ອາເມລິກາ ມອບປຶ້ມອ່ານໃຫ້ໂຮງຮຽນ 4 ແຂວງເປົ້າໝາຍ

  ວັນທີ 15 ກັນຍາ 2020 ສະຖານທູດສະຫະລັດອາເມລິກາໄດ້ມອບປຶ້ມສົ່ງເສີມການອ່ານໃຫ້ໂຮງຮຽນປະຖົມສົມບູນສະກ້າເມືອງໂພໂຮງແຂວງວຽງຈັນ ເພື່ອເປັນການສືບຕໍ່ຊຸກຍູ້ຊ່ວຍເຫຼືອທາງດ້ານການສຶກສາຢ່າງຕໍ່ເນື່ອງລະຫວ່າງ ສປປ ລາວ ແລະສະຫະລັດອາເມລິກາ ຊຶ່ງຕາງໜ້ານຳພາໂດຍທ່ານ ດຣ. ປີເຕີ ເອັມ ເຮມ໋ອນ ເອກອັກຄະລັດຖະທູດສະຫະລັດອາເມລິກາປະຈໍາລາວ ແລະທ່ານນາງ ດຣ. ດາລາວອນ ກິດຕິພັນຫົວໜ້າຫ້ອງການກະຊວງສຶກສາທິການ ແລະກີລາບັນດາຜູ້ຕາງໜ້າຈາກກະຊວງສຶກສາທິການ, ຄູ-ອາຈານ ແລະນັກຮຽນເຂົ້າຮ່ວມ.

  ທ່ານ ດຣ. ປີເຕີເອັມເຮມ໋ອນ ກ່າວວ່າ: ພິທີມອບຮັບໃນຄັ້ງນີ້ປະ ກອບມີປຶ້ມນິທານສໍາລັບຊັ້ນຫ້ອງກຽມປະຖົມຈໍານວນ 29 ພັນເຫຼັ້ມ ຈະໄດ້ຖືກແຈກຢາຍໄປທີ່ຫ້ອງກຽມປະຖົມຈໍານວນ 227 ຫ້ອງ ໃນສົກຮຽນ 2020-2021 ນີ້ຈະມີ ອຸປະກອນປຶ້ມນິທານທັງໝົດ 81 ພັນເຫຼັ້ມ ຊຶ່ງຈະໄດ້ຖືກຈັດສົ່ງ ໄປໂຮງຮຽນປະຖົມທັງໝົດ 584 ໃນ 4 ແຂວງເປົ້າໝາຍດ້ວຍທຶນຊ່ວຍເຫຼືອລ້າຈາກອົງການພັດທະນາສາກົນປະເທດສະຫະລັດອາເມລິກາ ຫຼື USAID ນອກນັ້ນການສົ່ງມອບໃນມື້ນີ້ເປັນການຢືນຢັນເຖິງຄວາມມຸ່ງໝັ້ນ ແລະເປົ້າໝາຍຮ່ວມກັນພາຍໃຕ້ສາຍພົວພັນການຮ່ວມມືຮອບດ້ານລະຫວ່າງສະຫະລັດອາເມລິກາ ແລະສປປ ລາວໂດຍມີຈຸດປະສົງເພື່ອເປັນການຊຸກຍູ້ປັບປຸງຜົນໄດ້ຮັບຂອງການອ່ານ ແລະການສຶກສາຂັ້ນພື້ນຖານສໍາລັບເດັກນ້ອຍທຸກໆຄົນໃນລາວພ້ອມທັງເປັນການສົ່ງເສີມການສຶກສາແບບມີສ່ວນຮ່ວມພວກເຮົາມີຄວາມພູມໃຈທີ່ໄດ້ສືບຕໍ່ສະໜັບສະໜູນຊັບພະຍາກອນທີ່ຍິ່ງໃຫຍ່ທີ່ສຸດຂອງປະເທດລາວກໍ່ຄືເດັກນ້ອຍລາວມາຮອດປະຈຸບັນອາເມລິກາໄດ້ມີການລົງທຶນຫຼາຍກ່ວາ 120 ລ້ານໂດລາໃນການປັບປຸງການສຶກສາຂັ້ນພື້ນຖານໃນ ສປປ ລາວ ພ້ອມນັ້ນຍັງມີໂຄງການຮຽນອ່ານທີ່ໄດ້ຮັບທຶນສະໜັບສະໜູນຈາກ USAID ແລະຖືກຈັດຕັ້ງປະຕິບັດ ໂດຍອົງການຊ່ວຍເຫຼືອເດັກສາກົນປະຈໍາລາວຜ່ານການຮ່ວມມືຢ່າງໃກ້ຊິດກັບກະຊວງສຶກສາທິການ ແລະກີລາໃນການປັບປຸງທັກສະການອ່ານຂອງນັກຮຽນຈໍານວນ 65,313 ຄົນຢູ່ຕາມໂຮງຮຽນ 850 ແຫ່ງ ໃນແຂວງອັດຕະປື, ຈຳປາສັກ, ວຽງຈັນ, ແລະຊຽງຂວາງ.

  ນອກຈາກການສະໜອງອຸປະກອນການຮຽນ, ລັດຖະບານອາເມ ລິກາຍັງສືບຕໍ່ໂຄງການສົ່ງເສີມການຮຽນຮູ້ໜັງສື ແລະອາຫານທ່ຽງໃນໂຮງຮຽນທີ່ໄດ້ຮັບທຶນສະໜັບສະ

-----

ໂດຍ: ແພງຕາ

แชร์