ໂຮງຮຽນ 3 ບ້ານເມືອງໄຊເສດຖາ ຮັບອຸປະກອນການຮຽນ

  ໃນວັນທີ 14 ກັນຍາ 2020 ທີ່ໂຮງຮຽນປະຖົມສົມບູນໝາກເຂືອກຸ່ມແບ່ງປັນນໍ້າໃຈຊ່ວຍເຫຼືອກໍຄືຄອບຄົວການນຳຂອງແຂວງອັດຕະປືໄດ້ຈັດພິທີມອບອຸປະກອນການຮຽນໃຫ້ໝວດເຂດບ້ານໃຫຍ່ອຸດົມ ເມືອງໄຊເສດຖາ ແຂວງອັດຕະປື ໃນນັ້ນມີ 3 ບ້ານຄື: ບ້ານດອກງີ້ວ ບ້ານໝາກເຂືອ ແລະບ້ານບຸ່ງຫວາຍ ເມືອງໄຊເສດຖາ ແຂວງ ອັດຕະປື ໂດຍເປັນກຽດມອບ-ຮັບລະຫວ່າງທ່ານ ນາງ ຂັນທອງ ໄຊຍະພອນ ແລະທ່ານ ນາງ ບັນທະໄລ ໄຊຍະສິນ ຮອງເລຂາພັກເມືອງ, ມີທ່ານ ບຸນຫົງ ແກ້ວໄຊຍະວົງ ຫົວໜ້າຫ້ອງການສຶກສາທິການ-ກີລາ, ມີບັນຄະນະນຳຂັ້ນເມືອງ, ຫົວໜ້າໝວດໂຮງຮຽນແຕ່ລະໝວດພ້ອມພາກສ່ວນທີ່ກ່ຽວຂ້ອງເຂົ້າຮ່ວມ.

  ສໍາລັບການມອບອຸປະກອນການຮຽນໃນຄັ້ງນີ້ເພື່ອເປັນການຊ່ວຍເຫຼືອພ້ອມທັງຊຸກຍູ້ວຽກງານດ້ານການສຶກສາໃຫ້ເຕີບໃຫຍ່ຂະຫຍາຍຕົວຕາມແນວທາງຂອງພັກ-ລັດວາງໄວ້ ໂດຍສະເພາະລູກຫຼານພໍ່ແມ່ປະຊາຊົນຢູ່ຫ່າງໄກຕົວເມືອງໃຫ້ມີແຮງຈູງໃຈໃນການສຶກສາຮໍ່າຮຽນຫຼາຍຂຶ້ນກວ່າເກົ່າ ແລະ ເພື່ອໃຫ້ນ້ອງນັກຮຽນໄດ້ນຳໃຊ້ເຂົ້າໃນການສຶກສາຮໍ່າຮຽນພ້ອມອຳນວຍຄວາມສະດວກໃຫ້ນ້ອງໆ ນັກຮຽນໄດ້ມັກຮັກໃນການສຶກສາຮໍ່າຮຽນຫຼາຍຂຶ້ນ, ເພື່ອພັດທະນາຕົນເອງໃຫ້ມີຄວາມຮູ້ຄວາມສາມາດມີຄຸນ ສົມບັດ ແລະເປັນກຳລັງແຮງສຶບທອດທີ່ດີຂອງຊາດໃນອະນາຄົດ.

ສ່ວນເຄື່ອງທີ່ນຳມາມອບໃນຄັ້ງນີ້ມີປຶ້ມຂຽນ, ບີກຂຽນ, ສໍລະບາຍສີ ແລະໄມ້ບັນທັດລວມມູນຄ່າ ທັງໝົດ 5,25 ລ້ານກີບ.

 

แชร์