ຍີ່ປຸ່ນເລັ່ງສັກວັກແຊງໂຄວິດ ໃຫ້ປະຊາຊົນລ້າ

ລັດຖະບານຍີ່ປຸ່ນ ກຳລັງພິ ຈາລະນາເລື່ອງສັກວັກແຊງປ້ອງກັນການຕິດເຊື້ອໂຄວິດ-19 ໃຫ້ກັບປະຊາຊົນທຸກຄົນໂດຍບໍ່ເສຍຄ່າ (ລ້າ) ເພື່ອຈໍາກັດການເສຍຊີວິດ ແລະການເຈັບໜັກ.

  ຕາມຂ່າວຕ່າງປະເທດລາຍ ງານວ່າລັດຖະບານຕ້ອງການໃຫ້ມີຄົນຮັບການສັກວັກແຊງໃຫ້ໄດ້ຫຼາຍທີ່ສຸດເທົ່າທີ່ສາມາດເຮັດໄດ້ເພາະເຊື້ອໄວຣັດໂຄວິດລະບາດໄດ້ສູງຂຶ້ນ ແລະສ່ຽງເຮັດໃຫ້ຜູ້ຕິດເຊື້ອເຈັບໜັກທ່ານ ຊິນໂຊອາ ເບະ ອະດີດນາຍົກລັດຖະມົນຕີຍີ່ປຸ່ນ ກ່າວໃນອາທິດກ່ອນໜ້ານີ້ວ່າຕ້ອງການຈັດຫາວັກແຊງໃຫ້ປະຊາຊົນທຸກຄົນພາຍໃນຕົ້ນປີໜ້າແຫຼ່ງຂ່າວເປີດເຜີຍວ່າມາດຕະການທີ່ກຳລັງ ຫາລືຢູ່ຄືຈະໃຫ້ຄວາມສຳຄັນເປັນອັນດັບທຳອິດກັບບຸກຄະລາກອນ ທາງການແພດ, ຜູ້ສູງອາຍ ຸແລະຜູ້ມີພະຍາດປະຈຳຕົວໂດຍໃຫ້ທາງການທ້ອງຖິ່ນເປັນຜູ້ດຳເນີນການສັກວັກແຊງງົບປະມານທີ່ຈະນໍາມາຈັດຊື້ຈະມາຈາກທຶນສຳຮອງ ຂອງງົບປະມານປີປະຈຸບັນທີ່ຈະສິ້ນສຸດໃນເດືອນມີນາ 2021 ນອກຈາກນີ້ ຍັງພິຈາລະນາເລື່ອງ ເງິນທີ່ຕ້ອງຊົມເຊີຍຖ້າຫາກເກີດ ບັນຫາດ້ານສຸຂະພາບ.

ປະຈຸບັນຍີ່ປຸ່ນມີຄົນເຈັບທີ່ຕິດເຊື້ອພະຍາດໂຄວິດ-19 ສະສົມ 68.392 ຄົນ ແລະເສຍຊີວິດ 1.296 ຄົນ.

----------

ໜັງສືພິມເສດຖະກິດ-ສັງຄົມ

แชร์