ໃນວັນທີ 8 ກັນຍາຜ່ານມາທີ່ຫ້ອງການກະສິກຳ ແລະປ່າໄມ້ເມືອງຍົມມະລາດ ແຂວງຄຳມ່ວນ ໄດ້ຈັດພິທີທຳລາຍສັດປ່າທີ່ຢຶດມາໄດ້ຕາມທ້ອງຕະຫຼາດໃຫ້ກຽດເປັນປະທານໂດຍທ່ານ ບຸນທະໄຫວ ໂດໄລສານ ຮອງເຈົ້າເມືອງຍົມມະລາດ ມີບັນດາທ່ານຫົວໜ້າ-ຮອງຫົວໜ້າຫ້ອງການອ້ອມຂ້າງເມືອງ ແລະ ພະນັກງານວິຊາການທີ່ກ່ຽວຂ້ອງເຂົ້າຮ່ວມເປັນສັກຂີພະຍານ.
   ໂດຍໃນວັນທີ 7 ກັນຍາ 2020 ທີມງານເຄື່ອນທີ່ສຸກເສິນພາກສະໜາມໄດ້ລົງກວດກາຕະຫຼາດເທບສົມບັດ ແລະ ຕະຫຼາດບ້ານໂຄກສະຫວ່າງຜົນການກວດກາພົບເຫັນການວາງຂາຍສັດປ່າຄຸ້ມຄອງ ແລະສັດສະຫງວນດັ່ງນີ້: ກວດພົບສີ້ນສ່ວນຊີ້ນເຍືອງວາງຂາຍ ແລະຊຸກເຊື່ອງໃວ້ໃນກ໋ອງນໍ້າໜັກ 13 ກິໂລ,ກະຮອກ 7 ໂຕ, ໄກ່ປ່າ 1 ໂຕ, ເຫງັນ 1 ໂຕ, ບ່າງລົ້ວ 1 ໂຕ, ງູອີລ່າຄາງເຫຼືອງ 1 ໂຕ (ຍັງເປັນ) ແລະ ສີ້ນສ່ວນໝູປ່າ 2,1 ກິໂລ ຊຸກເຊື່ອງໃວ້ໃນກ໋ອງໂຟມຊຶ່ງມີນໍ້າໜັກລວມທັງໝົດ 19,9 ກິໂລ ຫຼັງຈາກນັ້ນທາງທີມງານເຄື່ອນທີ່ສຸກເສິນພາກສະໜາມກໍ່ໄດ້ເຮັດບົດບັນທຶກຢຶດ, ຕັກເຕືອນ ແລະປັບໄໝຕາມລະບຽບກົດໝາຍ, ສ່ວນຂອງກາງແມ່ນໄດ້ນຳມາທຳລາຍດ້ວຍວິທີການຝັງດິນສ່ວນງູອີລ່າຄາງເຫຼືອງທີ່ຍັງເປັນນັ້ນແມ່ນໄດ້ນຳເອົາໄປປ່ອຍຄືນສູ່ທຳມະຊາດທີ່ປ່າປ້ອງກັນ.

----------------

ຂ່າວ: ຄຳພູວາ,  ໜັງສືພິມເສດຖະກິດ-ສັງຄົມ

   

แชร์