ປະໂຫຍດ ແລະສັບພະຄຸນຂອງດອກສາມປີ

  ດອກສາມປີເປັນພືດລົ້ມລຸກຂະໜາດນ້ອຍ ດອກສາມປີສາມາດນໍາມາໃຊ້ເຮັດເປັນດອກໄມ້ປະດິດ, ຮ້ອຍພວງມະໄລ ຫຼື ນໍາມາໃຊ້ໃນງານພິທີຕ່າງໆ ແລະດອກໄມ້ຊະນິດນີ້ນິຍົມປູກເປັນໄມ້ປະດັບທົ່ວໄປ.

ດອກ ແລະຕົ້ນມີລົດຫວານເປັນຢາສຸຂຸມອອກລິດຕໍ່ປອດ ແລະຕັບ, ໃຊ້ເປັນຢາແກ້ຕັບຮ້ອນ ຫຼື ທາດ ໄຟເຂົ້າຕັບ, ຊ່ວຍແກ້ເຈັບຕາ, ຕາມົວເນື່ອງມາຈາກທາດໄຟເຂົ້າຕັບ, ທັງຕົ້ນມີລົດຂື່ນເລັກນ້ອຍຕົ້ມເອົາ ນໍ້າແກ້ໜອງໃນ, ຂັບປັດສະວະ, ແກ້ບິດ ແລະແກ້ລົງຂາວ ແລະຮາກມີສັບພະຄຸນເປັນຢາແກ້ພິດຕ່າງໆ.

 ວິທີໃຊ້ເຮັດຢາ: ແກ້ຫອບຫືດ ໂດຍໃຊ້ດອກສົດ 15-20 ດອກ ລ້າງໃຫ້ສະອາດຕົ້ມໃນນໍ້າ 1 ລິດຂ້ຽວໃຫ້ເຫຼືອເຄິ່ງໜຶ່ງແລ້ວຕອງເອົານໍ້າດື່ມຄັ້ງລະ 1 ຈອກ ຫຼື 200 ຊີຊີ ແລະຂັບປັດສະວະ, ໜີ້ວ, ແກ້ພະຍາດໜອງໃນ ໂດຍໃຊ້ຕົ້ນສົດດອກສີຂາວທັ້ງຕົ້ນ 100 ກຣາມ ລ້າງໃຫ້ສະອາດຕົ້ມໃນນໍ້າ 1 ລິດຂ້ຽວປະມານ 10-15 ນາທີ ກອງເອົານໍາດື່ມມື້ລະ 3 ເວລາກ່ອນອາຫານ.

---------

ຮຽບຮຽງໂດຍ: ຟ້າ

แชร์