  ໄດ້ສົ່ງຈົດໝາຍເຕືອນນັກລົງທຶນເຖິງຜົນປະກອບການໃນໄຕມາດທຳອິດທີ່ບໍ່ເປັນໜ້າພໍໃຈພໍເທົ່າໃດຈາກຜົນປະກອບການຂອງອັດ ຕາການຊື້ທີ່ຫຼຸດລົງ ແລະ ໂປຣໂມຊັນປ່ຽນແບັດເຕີຣີໃນປີ  2017  ສ່ວນທິດທາງຂອງ Apple ຈະເປັນ ແນວໃດຕໍ່ໄປນັ້ນຄົງຕ້ອງຕິດຕາມ ກັນຕໍ່ໄປ.

แชร์