ຍ້ອນການນນຳພາຂອງພັກເຮັດໃຫ້ທຸລະກິດປະສົບຜົນສຳເລັດ

  ເພື່ອເປັນການສ້າງຜົນງານ, ສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ອົງຄະນະພັກ ແຂວງສະຫວັນນະເຂດຄັ້ງທີ 9 ທີ່ຈະໄດ້ໄຂຂຶ້ນໃນທ້າຍ ປີ 2020 ນີ້ ໃຫ້ເຕັມໄປດ້ວຍບັນຍາກາດ ແລະມີຄວາມໝາຍສຳຄັນພ້ອມທັງເປັນການສະແດງຄວາມຮູ້ບຸນຄຸນຕໍ່ການນຳພາອັນສະຫຼາດສ່ອງໃສຂອງການນຳພັກ-ລັດ ກໍ່ຄືການນຳພາຂອງອົງຄະນະພັກແຂວງຊຸດທີ 8 ທີ່ເຮັດໃຫ້ການດຳເນີນທຸລະກິດຂອງໂຮງງານນໍ້າດື່ມ-ນໍ້າກ້ອນໂລມາຄຳໄດ້ຮັບການພັດທະນາດີຂຶ້ນກ້າວໄປເຖິງການປະກອບສ່ວນຊ່ວຍ ເຫຼືອປະຊາຊົນໃຫ້ຫຼຸດພົ້ນອອກຈາກຄວາມທຸກຍາກໄດ້ເທື່ອລະກ້າວ.

  ທ່ານ ເກຍ ອູ໊ສິດທິເດດ ເຈົ້າຂອງໂຮງງານນໍ້າດື່ມ-ນໍ້າກ້ອນໂລມາຄຳນັກ ພັດທະນາດີເດັ່ນແຫ່ງຊາດໄດ້ໃຫ້ຮູ້ເຖິງຜົນສຳເລັດໃນການດຳເນີນທຸກິດ ແລະ ການມີສ່ວນ ຮ່ວມປະກອບສ່ວນຊ່ວຍເຫຼືອສັງຄົມໃນໄລຍະຜ່ານມາກໍ່ຄືການປະກອບສ່ວນໃນການດຳເນີນທຸລະກິດ, ເຮັດການຜະລິດຂອງຕົນເອງເຂົ້າໃນວຽກງານພັດທະນາເສດຖະ ກິດ-ສັງຄົມຂອງແຂວງຈົນເຮັດໃຫ້ເສດຖະກິດຂອງຕົນເອງມີການຂະຫຍາຍຕົວ ແລະ ໄດ້ມີໂອກາດໄດ້ເຂົ້າຮ່ວມການເຄື່ອນໄຫວກັບອົງການຈັດຕັ້ງໃນການແກ້ໄຂຄວາມທຸກຍາກເປັນຕົ້ນແມ່ນໄດ້ເຂົ້າຮ່ວມບັ້ນແຂ່ງຂັນຮັກຊາດ-ພັດທະນາ ແລະລົບລ້າງຄວາມທຸກຍາກຂອງປະຊາຊົນໂດຍເລີ່ມແຕ່ປີ 2016ໄດ້ມີໂອກາດເຂົ້າຮ່ວມແກ້ໄຂຄວາມທຸກຍາກຂອງປະຊາຊົນ 2 ບ້ານຄື: ບ້ານຄຳປ່າແໜ ແລະບ້ານປ່າກ້ວຍ ເມືອງຈຳພອນ ໄດ້ເຂົ້າກັບກັບອົງການຈັດຕັ້ງເປັນເວລາ 3 ປີ ໃນການຊ່ວຍແກ້ໄຂຊີວິດການເປັນ ຢູ່ຂອງປະຊາຊົນບ້ານດັ່ງກ່າວໃຫ້ດີຂຶ້ນ, ໂດຍການຊຸກຍູ້ສົ່ງເສີມໃຫ້ປະຊາຊົນທຳ ການຜະລິດ ເພື່ອແກ້ໄຂຊີວິດການເປັນຢູ່ ແລະກ້າວໄປເຖິງການຜະລິດເປັນສິນຄ້າ, ເລີ່ມຈາກການບຸກເບີກເນື້ອທີ່ນາໃຫ້ປະຊາຊົນ, ສົ່ງເສີມການປູກ, ການລ້ຽງສັດດ້ວຍການສະໜອງແນວພັນພືດ, ແນວພັນສັດໃຫ້ປະຊາຊົນ, ນອກນີ້ຍັງກໍ່ສ້າງທາງດ້ານພື້ນ ຖານໂຄງລ່າງເປັນຕົ້ນແມ່ນຖະໜົນຫົນທາງ, ໂຮງຮຽນ, ໂຮງໝໍເພື່ອສ້າງໃຫ້ລູກຫຼານໄດ້ຮັບການສຶກສາ ແລະ ປະຊາຊົນໄດ້ເຂົ້າເຖິງຕາໜ່າງສາທາລະນະສຸກຢ່າງທົ່ວເຖິງພາຍຫຼັງ 3 ປີ ທີ່ທາງໂຮງງານນໍ້າດື່ມ-ນໍ້າກ້ອນໂລມາຄຳ ໄດ້ລົງມີສ່ວນຮ່ວມກັບການຈັດຕັ້ງກໍ່ໄດ້ມີຫຼາຍສິ່ງຫຼາຍຢ່າງທີ່ເກີດຂຶ້ນກັບຄອບຄົວເປົ້າໝາຍ ແລະ ນອກເປົ້າໝາຍໂດຍສະເພາະກໍ່ແມ່ນໄຮ່ນາ, ຮົ້ວສວນ, ສັດລ້ຽງ ແລະອື່ນໆ ຊຶ່ງມັນໄດ້ເຮັດໃຫ້ປະຊາຊົນໄດ້ເຂົ້າໃຈຕໍ່ແນວທາງນະໂຍບາຍຂອງພັກກໍ່ຄືແຜນພັດທະນາເສດຖະ ກິດ-ສັງຄົມ 5 ປີ ຄັ້ງທີ 8 ຂອງອົງຄະພັກແຂວງສະຫວັນນະເຂດ ໄດ້ວາງອອກດ້ວຍການສ້າງໃຫ້ປະຊາຊົນເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ.

