ແອັບເປິ້ນຜະລິດໄອໂຟນ 11 ໃນອິນເດຍເພື່ອບຸກຕະຫຼາດອັນດັບສອງຂອງໂລກ

   Foxconn ບໍລິສັດຜູ້ຜະລິດ iPhone ໃຫ້ກັບ Apple ໄດ້ເລີ່ມດຳເນີນການຜະລິດ iPhone 11 ທາງຕອນໃຕ້ຂອງເມືອງເຈນໄນລັດຕະມິນນາດູປະເທດອິນ ເດຍນັບເປັນຄັ້ງທຳອິດທີ່ Apple ຜະລິດໂທລະສັບລະດັບດີໃນອິນເດຍ.

   Apple ໄດ້ເລີ່ມການຜະລິດ iPhone ໃນປະເທດອິນເດຍຕັ້ງແຕ່ປີ 2017 ໃນລຸ້ນລາຄາຖືກຄື iPhone SE ໂດຍບໍລິສັດ Wistron ເພື່ອຮອງຮັບຄວາມຕ້ອງ ການຂອງຜູ້ໃຊ້ງານໃນອິນເດຍ ແລະຫຼຸດພາສີນຳເຂົ້າ 20% ຕໍ່ມາໃນປີ 2019 ອິນເດຍໄດ້ກາຍເປັນຕະຫຼາດສະມາດໂຟນທີ່ໃຫຍ່ທີ່ສຸດເປັນອັນດັບສອງຂອງໂລກໂດຍແຊງໜ້າອາເມລິກາແຕ່ຍັງຕາມຫຼັງຈີນທີ່ເປັນອັນດັບໜຶ່ງ ແລະໃນປີ 2019 Apple ກໍໄດ້ເລີ່ມຜະລິດ iPhone XR ໃນອິນເດຍເພື່ອຂະຫຍາຍສ່ວນແບ່ງການຕະ ຫຼາດໃນໄຕມາດ 3 ແລະ 4 ຂອງປີ 2019 Apple ໄດ້ຂຶ້ນແທ່ນມີຍອດຂາຍອັນດັບສູງສຸດໃນກຸ່ມສະມາດໂຟນລະດັບພຣີ ມຽມຂອງອິນເດຍແຕ່ເມື່ອທຽບກັບຕະຫຼາດພາບລວມຂອງສະມາດໂຟນ Apple ຄອງສ່ວນແບ່ງພຽງແຕ່ 1% ເທົ່ານັ້ນດັ່ງນັ້ນຖ້າຈະເພີ່ມສ່ວນແບ່ງໃຫ້ຫຼາຍຂຶ້ນກໍຕ້ອງໃຊ້ສູດເດີມຄືເປີດການຜະລິດ iPhone ລຸ້ນພຣີມຽມໃນອິນເດຍເພື່ອຫຼຸດພາສີນຳເຂົ້າ 20% ຈະຊ່ວຍໃຫ້ລາຄາໃກ້ກັບກຳລັງຊື້ຂອງຄົນອິນເດຍຈຳນວນຫຼາຍຂຶ້ນ ແລະຫຼຸດຄວາມສ່ຽງໂດຍຫຼຸດການເພິ່ງພາການຜະລິດໃນຈີນຊຶ່ງເປັນຜູ້ຜະລິດ iPhone ສ່ວນໃຫຍ່ໃນປະຈຸບັນໃຫ້ນ້ອຍລົງ.

    ເນື່ອງຈາກອິນເດຍເກັບພາສີນຳເຂົ້າຜະລິດຕະພັນອິເລັກທຣໍນິກ 20% ຈຶ່ງເຮັດໃຫ້ບໍລິສັດສະມາດໂຟນເຊັ່ນ: Xiaomi, Vivo, Sam sung, Oppo, OnePlus ແລະ iPhone ຕ້ອງໄດ້ຈ້າງຜູ້ຜະລິດທີ່ຕັ້ງໂຮງງານຢູ່ໃນອິນເດຍຊ່ວຍປະກອບຜະລິດຕະພັນ ແລະຕົ້ນເດືອນມິຖຸນາ 2020 ອິນເດຍກໍໄດ້ປະກາດແຜນຈູງໃຈທາງການເງິນ ແລະສະຖານທີ່ດ້ວຍມູນຄ່າ 6,6 ຕື້ໂດລາສະຫະລັດ ເພື່ອດຶງດູດການລົງທຶນຈາກຜູ້ຜະລິດສະມາດໂຟນລະດັບໂລກ ແລະສິ້ນສ່ວນທີ່ກ່ຽວຂ້ອງສະ ຫຼຸບງ່າຍໆວ່າການເຕີບໂຕຂອງຕະຫຼາດສະມາດໂຟນໃນອິນເດຍກຳລັງຈະຂະຫຍາຍເພີ່ມຂຶ້ນ.

 

แชร์