ຄຸນປະໂຫຍດຂອງໝາກມ່ວງປ່າ ສາມາດປ້ອງກັນພະຍາດໄດ້

  ໝາກມ່ວງປ່າພົບໄດ້ທົ່ວໄປຕາມພາກເໜືອຂອງລາວເຊັ່ນ ແຂວງຊຽງຂວາງ, ຫົວພັນ, ຫຼວງ ພະບາງ, ມັກພົບຕາມປ່າປະສົມ, ປ່າດົງດິບແລ້ງ, ເປັນພັນໄມ້ພົບໄດ້ ທົ່ວໄປ, ມັນເປັນຕົ້ນໄມ້ສູງຂະໜາດໃຫຍ່ພໍສົມຄວນໄມ້ຂອງມັນມີຄົນ ມັກຕັດມາເຮັດເຄື່ອງໃຊ້ຊອຍ ແລະເຟີນີເຈີຕ່າງໆເຮັດໃຫ້ຈຳນວນຕົ້ນໃນທຳມະຊາດຫຼຸດລົງ, ແຕ່ການເກັບມາຂາຍຢູ່ຕະຫຼາດສ່ວນຫຼາຍບໍ່ມັກເຫັນແຕ່ໃນທ້ອງຖີ່ນມີຄວາມນີຍົມກັນກີນເພາະວ່າມັນຈະມີລົດສົ້ມຫວານ ແລະມີກິ່ນ ຫອມເລັກນ້ອຍນໍາເອົາເຮັດເປັນໝາກມ່ວງກວນ ຫຼື ໝາກມ່ວງແຜ່ນໄດ້.

  ໝາກມ່ວງຖືໄດ້ວ່າເປັນລາຊາແຫ່ງໝາກໄມ້ຂອງຄົນທຸກເພດທຸກໄວມັກນິຍົມຮັບປະທານແບບສົດຫຼາຍກວ່າໝາກໄມ້ອື່ນໆຍ້ອນໝາກມ່ວງມີລົດຫວານ ແລະກິ່ນຫອມຍັງສາມາດຟື້ນຟູຈິດໃຈ ແລະເຮັດໃຫ້ເຮົາມີຄວາມສຸກໄດ້ອີກດ້ວຍ ແລະໝາກມ່ວງເປັນໝາກໄມ້ທີ່ອຸດົມໄປດ້ວຍວິຕາມິນ A, ວິຕາມິນ C, ຟົສ໌ຟໍຣັດ ແລະໃຍອາຫານສາມາດເປັນທາດປ້ອງກັນພະຍາດໄດ້ ແລະປ້ອງກັນມະເຮັງໄດ້ເຮັດໃຫ້ຮ່າງກາຍແຂງແຮງບໍ່ໃຫ້ເຖົ້າກວ່າໄວ້ອັນຄວນ, ນອກນັ້ນຍອດອ່ອນຂອງມັນຍັງເຮັດເປັນຜັກກັບລາບ ຫຼື ເຮັດຊຸບແບບຊຸບຜັກໄດ້.

----

ຮຽບຮຽງໂດຍ: ຟ້າ

• 21/09/2020