ວັດປ່າດານມ້າ ຕ້ອນຮັບກອງຜ້າປ່າຈາກນະຄອນຫຼວງວຽງຈັນ

  ໃນວັນທີ 20 ກັນຍາ 2020, ວັດປ່າດານມ້າຈະເລີນໄຊບ້ານສະກ້າ ເມືອງໂພນໂຮງ ແຂວງວຽງຈັນ ຕ້ອນຮັບກອງຜ້າປ່າສາມັກຄີຈາກວັດໄຊສົມບູນ ເມືອງໄຊທານີ ນະຄອນຫຼວງວຽງຈັນ ຊຶ່ງນຳໂດຍ ພະອາຈານ ເພັດ ພຸດທະປັນຍາ ເຈົ້າອະທິການວັດໄຊສົມບູນພ້ອມດ້ວຍຄະນະສົງ ແລະອອກຕົນຍາດໂຍມຊາວພຸດໄດ້ນຳກອງຜ້າປ່າສາມັກຄີມາຖະຖວາຍໃຫ້ແກ່ວັດປ່າດານມ້າຈະເລີນໄຊໃຫ້ກຽດຕ້ອນຮັບຄະນະດັ່ງກ່າວ ໂດຍອົງການປົກຄອງບ້ານສະກ້າ, ມີພະຫຼວງປູ່ທອງສຸກເຈົ້າອະທິການວັດປ່າດານມ້າຈະເລີນໄຊ, ອົງການຈັດຕັ້ງຂອງບ້ານທຸກພາກສ່ວນ, ລວມທັງພໍ່ແມ່ປະຊາຊົນ ແລະນ້ອງໆນັກຮຽນ.

  ພະອາຈານ ເພັດ ພຸດທະປັນຍາ ເຈົ້າອະທິການ ວັດໄຊສົມບູນ ຕາງໜ້າໃຫ້ຄະນະພະສົງ ແລະອອກຕົນຍາດໂຍມຊາວພຸດທະສາສະນິກະຊົນທັງຫຼາຍທີ່ນຳກອງຜ້າປ່າສາມັກຄີມາຖວາຍວັດປ່າດານມ້າ ບ້ານສະກ້າ ເມືອງໂພນໂຮງ ໄດ້ກ່າວຖະຖວາຍ ແລະໃຫ້ຮູ້ຈຸດປະສົ່ງວ່າ: ໃນການເຕົ້າໂຮມຄວາມສາມັກຄີຖະຖວາຍກອງຜ້າປ່າສາມັກຄີຢູ່ວັດປ່າດານມ້າຈະເລີນໄຊນີ້ກໍ່ເພື່ອສົມທົບທຶນປະຕິສັງຂອນສ້າງສາວັດວາສາສະໜາຢູ່ວັດແຫ່ງນີ້ໃຫ້ມີຄວາມຮຸ່ງເຮື່ອງສິວິໄລດີຂຶ້ນເປັນຕົ້ນສົມທຶນສ້າງກຸດຕິ, ສາລາໂຮງທຳ, ປະຕູໂຂງ, ຮົວອ້ອມວັດ ແລະອື່ນໆ.

 ກອງຜ້າປ່າສາມັກຄີຄັ້ງນີ້ມີ 7 ຂະບວນໃຫຍ່ຮ່ວມສ້າງໂດຍສະເພາະແມ່ນບັນດາວັດໃນນະຄອນຫຼວງວຽງຈັນ ພ້ອມອອກຕົນຍາດໂຍມພາຍໃນ ແລະຕ່າງປະເທດ, ກອງຜ້າປ່າຄັ້ງສາມາດບັນລຸຍອດຜ້າປ່າສົມທົບທຶນສ້າງທັງໝົດ 50 ກວ່າລ້ານກີບ ຊຶ່ງວັດຖຸປັດໄຈດັ່ງກ່າວມອບໃຫ້ອົງການປົກຄອງບ້ານ ແລະວັດປ່າດານມ້າຈະເລີນໄຊເປັນຜູ້ຄຸ້ມຄອງນຳໃຊ້ເຂົ້າໃນການສ້າງສາພັດທະນາວັດປ່າດານມ້າຈະເລີນໄຊໃຫ້ມີຄວາມສີວິໄລຂຶ້ນເລື້ອຍໆ.

 

แชร์