ລັດສືກສາອົບຮົມຜູ້ຂາຍຫວຍເຖື່ອນ ແລະຮ້ານເກມອອນລາຍ

  ໃນວັນທີ 29 ສິງຫາ 2020, ພະແນກຕໍາຫຼວດ, ໜ່ວຍງານງານສືບສວນ-ສອບສວນຄະດີອາຍາເສດຖະກິດ ປກສ ນະຄອນໄກສອນພົມວິຫານ ແຂວງສະຫວັນນະເຂດ ພ້ອມດ້ວຍພາກສ່ວນກ່ຽວຂ້ອງໄດ້ສຶກສາອົບຮົບຜູ້ຂາຍເລກເຖື່ອນຈໍານວນ 11 ຄົນຍິງ 6 ຄົນ ແລະຮ້ານເກມອອນລາຍຈຳນວນ 40 ຮ້ານ.

ພາບປະກອບຂ່າວ

 ທ່ານ ພັທ ຄຳພູນ ຊອມບຸຜາ ຫົວໜ້າພະແນກຕຳຫຼວດ ປກສ ນະຄອນ ໄກສອນ ພົມວິຫານ ກ່າວວ່າ: ປະຈຸບັນມີກຸ່ມຄົນຈໍານວນໜຶ່ງພາກັນລັກລອບເຄື່ອນໄຫວຂາຍເລກ-ຫວຍເຖື່ອນເພື່ອໃຫ້ຄົນຊ່ຽງໂຊກ ແລະ ຕູ້ເກມອອນລາຍຊຶ່ງເປັນການພະນັນອີກຮູບການໜຶ່ງໂດຍອີງໃສ່ຄຳສັ່ງແນະນຳຂອງລັດຖະມົນຕີກະຊວງການເງິນວ່າດ້ວຍການຄຸ້ມຄອງກິດຈະການຫວຍສະບັບເລກທີ 1332/ກງ, ລົງວັນທີ 17 ມິຖຸນາ 2009 ແລະແຈ້ງການຂອງຫ້ອງການກະຊວງຖະແຫຼງຂ່າວ, ວັດທະນະທຳ ແລະທ່ອງທ່ຽວເລື່ອງການອະນຸມັດໃຫ້ສ້າງຕູ້ເກມສະບັບເລກທີ່ 157/ຫກ, ລົງວັນທີ 24 ເມສາ 2017 ຊຶ່ງຈະໄດ້ນຳຜູ້ກະທຳຜິດມາສຶກສາອົບຮົມ-ກ່າວເຕືອນຫາກບຸກ ຄົນ,ນິຕິບຸກຄົນຍັງສືບຕໍ່ກະທຳຜິດຈະຖືກນຳໃຊ້ມາດຕະການທາງດ້ານກົດໝາຍຢ່າງເດັດຂາດຕາມມາດຕາ 141 ການຫຼິ້ນການພະນັນທີ່ຕ້ອງຫ້າມໄດ້ລະບຸໄວ້ວ່າ: ບຸກ ຄົນໃດຫາກມີການຫຼີ້ນການພະນັນທີ່ຕ້ອງຫ້າມຈະຖືກປັບໃຫມແຕ່ 5 ລ້ານກີບ ຫາ 10 ລ້ານກີບ, ບຸກຄົນໃດຫາກໄດ້ສົມຍອມໃຫ້ຫຼິ້ນການພະນັນທີ່ຕ້ອງຫ້າມຢູ່ໃນເຮືອນຂອງຕົນ ຫຼືເປັນເຈົ້າມື ຫຼືເປັນຜູ້ກະທໍາຜິດທີ່ບໍ່ເຂັດຫຼາບຈະຖືກລົງໂທດຕັດອິດສະຫຼະພາບແຕ່ 3 ເດືອນ ຫາ2 ປີ ຫຼື ດັດສ້າງໂດຍບໍ່ຕັດອິດສະຫຼະພາບ ແລະ ຈະຖືກປັບໃໝແຕ່ 5 ລ້ານກີບ ຫາ 15 ລ້ານກີບ.

ພາບປະກອບຂ່າວ

    ທ່ານ ພັທ ບຸນຖະໝອມ ໄຊປັນຍາ ຝັງໄດ້ຮຽກຮ້ອງໃຫ້ຜູ້ຂາຍຫວຍເຖື່ອນ ແລະ ຕູ້ເກມອອນລາຍຈົ່ງຢຸດເຊົາການເຄື່ອນໄຫວດັ່ງກ່າວເພາະການກະທໍາຜິດດັ່ງກ່າວນອກຈາກຜິດຕໍ່ລະບຽບກົດໝາຍແລ້ວຍັງເຮັດໃຫ້ສັງຄົມບໍ່ມີຄວາມເປັນລະບຽບຮຽບຮ້ອຍພ້ອມດຽວກັນນັ້ນຍັງຮຽກຮ້ອງໃຫ້ພໍ່-ແມ່ປະຊາຊົນພາຍໃນ ແຂວງສະຫວັນນະເຂດຈົ່ງພາກັນຊອກຢູ່ຫາກິນ, ປະກອບອາຊີບທີ່ສຸດຈະລິດຖືກຕ້ອງຕາມລະບຽບກົດໝາຍ.

ຮູບພາບ: #ຫນັງສືພິມເສດຖະກິດສັງຄົມ

แชร์