ບໍ່ນໍ້າອຸ່ນວັງບານ ຄວາມງົດງາມທາງທຳມະຊາດ

  ແຂວງບໍລິຄໍາໄຊ ເປັນແຂວງໜຶ່ງທີ່ເອີ້ນໄດ້ວ່າມີມົນສະເໜ່ທາງທຳມະຊາດທ່າມກາງພູຜາປ່າດົງທີ່ສວຍສົດງົດງາມພ້ອມທັງຍັງອະນຸລັກທໍາມະຊາດຄົງໄວ້ເປັນອີກໜຶ່ງແຂວງທີ່ໜ້າທ່ອງທ່ຽວທີ່ສຸດນັກທ່ອງທ່ຽວຈຶ່ງບໍ່ຄວນພາດຢ່າງເດັດຂາດເລີຍໄປສຳຜັດທໍາມະຊາດທີ່ຫາເບິ່ງໄດ້ຍາກພ້ອມໆກັນ.

  ບໍ່ນໍ້າອຸ່ນວັງບານສະຖານທີ່ແຫ່ງນີ້ແມ່ນອຸດົມສົມບູນໄປດ້ວຍທຳມະຊາດມີຄວາມສວຍງາມເປັນເອກະລັກສະເພາະທີ່ທຳມະຊາດສ້າງຂຶ້ນທີ່ຍັງຄົງຮັກສາຄວາມອຸດົມສົມບູນຂອງທຳມະຊາດໄວ້ເປັນຢ່າງດີເພາະວ່າເປັນບໍ່ນໍ້າອຸ່ນທີ່ຕັ້ງຢູ່ແຄມເສັ້ນທາງຫຼວງແຫ່ງຊາດ ປະມານ 150 ແມັດ, ຢູ່ບໍລິເວນທີ່ບໍ່ນໍ້າອຸ່ນເກີດຂຶ້ນນັ້ນເປັນຫີນຊາຍ ແລະຕິດກັບສາຍນໍ້າຈາດ, ຄວາມຍາວຂອງບໍ່ນໍ້າອຸ່ນມີປະມານ 4 ແມັດ, ຄວາມກວ້າງປະມານ 3 ແມັດ, ໄລຍະເສັ້ນທາງແຕ່ເທສະບານເມືອງໄປຫາບໍ່ນໍ້າ ອຸ່ນບ້ານວັງບານ ແມ່ນ 31 ກິໂລ ແມັດ.

  ຕາມການບອກເລົ່າຂອງປະຫວັດຄວາມເປັນມາຂອງບໍ່ນໍ້າອຸ່ນແຫ່ງນີ້ແມ່ນຫຼາຍສັດຕະວັດກ່ອນໜ້ານີ້, ມີພະຍາເຜົ່າຕູມ ຊຶ່ງມີລູກສາວງາມກ່ອນໝູ່ໃຜກໍ່ຢາກໄດ້ມາເປັນເມຍແຕ່ກໍ່ເອົາໄປບໍ່ໄດ້ເພາະ ວ່າມີເສນາອາມາດຍາມບໍ່ໃຫ້ຜູ້ໃດເຂົ້າໃກ້ໃນນັ້ນຢູ່ເມືອງບາດານແຫ່ງໜຶ່ງ ຊຶ່ງມີລູກຊາຍພະຍານາກຢາກໄດ້ລູກ ສາວພະຍາເຜົ່າຕູມເອົາໄປເຮັດເມຍ, ສະນັ້ນ ຈຶ່ງຫາວິທີມຸດແຕ່ເມືອງບາດານເພື່ອມາລັກເອົາລູກສາວພະຍາເຜົ່າຕູມ, ສະນັ້ນມັນຈຶ່ງເກີດເປັນບໍ່ນໍ້າອຸ່ນຂຶ້ນມາ.

----

ໂດຍ: ວົງມະນີ

แชร์