ຖໍ້າຜານາງ ແຫຼ່ງທ່ອງທ່ຽວທຳມະຊາດ

  ໃນສະພາບທີ່ທຸກຄົນບໍ່ສາມາດເດີນທາງໄດ້ສະດວກໂດຍສະເພາະໄປຕ່າງປະເທດເນື່ອງຈາກການແຜ່ລະບາດຂອງພະຍາດໂຄວິດ-19 ເຮັດໃຫ້ການໄປທ່ຽວຕ່າງແດນຫຍຸ້ງຍາກ ແລະ ເປັນໄປບໍ່ໄດ້ໃນຂະນະນີ້ເຖິງຢ່າງໃດກໍ່ດີປະເທດລາວແມ່ນມີແຫຼ່ງທ່ອງທ່ຽວທີ່ສວຍງາມຫຼາຍແຫ່ງຄ່ອຍໃຫ້ທ່ານໄປທ່ຽວຊົມເປັນຕົ້ນຖໍ້າຜານາງຕັ້ງຢູ່ ບ້ານຜານາງເມືອງມະຫາໄຊ, ຫ່າງຈາກຕົວເມືອງ 12 ກິໂລແມັດ ຖໍ້າຜານາງເຮົາສາມາດເຂົ້າໄດ້ທຸກລະດູໂດຍການລ່ອງເຮືອ ແລະຂຶ້ນລົດ.

   ຖໍ້າຜານາງ ເປັນສະຖານທີ່ທ່ອງທ່ຽວທາງທໍາມະຊາດແຫ່ງໜຶ່ງທີ່ຕິດພັນກັບສະໄໝສົງຄາມທີ່ມີທິວທັດທໍາມະຊາດອ້ອມຂ້າງສວຍສົດງົດງາມ, ເຕັມໄປດ້ວຍຕົ້ນໄມ້ນ້ອຍ-ໃຫຍ່ຂຽວສົດໃສຫຼາກຫຼາຍຊະນິດປົກຄຸມພື້ນທີ່ ແລະມີສັດສາວາສິ່ງຫຼາຍຊະນິດຊຶ່ງໂຕຖໍ້າມີລັກສະນະແປກຕາບໍ່ຄືບ່ອນອື່ນນັບວ່າເປັນແຫຼ່ງທ່ອງທ່ຽວທີ່ມະຫັດສະ ຈັນ ແລະມີຄວາມລຶກລັບໜ້າຄົ້ນຫາຊຶ່ງຢູ່ຕໍ່ໜ້າຖໍ້າຜານາງ ມີຂຸນລູກ ໂພມ ແລະມີພະພຸດທະຮູບຈຳນວນຫຼວງຫຼາຍພາຍໃນຖໍ້າມີຜາຫີນທີ່ດຳ, ມີຫີນງອກ, ຫີນຍ້ອຍ, ນໍ້າສ້າງທິດ ແລະຄູງູຊ່ວງສະຫຼັບຊັບຊ້ອນກັນເປັນຊັ້ນໆຖໍ້ານີ້ຍາວ 200 ແມັດ ເປັນຖໍ້າຊອດ, ກວນຜາປາ ແລະກວນຜາແດງ.

   

  ຕາມການບອກເລົ່າຂອງຊາວບ້ານຊື່ “ຖໍ້າຜານາງ”  ກໍ່ຍ້ອນວ່າ: ໃນສະໄໝແຕ່ກີ້ແຕ່ກ່ອນນາງຜົມຫອມໄດ້ອອກເຮືອນໄປຢູ່ນໍາຜົວແລ້ວຜົວຂອງນາງໄປຄ້າຄວາຍຢູ່ໄທບໍ່ມາຈັກເທື່ອໃນຕອນນັ້ນລາວຖືພາໄດ້ 3 ເດືອນ ລາວຄິດຮອດຜົວແຮງຈຶ່ງຂຶ້ນໄດ້ຢືນຄອຍຜົວຢູ່ຈອມພູພໍດີຝົນຮ່າແກ້ວຕົກລົງຫົດນາງເຮັດໃຫ້ນາງກາຍເປັນຫີນ. 

แชร์