ວັນທີ 18 ກັນຍາຜ່ານມາທີ່ຮ້ານອາຫານປະຕູໄຊ ກາເຟ ນະຄອນຫຼວງວຽງຈັນ ຫ້ອງການຝຶກອົບຮົມພີທີເອັກສ ແລະກຸ່ມຜູ້ປະກອບການບີເອັນໄອໂປເຟສເຊີນໍຊັບເຕີ ຕາງໜ້າພີທີເອັກສ ທ່ານ ດາວເດືອນ ເຮືອງສະຫວັດ ຜູ້ອຳນວຍການ, ຕາງໜ້າບີເອັນໄອໂປເຟສ ເຊີນໍຊັບເຕີ ທ່ານ ອານຸສິດ ຫຼວງຫຼາດ ປະທານບີເອັນໄອລາວເຂົ້າ ຮ່ວມມີ ທ່ານ ປະກາສິດ ຈັນທະປັນຍາ ປະທານສະມາຄົມໂຮງແຮມ ແລະ ຮ້ານອາຫານລາວ, ທ່ານ ພູໄຊ ເທບພະວົງ ເລຂາທິການສະພາການຄ້າ ແລະ ອຸດສາຫະກຳ ແຫ່ງຊາດລາວພະນັກງານພາກສ່ວນກ່ຽວຂ້ອງເຂົ້າຮ່ວມ.

  ທ່ານ ດາວເດືອນ ເຮືອງສະຫວັດ ຜູ້ອຳນວຍການກ່າວວ່າ: ການຮ່ວມມືດ້ານການພັດທະນາສູນຝຶກອົບຮົມສ້າງຜູ້ປະກອບການ, ຮ່ວມມືດ້ານການສ້າງທຸລະກິດ, ໂດຍສະເພາະດ້ານການສົ່ງເສີມການທ່ອງທ່ຽວ, ການໂຮງແຮມ ແລະຮ້ານອາຫານຮ່ວມມືດ້ານທຸລະກິດອື່ນໆ ທີ່ກ່ຽວພັນໃນວຽກງານຂະແໜງທຸລະກິດເສດຖະກິດສັງຄົມ.

  ຫ້ອງການຝຶກອົບຮົມ PTX-Pro fessional Training ໄດ້ສ້າງຕັ້ງຂຶ້ນໃນປີ 2016 ດຳເນີນກິດຈະການໃຫ້ການບໍລິການດ້ານການຝຶກອົບຮົມແກ່ບັນດາຜູ້ປະ ກອບການຮ້ານອາຫານ ແລະໂຮງແຮມ, ສ້າງເປັນສູນຝຶກພະນັກງານ, ຝຶກນັກຮຽນ-ນັກສຶກສາຜູ້ທີ່ສົນໃຈເປັນພະນັກງານດ້ານການບໍລິການ ຫຼື ບຸກຄົນຜູ້ທີ່ສົນໃຈເປັນຜູ້ປະກອບກິດຈະການທີ່ກ່ຽວພັນດ້ານການໂຮງແຮມ, ຮ້ານອາຫານ ແລະຂະແໜງການທ່ອງທ່ຽວ.

  ຕະຫຼອດໄລຍະ 4 ປີທີ່ຜ່ານມາຫ້ອງການຝຶກອົບຮົມ PTX ຂອງພວກເຮົາຍາມໃດກໍໄດ້ຮັບການຊ່ວຍເຫຼືອ, ເບິ່ງແຍງ, ສະໜັບສະໜູນຈາກສະມາຄົມໂຮງແຮມ ແລະຮ້ານອາຫານຕະຫຼອດມາໂດຍສະເພາະຄະນະປະທານສະມາຄົມຍາມໃດກໍ່ມີຄວາມເປັນຫ່ວງເປັນໄຍໃຫ້ທິດຊີ້ນຳ,ໃຫ້ທິດເຍືອງທາງ,ແກ່ພວກເຮົາມາໂດຍຕະຫຼອດ, ເຖິງວ່າມີບັນຫາ,ອຸປະສັກນານາປະການເທົ່າໃດກໍ່ຕາມກໍ່ຍັງສາມາດອົດທົນຜ່ານຜ່າມາໄດ້ຈົນເຖິງເທົ່າທຸກວັນນີ້: ຕ້ອງຂໍຂອບໃຈເປັນຢ່າງສູງກັບທ່ານປະທານສະມາຄົມ ທ່ານ ປະກາສິດ ຈັນທະປັນຍາ.

  ມາເຖິງປະຈຸບັນນີ້ເພື່ອເປັນການຊ່ວຍກັນພັດທະນາໃນຍຸກວິກິດແຕ່ພວກເຮົາຕ້ອງການໄປຕໍ່ແບບຢືນຍົງພວກເຮົາມີຄວາມເຊື່ອໝັ້ນສູງຢ່າງເປັນອັນໜຶ່ງອັນດຽວກັນວ່າ: ການສຶກສາສ້າງຄົນ, ຄົນສ້າງຊາດສ້າງສັງຄົມຫ້ອງການຝຶກອົບຮົມ PTX ຂອງພວກເຮົາຈຶ່ງໄດ້ເລັ່ງເຫັນນັກພັດທະນາທີ່ເປັນມືອາຊີບ, ນັກທຸລະກິດພະລັງໜຸ່ມໄຟແຮງ, ເປັນກຸ່ມຜູ້ປະກອບການທີ່ມີວິໄສທັດສູງ, ເປັນນັກພັດທະນາສັງຄົມໃນແນວທາງດຽວກັນເປັນພາວເວີທີມທີ່ມີມົນສະເໜ່, ມີຄວາມຫຼາກຫຼາຍຂະແໜງການທຸລະກິດທີ່ບໍ່ຊໍ້າກັນ, ມາລວມຕົວກັນ, ມີວິໃສທັດອັນດຽວກັນ, ພວກເຮົາຈິ່ງໄດ້ເຫັນດີຕົກລົງເປັນເອກະພາບກັນຢ່າງຄົບຄະນະຂອງທັງສອງຝ່າຍໃນມື້ນີ້.

----------------

ຂ່າວ: ບຸນນິກ, ຮູບພາບ: #ຫນັງສືພິມເສດຖະກິດສັງຄົມ

แชร์