ບໍລິສັດ ບໍລິການຝຶກຊ້ອມກິລາຍິງປືນ ຈຳກັດ (ສະໜາມຝຶກຊ້ອມກິລາຍິງປືນ 5 ເມສາ)

  ວັນທີ 18 ກັນຍາ 2020, ທີ່ກອງບັນຊາການປ້ອງກັນຄວາມສະຫງົບນະຄອນຫຼວງວຽງຈັນ ບໍລິສັດບໍລິການຝຶກຊ້ອມຍິງປືນ 5 ເມສາຈໍາກັດມອບລົດຈັກຍີ່ຫໍ້ຮອນດາ CB 150 ຈໍານວນ10 ຄັນ,ລວມມູນຄ່າ 317,79 ລ້ານກີບ ໃຫ້ກອງບັນຊາການ ປກສ ນະຄອນຫຼວງວຽງຈັນ ເພື່ອເປັນພາຫະນະຮັບໃຊ້ເຂົ້າໃນວຽກງານແກ້ໄຂບັນຫາປາກົດການຫຍໍ້ທໍ້ຢູ່ໃນນະຄອນຫຼວງວຽງຈັນ ໃຫ້ຫຼຸດໜ້ອຍຖອຍລົງເທື່ອລະກ້າວໃຫ້ກຽດຕາງ ໜ້າຮັບໂດຍ ພັອ ສຸກພະຈັນ ບຸດດາຄໍາຫົວໜ້າກອງບັນຊາການ ປກສ ນວ ໂດຍມີຄະນະມອບທ່ານ ປີຊາໄຊ ແກ້ວໄຊຍະຈັກ ປະທານບໍລິສັດບໍລິການຝຶກຊ້ອມຍິງປືນ 5 ເມສາຈໍາກັດ ແລະທັງເປັນປະທານບໍລິສັດທີ່ປຶກສາດ້ານການລົງ ທຶນ ແລະກໍ່ສ້າງເຂື່ອນໄຟຟ້າຈໍາກັດຜູ້ດຽວ.

  ຊຶ່ງລົດທີ່ບໍລິສັດນຳມາມອບເປັນລົດຈັກຍີ່ຫໍ້ຮອນດາ CB 150 ຈໍານວນ 10 ຄັນ, ລວມມູນຄ່າ 317,79 ລ້ານກີບ ໃຫ້ກອງບັນຊາການ ປກສ ນວ ເພື່ອເປັນພາຫະ ນະຮັບໃຊ້ເຂົ້າໃນວຽກງານແກ້ໄຂບັນຫາປາກົດການຫຍໍ້ທໍ້ຢູ່ໃນນະຄອນຫຼວງວຽງຈັນໃຫ້ຫຼຸດໜ້ອຍຖອຍລົງເທື່ອລະກ້າວ.

   ໂອກາດດັ່ງກ່າວທ່ານ ພັອ ສຸກພະຈັນ ບຸດດາຄໍາ ໄດ້ກ່າວສະແດງຄວາມຂອບໃຈຢ່າງສູງທີ່ບໍລິສັດດັ່ງກ່າວເຫັນໄດ້ຄວາມສໍາຄັນຂອງວຽກງານກໍາລັງປ້ອງກັນຄວາມສະ ຫງົບ ນະຄອນຫຼວງວຽງຈັນ ແລະຂໍສັນຍາວ່າຈະນໍາເອົາລົດຈັກດັ່ງກ່າວໝູນໃຊ້ເຂົ້າໃນວຽກງານວິຊາສະເພາະໃຫ້ເກີດຜົນປະໂຫຍດສູງສຸດ; ພ້ອມນີ້ທາງເຈົ້າໜ້າທີ່ມອບໃບຍ້ອງຍໍໃຫ້ທ່ານ ປີຊາໄຊ ແກ້ວໄຊຍະຈັກ ເພື່ອເປັນການຢັ້ງຢືນເຖິງຄຸນງາມຄວາມດີທີ່ທ່ານໄດ້ປະກອບສ່ວນຊຸກຍູ້ພາຫະນະຮັບໃຊ້ໃນຄັ້ງນີ້.

 

แชร์