ມອບ-ຮັບໜ້າທີ່ຫົວໜ້າຄະນະຈັດຕັ້ງ ແຂວງຫຼວງນໍ້າທາ

  ວັນທີ 28 ສິງຫາ 2020 ຢູ່ທີ່ສະໂມສອນແຂວງຫຼວງນໍ້າທາ, ໄດ້ຈັດພິທີມອບ-ຮັບຫົວໜ້າຄະນະຈັດຕັ້ງ ແລະຫົວໜ້າຫ້ອງວ່າການແຂວງຫຼວງນໍ້າທາຜູ້ເກົ່າ ແລະຜູ້ໃໝ່, ໃຫ້ກຽດເຂົ້າຮວ່ມຂອງທ່ານ ຄໍາໄຫຼ ສີປະເສີດ ເລຂາຄະນະບໍລິຫານງານພັກແຂວງ, ມີຮອງເລຂາພັກແຂວງ, ກໍາມະການປະຈໍາພັກແຂວງ, ກໍາມະການພັກ ແຂວງ, ຫົວໜ້າພະແນກ-ຮອງຫົວໜ້າພະແນກ, ການນໍາຂອງເມືອງ ແລະພາກສ່ວນທີ່ກ່ຽວຂ້ອງເຂົ້າຮ່ວມ.

  ທ່ານ ຈັນທະໜອມ ຂັນທະລາດ ຮອງຫົວໜ້າຄະນະຈັດຕັ້ງແຂວງ, ໄດ້ຜ່ານຂໍ້ຕົກລົງຂອງທ່ານເຈົ້າແຂວງວ່າດ້ວຍການຍົກຍ້າຍພະນັກງານໄປຮັບໜ້າທີ່ໃໝ່ ແລະຂໍ້ ຕົກລົງວ່າດ້ວຍການແຕ່ງຕັ້ງວ່າການຫົວໜ້າຫ້ອງວ່າການແຂວງໄດ້ຂຶ້ນກ່າວມອບ-ຮັບໜ້າທີ່ລະຫວ່າງທ່ານ ຈັນທອງ ແກ້ວປະເສີດ ຮອງເລຂາພັກແຂວງຫົວໜ້າຄະຈັດຕັ້ງແຂວງໄປຮັບໜ້າທີ່ໃໝ່ຢູ່ຫ້ອງວ່າການແຂວງເປັນຮອງເລຂາພັກແຂວງ, ແຕ່ງຕັ້ງທ່ານ ພົມມະສຸກ ວິໄລກຸນ ກໍາມະການປະຈໍາພັກແຂວງຫົວໜ້າຫ້ອງວ່າການແຂວງໄປຮັບໜ້າທີ່ໃໝ່ເປັນຫົວໜ້າຄະຈັດຕັ້ງແຂວງ ແລະແຕ່ງຕັ້ງທ່ານ ຄໍາເພັດ ຈັນທະວົງ ກໍາມະການພັກແຂວງຮອງຫົວໜ້າຫ້ອງວ່າການແຂວງເປັນວ່າການຫົວ ໜ້າຫ້ອງວ່າການແຂວງພ້ອມນັ້ນໄດ້ເຊັນບົດບັນທຶກມອບ-ຮັບໜ້າທີ່ທັງສາມທ່ານໂດຍຊ່ອງໜ້າຜູ້ເຂົ້າຮ່ວມເປັນສັກຂີພິຍານ.

---------------

ໂດຍ: ມຸນຕີ

ໜັງສືພິມເສດຖະກິດ-ສັງຄົມ

• 02/09/2020