  ທ່ານ ເກຍ ອູ໊ສິດທິເດດ ຍັງໃຫ້ຮູ້ຕື່ມອີກວ່າ: ໃນທ້າຍປີ 2019 ແມ່ນໄດ້ສືບຕໍ່ເຂົ້າຮ່ວມຂະບວນການຮັກຊາດ ແລະພັດທະນາທີ່ທ່ານເຈົ້າແຂວງໄດ້ປຸກລະດົມ ແລະກໍ່ໄດ້ຈັບມືກັບສະຖາບັນການເງິນຈຸລະພາກທີ່ຮັບເງິນຝາກສາຍໃຍສຳພັນຂອງທ່ານ ສາຍສະໝອນ ກວານເມືອງຈັນ ທີ່ໄດ້ຮ່ວມກັນລົງຊຸກຍູ້ສົ່ງເສີມສ້າງເສດຖະກິດຄອບ ຄົວໃຫ້ຄອບຄົວເປົ້າໝາຍບ້ານປ່າແໜະແລະບ້ານຕະຢົງ ເມືອງນອງ ຊຶ່ງປະຊາຊົນທັງ 2 ບ້ານແມ່ນມີຄວາມດຸໝັ້ນຢູ່ແລ້ວແຕ່ຍັງຂາດເຕັກນິກວິຊາການໃນການຜະລິດດັ່ງນັ້ນທາງໂຄງການຮ່ວມໃຈສາຍໃຍໂລມາຄຳຈຶ່ງໄດ້ຊຸກຍູ້ທາງດ້ານແນວພັນ ແລະ ສ້າງສິ່ງເອື້ອອຳນວຍຄວາມສະດວກໃຫ້ເຂົາເຈົ້າໄດ້ທຳການຜະລິດເປັນຕົ້ນແມ່ນການເຈາະສ້າງນໍ້າບາດານ, ການສ້າງຝາຍນໍ້າລົ້ນ, ການສົ່ງເສີມດ້ານການຕໍ່າຫູກ, ພັດທະນາດ້ານພື້ນຖານໂຄງລ່າງຈຳນວນໜຶ່ງ. ພ້ອມດຽວກັນນີ້ຍັງໄດ້ສົ່ງເສີມທາງດ້ານແນວພັນພືດໄລຍະສັ້ນ ແລະໄລຍະກາງໃນນັ້ນປະກອບມີໝາກເຜັດ, ໝາກເຂືອ, ສາລີ, ເຂົ້າກໍ່າ, ໝາກຫຸ່ງ, ຫວາຍ, ແຂມ ແລະພືດຜັກຊະນິດຕ່າງໆ.

  ໂອກາດນີ້ ທ່ານ ເກຍ ອູ໊ສິດທິເດດ ກໍ່ໄດ້ສະແດງຄວາມຮູ້ບຸນຄຸນເປັນຢ່າງສູງຕໍ່ການນຳພາຂອງການນຳພັກ-ລັດ, ກໍ່ຄືການຊີ້ນຳໆພາຂອງອົງຄະນະພັກແຂວງສະຫວັນນະເຂດທີ່ຍາມໃດກໍ່ໄດ້ເອົາໃຈໃສ່ຊຸກຍູ້ການຜະລິດ, ການດຳເນີນທຸລະກິດຂອງປະຊາຊົນໃຫ້ນັບມື້ເຕີບໃຫຍ່ເຂັ້ມແຂງ ແລະໄດ້ຮັບການພັດທະນາດີຂຶ້ນເປັນກ້າວໆ ພ້ອມນີ້ທ່ານຍັງໄດ້ອວຍພອນໄຊໃຫ້ກອງປະຊຸມໃຫຍ່ອົງຄະນະພັກ ແຂວງສະຫວັນນະເຂດ ຄັ້ງທີ 9 ທີ່ຈະໄດ້ໄຂຂຶ້ນໃນທ້າຍປີ 2020 ນີ້ ຈົ່ງປະສົບຜົນສຳເລັດຕາມລະດັບຄາດ ໝາຍ.

แชร์