ຮູ້ໄວ້ມີປະໂຫຍດວິທີປູກໝາກເຜັດ

  ປະຈຸບັນນີ້ເຮົາເນັ້ນການປູກຜັກດ້ວຍຕົນເອງ, ກິນເອງເສດຖະກິດແບບນີ້ການປູກຜັກໄວ້ກິນເອງຈະຊ່ວຍປະຢັດຄ່າໃຊ້ຈ່າຍຫຼາຍພ້ອມທັງຮັບປະກັນວ່າມັນປອດໄພຈາກສານເຄມີແນ່ນອນສວນຜັກໄລຍະສັ້ນເປັນຕົ້ນແມ່ນຖົ່ວງອກ, ຜັກສະຫຼັດ, ຫອມປ້ອມ, ບົວລະພາ, ຜັກຊີ, ຜັກກາດ, ໝາກເຜັດ ແລະອື່ນໆ.

   ກ່ອນອື່ນໝົດຕ້ອງນໍາເອົາໝາກເຜັດໄປໃສ່ນໍ້າອຸ່ນປະໄວ້ 1 ມື້ ແລ້ວເອົາໄປຕາກແດດໃຫ້ແຫ້ງຈາກນັ້ນກໍ່ແກະເອົາແກ່ນມາປູກໂດຍການໃຊ້ດິນປົນກັບຊາຍກັບຝຸ່ນບົ່ມຂຸດຂຸມໃຫ້ເລີກປະມານ 1/2 ນີ້ວ ຈາກນັ້ນຖິ້ມແກ່ນລົງ 3-4 ແກ່ນຕໍ່ຮູຖົມດິນ ແລະຫົດນໍ້າຖ້າຕົ້ນກ້າປະມານ 6 ນິ້ວໃຫ້ນຳເອົາໄປປູກໃສ່ໂຖຢາງໃຊ້ເວລາ 2-3 ເດືອນເພື່ອໄດ້ໝາກເຜັດກິນ, ພຽງເທົ່ານີ້ເຮົາກໍ່ມີໝາກເຜັດກິນຢູ່ເຮືອນໄດ້ງ່າຍ ແລະໃຊ້ເວລາຫວ່າງໃຫ້ເປັນປະໂຫຍດພ້ອມທັງຮັບປະກັນວ່າຜັກປອດໄພຢ່າງແນ່ນອນ.

--------

ຮຽບຮຽງໂດຍ: ຟ້າ

แชร์