ສະຫວັນ ທາບທາມບຸກຄະລາກອນ

  ວັນທີ 31 ສິງຫາຜ່ານມາທີ່ສະໂມສອນ ນະຄອນໄກສອນ ພົມວີຫານ ແຂວງສະຫວັນນະເຂດ ໄດ້ຈັດກອງປະຊຸມທາມບຸກຄະລາກອນຈະສະໜັກຮັບເລືອກຕັ້ງເຂົ້າໃນຄະນະບໍລິຫານງານພັກແຂວງສະໄໜທີ lX ຮອບທີ 1 ຂອງນະຄອນໄກສອນ ພົມວິຫານ ໃຫ້ກຽດເຂົ້າຮ່ວມເປັນປະທານຂອງທ່ານ ສັນຕິພາບ ພົມວິຫານ ເລຂາພັກແຂວງເຈົ້າ ແຂວງສະຫັວນນະເຂດ, ມີຮອງເລຂາພັກແຂວງ, ຄະນະປະຈໍາພັກແຂວງ, ກໍາມະການພັກແຂວງ, ຄະນະຈັດຕັ້ງແຂວງ, ອະດິດການນໍາແຂວງ, ມີເລຂາພັກນະຄອນເຈົ້ານະຄອນໄກສອນ ພົມວິຫານ, ຮອງເລຂາພັກນະຄອນ, ຫົວໜ້າຫ້ອງການ, ຮອງຫົວໜ້າຫ້ອງການ ແລະພ້ອມດ້ວຍຫົວໜ້າໜ່ວຍງານອ້ອມຂ້າງທົ່ວນະຄອນເຂົ້າຮ່ວມ.

  ທ່ານ ທອງທ່ຽງ ສີດາວົງ ຫົວໜ້າຄະນະຈັດຕັ້ງແຂວງສະຫວັນນະເຂດໄດ້ຂຶ້ນຜ່ານມາດຕະຖານ ແລະເງື່ອນໄຂຜູ້ທີ່ຈະເລືອກເພັ້ນເຂົ້າເປັນຄະນະບໍລິຫານງານພັກແຂວງຊຸດໃໝ່ຊຶ່ງອີງຕາມກົດລະບຽບຂອງພັກປະຊາຊົນປະຕິວັດລາວສະໄໝທີ X, ມະຕິຂອງກົມການເມືອງສູນກາງພັກສະບັບເລກທີ່ 030/ກມສພ, ລົງວັນທີ 3 ມັງກອນ 2018 ວ່າດ້ວຍມາດຕະຖານຂອງພະນັກງານນໍາພາ-ຄຸ້ມຄອງ ແລະຄໍາສັ່ງຂອງຄະນະເລຂາທິການສູນກາງພັກສະບັບເລກທີ 04/ຄລສພ, ລົງວັນທີ 7 ພຶດ ສະພາ 2018 ວ່າດ້ວຍການກະກຽມດໍາເນີນກອງປະຊຸມໃຫຍ່ອົງຄະນະພັກກະຊວງ-ອົງການ, ແຂວງ-ນະຄອນຫຼວງ, ອົງຄະນະພັກເມືອງ-ຄອນ ແລະຮາກຖານພັກໃນທົ່ວປະເທດ ແລະຄໍາແນະຂອງຄະນະຈັກຕັ້ງສູນກາງພັກເລທີ 784/ຄຈສພ, ລົງ ວັນທີ 14 ກັນຍາ 2018 ກ່ຽວກັບການຈັດຕັ້ງປະຕິບັດຄໍາສັ່ງ 04/ຄລສພ ຊຶ່ງເພື່ອເປັນບ່ອນອີງພື້ນຖານໃຫ້ແກ່ບັນດາສະຫາຍຜູ້ແທນກອງປະຊຸມໃນການຄົ້ນຄວ້າ, ພິຈາລະນາເປົ້າໝາຍບຸກຄະລາກອນກອງປະຊຸມອົງຄະນະພັກແຂວງຄັ້ງທີ lX, ຄະນະອະນຸກໍາມະການບຸກຄະລາກອນຂັ້ນແຂວງໄດ້ສັງລວມເອົາບາງເນື້ອໃນມາດຕະຖານ ແລະເງື່ອນໄຂຂອງຜູ້ທີ່ຈະສະໜັກເຂົ້າເປັນຄະນະບໍລິຫານງານພັກແຂວງຊຸດໃໝ່.

--------------

ຮູບພາບ: #ຫນັງສືພິມເສດຖະກິດສັງຄົມ

แชร์