ລາວ-ເຢຍລະມັນ ມອບອຸປະກອນ ການສຶກສາໃຫ້ 3 ໂຮງຮຽນເມືອງແກ້ວອຸດົມ

  ຄະນະບໍລິຫານງານຊາວໜຸ່ມວິທະຍາໄລ (ວລ) ເຕັກນິກລາວ-ເຢຍລະມັນ ມອບອຸປະກອນ ການສຶກສາ ແລະກີລາໃຫ້ 3 ໂຮງຮຽນຄື: ໂຮງຮຽນມັດທະຍົມສຶກສາຕອນປາຍທ່າຊັນ, ໂຮງຮຽນ ປະຖົມສຶກສາບ້ານໂພນຄໍາ ແລະ ໂຮງຮຽນປະຖົມສຶກສາບ້ານກົກ ກ້ຽງລວມມູນຄ່າ 8 ລ້ານກວ່າກີບ.

  ເມື່ອບໍ່ດົນຜ່ານມາຄະນະບໍລິ ຫານງານຊາວໜຸ່ມວິທະຍາໄລເຕັກນິກລາວ-ເຢຍລະມັນ ລົງເຜີຍແຜ່ວຽກງານຊາວໜຸ່ມ-ວຽກງານແນະ ແນວວິຊາຊີບ  ແລະມອບອຸປະກອນ ການສຶກສາ-ກີລາໃຫ້ໂຮງຮຽນມັດທະຍົມສຶກສາຕອນປາຍທ່າຊັນ ເມືອງແກ້ວອຸດົມ ແຂວງວຽງຈັນ, ໂດຍເຂົ້າຮ່ວມຂອງສະຫາຍ ສໍາ ລານ ພັນຄະວົງ ເລຂາຄະນະບໍລິຫານງານຊາວໜຸ່ມກະຊວງສຶກ ສາທິການ  ແລະກີລາ  ແລະສະຫາຍ ຄໍາສະໄຫວ  ຍ່ອມພິລາວົງ ວ່າການ ຜູ້ອໍານວຍການວິທະຍາໄລເຕັກນິກ-ລາວເຢຍລະມັນ, ມີຄະນະ ເລຂາຊາວໜຸ່ມຮາກຖານ, ໜ່ວຍ ຊາວໜຸ່ມ ແລະສະມາຊິກຊາວໜຸ່ມ.

  ໃນການລົງເຮັດວຽກໃນຄັ້ງນີ້, ແມ່ນເພື່ອແນະແນວວິຊາຊີບໃຫ້ແກ່ ຊາວໜຸ່ມນັກຮຽນ ມ4 ແລະ ມ7 ໂຮງຮຽນມັດທະຍົມສຶກສາຕອນ ປາຍທ່າຊັນ ເມືອງແກ້ວອຸດົມ ແຂວງວຽງຈັນ ທັງນີ້, ກໍເພື່ອພົບ ປະແລກປ່ຽນວຽກງານຊາວໜຸ່ມ ແລະທັດສະນະສຶກສາ. ພ້ອມກັນ ນັ້ນ, ຍັງມອບຄອມພິວເຕີໂນດບຸກຈໍານວນ 1 ເຄື່ອງ, ເຄື່ອງກີລາ 20 ຊຸດ ແລະຊຸດອຸປະກອນກີລາຈໍານວນໜຶ່ງໃຫ້ແກ່ໂຮງຮຽນມັດທະ ຍົມສຶກສາຕອນປາຍທ່າຊັນ; ມອບ ຄອມພິວເຕີຊີພີຈໍານວນ 1 ໜ່ວຍ, ເຄື່ອງກີລາຈໍານວນ 15 ຊຸດ ແລະ ຊຸດອຸປະກອນກີລາຈໍານວນໜຶ່ງໃຫ້ແກ່ໂຮງຮຽນປະຖົມບ້ານໂພນຄໍາ; ມອບຄອມພິວເຕີຊີພີ ຈໍານວນ 1  ໜ່ວຍ, ເຄື່ອງກີລາຈໍານວນ 15  ຊຸດ ແລະຊຸດອຸປະກອນກີລາຈໍານວນ ໜຶ່ງໃຫ້ແກ່ໂຮງຮຽນປະຖົມບ້ານ ກົກກ້ຽງ ລວມມູນຄ່າ 8 ລ້ານ ກວ່າກີບ.

• 19/02/2019