ປີນີ້ ນະຄອນຫຼວງມີຜູ້ຕິດເຊື້ອໄຂ້ຍຸງແລ້ວເກືອບ 2 ຮ້ອຍຄົນ

 ນະຄອນຫຼວງວຽງຈັນນັບແຕ່ວັນ ທີ 1 ມັງກອນ 2019 ຈົນຮອດປັດຈຸບັນອາທີດທີ 6 ພົບຈໍານວນຜູ້ຕິດເຊື້ອໄຂ້ຍຸງລາຍ 198 ຄົນ ມີຜູ້ເສຍຊີວິດ 4 ຄົນ, ມີອັດຕາຄວາມຮຸນແຮງ 2% ຕໍ່ປະຊາກອນ 1000 ຄົນ ຂະນະທີ່ອົງການອະນາໄມໂລກໄດ້ໃຫ້ນິຍາມວ່າອັດຕາຄວາມຮຸນແຮງຂອງການຕິດເຊື້ອໄຂ້ຍຸງລາຍແມ່ນບໍ່ໃຫ້ສູງກວ່າ 0,2%.

  ໃນວັນທີ 15 ກຸມພາຜ່ານມາ ທີ່ຫ້ອງ ການປົກຄອງນະຄອນຫຼວງວຽງຈັນ ໄດ້ຈັດກອງປະຊຸມສະຫຼຸບຜົນການຈັດຕັ້ງ ປະຕິບັດປີ 2018 ແລະແຜນການປີ 2019 ວຽກງານປ້ອງກັນ ແລະຄວບຄຸມພະຍາດໄຂ້ຍຸງລາຍທົ່ວນະຄອນຫຼວງວຽງຈັນ ໂດຍການເປັນປະທານຂອງ ທ່ານ ສີຫຸນ ສິດທິລືໄຊຮອງເຈົ້າຄອງນະຄອ ນຫຼວງວຽງຈັນ, ພ້ອມດ້ວຍຫົວໜ້າຂະແໜງ ແລະພາກ ສ່ວນທີ່ກ່ຽວຂ້ອງເຂົ້າຮ່ວມ.

  ໃນປີ 2019 ແມ່ນນະຄອນຫຼວງໄດ້ວາງມາດຕະການໂດຍແນໃສ່ການມີສ່ວນຮ່ວມຂອງບັນດາສະມາຊິກໃນຄອບຄົວ, ຊຸມຊົນ, ອົງການຈັດຕັ້ງພາກລັດ ແລະພາກເອກະຊົນທຸກຂັ້ນຕ້ອງເອົາໃຈ ໃສ່ໃນການປ້ອງກັນ ແລະຄວບຄຸມພະຍາດດັ່ງກ່າວໃຫ້ໄດ້ ເພື່ອຫຼຸດຜ່ອນອັດຕາການເຈັບເປັນ ແລະອັດຕາການຕາຍທີ່ມີທ່າອ່ຽງໃນການເກີດການລະບາດໃນປີ 2019. ທັງນີ້ແມ່ນໃຫ້ປະຕິບັດຫຼັກການ 5 ປ ຄື: ປິດພາຊະນະບໍ່ໃຫ້ຍຸງມາໄຂ່ໃສ່, ປ່ຽນພາຊະນະເກັບນໍ້າໄວ້ໃຊ້ຖ້ານຮອງ ຕີນຕູ້ ແລະອື່ນໆ, ປ່ອຍປາຫາງນົກຍຸງເພື່ອ ກິນໜອນນໍ້າ, ປັບປຸງສະພາບແວດລ້ອມອ້ອມເຮືອນບໍ່ໃຫ້ມີບ່ອນລີ້ເຊື່ອງຂອງຍຸງ ແລະປະຕິບັດ ໃຫ້ເປັນນິໄສທຸກໆອາທິດ.

ນສພເສດ-ຖະກິດ-ສັງຄົມ       

แชร์