ທ່ຽວຊົມແຫຼ່ງທ່ອງທ່ຽວຕາດບາງ

  ລາວເຮົາ ເປັນປະເທດທີ່ມີແຫຼ່ງທ່ອງທ່ຽວຫຼາກຫຼາຍ ແລະກໍເປັນຄວາມຝັນສຳລັບນັກທ່ອງທ່ຽວພາຍໃນ ແລະຕ່າງປະເທດທີ່ຈະຫວັງສຳຜັດກັບຄວາມອຸດົມສົມບູນຂອງທຳມະຊາດ ແລະວັດທະນະທຳທີ່ໜ້າຮັກໜ້າແພງ ຊຶ່ງສິ່ງນີ້ ຄືມົນສະເໜ່ທີ່ສາມາດດຶງດູດນັກທ່ອງທ່ຽວໃຫ້ແວ່ມາທ່ຽວມາຊົມ, ອອກພັນສາປີນີ້ຖ້າບໍ່ຢາກຢູ່ເຮືອນ ຢາກທ່ຽວຢາກໄປສຳຜັດບັນຍາກາດໃໝ່ໆພວກເຮົາຂໍສະເໜີທາງເລືອກໃຫ້.

  ຕາດບາງ ຖືເປັນສະຖານທີ່ທ່ອງທ່ຽວທີ່ເໝາະສົມແກ່ການທ່ອງທ່ຽວແບບພັກຜ່ອນຢ່ອນໃຈເພາະອຸດົມ ສົມບູນໄປດ້ວຍທິວທັດທໍາມະຊາດ, ຊີວະນາໆພັນ, ມີສາຍລົມເຢັນພັດ ໂຊຍມາຕະຫຼອດເວລາ, ປະກອບກັບນໍ້າທີ່ໃສສະອາດ ແລະເຢັນດີໄຫຼລົງມາໜ້າສະອອນສໍາຜັດແລ້ວມີຄວາມສຸກຈິດໃຈເພີດເພີນໄປຈົນ ລືມອິດລືມເມື່ອຍຕາດບາງ ຕັ້ງຢູ່ບ້ານຫ້ວຍເສືອ ຊຶ່ງຫ່າງຈາກຕົວເມືອງປະມານ 47 ກິໂລແມັດ.

  ສະຖານທີ່ດັ່ງກ່າວມີອາກາດປອດໂປ່ງສົດໃສ ແລະເຢັນດີອັນເນື່ອງຈາກວ່າຢູ່ພາຍໃນຕາດມີຕົ້ນໄມ້ໃຫຍ່ດົກໜາປົກຄຸມບໍລິເວນ, ນັກທ່ອງທ່ຽວທຸກຄົນສາມາດລົງ ໄປນັ່ງຫຼິ້ນຢູ່ຕາມໂງ່ນຫີນທີ່ຕັ້ງລຽນເປັນຈຸດໆຕາມແລວນໍ້າທີ່ມີແກ້ງໄຫຼຜ່ານໃສເຢັນດີ ຫຼື ລົງໄປລອຍຫຼິ້ນໄດ້ຕາມສະບາຍ.

----

ໂດຍ: ວົງມະນີ

• 23/09/2020