ໂອອິນເຮ ນັກສະແດງ ສ.ເກົາຫຼີເສຍຊີວິດແລ້ວ

 ໂອອິນເຮ ນັກສະແດງສາວຄົນ ສ.ເກົາຫຼີ ເສຍຊີວິດໃນອາຍຸ 36 ປີ ໃນວັນທີ 14 ກັນຍາທີ່ ຜ່ານມາ ຊຶ່ງກ່ອນໜ້ານີ້ໄດ້ມີການລາຍງານມາວ່າເພື່ອນສາວຂອງລາວໄດ້ພົບກັບຮ່າງກາຍຂອງດາລາສາວຄົນນີ້ໝົດສະຕິ ແລະຫົວ ໃຈຢຸດເຕັ້ນໃນເຮືອນກ່ອນທີ່ຈະຖືກ ສົ່ງໂຕໄປປິ່ນປົວ ແລະເບິ່ງອາການຢູ່ໂຮງໝໍບໍລິເວນໃກ້ຄຽງສຸດເພື່ອໃຫ້ທັນເວລາ, ຊຶ່ງໃນລະຫວ່າງຂັ້ນຕອນປະຖົມພະຍາບານໄດ້ມີການເຮັດ CPR ເພື່ອເຮັດໃຫ້ສັນຍານຊີບພະຈອນກັບຄືນມາໄດ້ແຕ່ ໂອອິນເຮ ຍັງຢູ່ໃນສະພາບໝົດສະຕິ.

  ຕໍ່ມາໃນຕອນບ່າຍຂອງມື້ດຽວກັນພົບວ່າຫົວໃຈຂອງໂອອິນເຮຢຸດເຕັ້ນອີກຄັ້ງ, ບໍ່ສາມາດຊ່ວຍຊີວິດ ດາລາສາວຄົນນີ້ໄວ້ໄດ້ ແລະເສຍຊີວິດລົງໃນອາຍຸ 36 ປີ ສາເຫດໃນການຕາຍເບື້ອງຕົ້ນສັນນິຖານ ວ່າເປັນການຂ້າຕົວຕາຍ! ການຂ້າຕົວຕາຍບໍ່ແມ່ນຄັ້ງທຳອິດທີ່ເກີດຂຶ້ນໃນ ສ.ເກົາຫຼີ ໂດຍສະເພາະກັບດາລາຜູ້ມີຊື່ສຽງ,ເຊັ່ນດຽວກັນກັບເຫດການຕາຍຄັ້ງນີ້ຂອງ ໂອອິນເຮ ທີ່ສ້າງຄວາມເສຍໃຈ ແລະຕົກໃຈຢ່າງຫຼວງຫຼາຍຕໍ່ກັບເຫຼົ່າແຟນຄລັບ,ຄອບຄົວ  ແລະເພື່ອນໃນວົງການບັນເທີງ ແລະຫຼາຍຄົນຕ່າງກໍສະແດງຄວາມເສຍໃຈນຳຄອບຄົວຂອງ ໂອອິນເຮເຊັ່ນກັນ, ສຳລັບໂອອິນເຮ ໄດ້ເລີ່ມເຂົ້າວົງການບັນເທີງ ຈາກຜົນງານເລື່ອງ Sin of aFamily ໃນປີ 2011 ແລະຜົນງານການສະແດງຫຼ້າສຸດແມ່ນເລື່ອງ The Plan 2014, ຊຶ່ງນັບຕັ້ງແຕ່ປີ  2014 ຈົນເຖິງປະຈຸບັນແມ່ນບໍ່ມີຜົນງານການສະແດງແຕ່ຍັງມີຜົນງານອື່ນໆເລື້ອຍໆໃນວົງການ ບັນເທີງເປັນຕົ້ນແມ່ນຜົນງານການຖ່າຍແບບ, ການເຮັດຊ່ອງຢູທູບ ຂອງຕົນເອງ, ເຖິງວ່າ ໂອອິນເຮ ຈະຈາກໄປແລ້ວແຕ່ຜົນງານຍັງ ເປັນທີ່ຈົດຈຳຕະຫຼອດໄປ.

---------

ຮຽບຮຽງໂດຍ: ແກ້ວ

แชร์