ອີງໃສ່ຂໍ້ມູນກົມອຸຕຸນິຍົມ ແລະອຸທົກກະສາດໃຫ້ຮູ້ວ່າ: ເນື່ອງຈາກວ່າພາຍຸໜູນເຂດຮ້ອນໂນອຶນຫົວທີ 11 ປະຈຳປີ 2020 ຊຶ່ງເວລາ 7:30 ໂມງຂອງວັນທີ 16 ກັນ ຍາ 2020 ມີຈຸດສູນກາງຢູ່ເສັ້ນຂະໜານທີ 13,0 ອົງສາເໜືອ ແລະ ເສັ້ນແວງທີ 117,8 ອົງສາ ຕາເວັນອອກພວມເຄື່ອນທີ່ມາທາງທິດຕາເວັນຕົກດ້ວຍຄວາມໄວ 15 ກິໂລແມັດຕໍ່ຊົ່ວໂມງຄາດຄະເນວ່າພາຍຸຫົວນີ້ຈະຂຶ້ນຝັ່ງເຂດເມືອງດານັງ ສສ ຫວຽດນາມ ໃນຕອນບ່າຍຂອງວັນທີ 18 ກັນຍາ ແລະ ຈະສືບຕໍ່ເຄື່ອນຜ່ານແຂວງສາລະວັນ, ສະຫວັນນະເຂດ, ຄຳມ່ວນ ໃນຄືນວັນທີ 18-19 ກັນຍານີ້ ຈາກນັ້ນຈະອ່ອນກຳລັງລົງເປັນພາຍຸດີເປຣຊັນ ແລະຍ່ອມຄວາມກົດດັນອາກາດຕໍ່າເຄື່ອນຜ່ານປະເທດໄທຕາມລຳດັບ, ຊຶ່ງຈະເຮັດໃຫ້ມີຝົນຕົກໜັກ ແລະລົມພັດແຮງຢູ່ບັນດາແຂວງພາກເໜືອລົງຫາພາກໃຕ້ໃນວັນທີ 18-20 ກັນຍານີ້.

   ດັ່ງນັ້ນ, ຈຶ່ງແຈ້ງເຕືອນເຖິງພໍ່ແມ່ປະຊາຊົນທຸກພາກສ່ວນພາກເໜືອ ແລະພາກໃຕ້ຈົ່ງມີສະຕິລະມັດລະວັງຕໍ່ສະພາບຝົນຕົກໜັກ ແລະລົມພັດແຮງທີ່ຈະເຮັດໃຫ້ມີຕົ້ນໄມ້ຫັກ, ເສົາໄຟຟ້າລົ້ມ, ເຮືອນ ເປ່ເພ, ນໍ້າຖ້ວມຊຸ, ດິນເຈື່ອນ ແລະນໍ້າຖ້ວມອັ່ງພ້ອມນີ້ກໍ່ໃຫ້ຕິດຕາມການແຈ້ງເຕືອນໄພຈາກກົມອຸຕຸນິຍົມ ແລະອຸທົກກະສາດຢ່າງຕໍ່ເນື່ອງ.

แชร์